Глава 
16

Втор.16  с толкованием

1
Храни месяц новых (плодов), и да сотвориши Пасху Господеви Богу твоему, яко в месяце новых изшел еси из Египта нощию.

Втор.16:1  с толкованием

2
И да пожреши Пасху Господеви Богу твоему, овцы и говяда на месте, еже изберет Господь Бог твой призывати имя Его тамо.

Втор.16:2  с толкованием

3
Да не снеси в ню кваснаго: седмь дний да яси в ню опресноки, хлеб озлобления, яко со тщанием изыдосте из Египта, да поминаете день исхода вашего от земли Египетския вся дни жития вашего:

Втор.16:3  с толкованием

4
да не явится тебе квасно во всех пределех твоих седмь дний, и да не преноществует от мяс, яже пожреши в вечер в первый день, до утрия.

Втор.16:4  с толкованием

5
Не возможеши жрети Пасхи ни в единем от градов твоих, яже Господь Бог твой дает тебе:

Втор.16:5  с толкованием

6
но токмо на месте, еже изберет Господь Бог твой призывати имя Его ту, тамо пожреши Пасху в вечер при захождении солнца, во время в неже изшел еси из земли Египетския:

Втор.16:6  с толкованием

7
и свариши, и испечеши, и снеси на месте, идеже изберет Господь Бог твой: и возвратишися заутра, и пойдеши в дом твой.

Втор.16:7  с толкованием

8
Шесть дний да яси опресноки, в седмый же день исходный праздник Господеви Богу твоему: да не сотвориши в нем всякаго дела, кроме яже суть души.

Втор.16:8  с толкованием

9
Седмь седмиц всецелых да сочтеши себе: в начало же твоего серпа на жатву начни исчисляти седмь седмиц,

Втор.16:9  с толкованием

10
и да сотвориши праздник седмиц Господеви Богу твоему, якоже рука твоя может, елика даст тебе, якоже благослови тя Господь Бог твой.

Втор.16:10  с толкованием

11
И возвеселишися пред Господем Богом твоим ты и сын твой и дщерь твоя, и раб твой и раба твоя, и левит иже во градех твоих, и пришлец, и сирота и вдова, яже в вас, на месте, идеже изберет Господь Бог твой призывати имя Его тамо:

Втор.16:11  с толкованием

12
и помянеши, яко раб был еси (ты) в земли Египетстей, и сохраниши и сотвориши заповеди сия.

Втор.16:12  с толкованием

13
Праздник кущей да сотвориши себе седмь дний, егда собереши от нивы твоея и от точила твоего:

Втор.16:13  с толкованием

14
и да возвеселишися в празднице твоем ты и сын твой и дщи твоя, раб твой и раба твоя, и левит и пришлец, и сирота и вдова, яже во градех твоих:

Втор.16:14  с толкованием

15
седмь дний да празднуеши Господеви Богу твоему на месте, еже изберет Господь Бог твой призывати имя Его тамо: аще же благословит тя Господь Бог твой во всех плодех твоих и во всяком деле рук твоих, и будеши веселяся.

Втор.16:15  с толкованием

16
В три времена лета да явится всяк мужеск пол пред Господем Богом твоим, на месте, еже изберет Господь Бог твой: в праздник опресноков, и в праздник седмиц, и в праздник кущей: да не явишися пред Господем Богом твоим тощь:

Втор.16:16  с толкованием

17
кийждо по силе рук своих, по благословению Господа Бога твоего, еже даде тебе.

Втор.16:17  с толкованием

18
Судии и книгочии поставиши себе во всех градех твоих, яже Господь Бог твой дает тебе по племенам, и да судят людем суд праведный:

Втор.16:18  с толкованием

19
да не уклонят суда, ниже познают лице, ниже да возмут даров: дары бо ослепляют очи мудрых и отмещут словеса праведных.

Втор.16:19  с толкованием

20
Праведне праведное гоните, да поживете, и вшедше наследите землю, юже Господь Бог твой дает вам.

Втор.16:20  с толкованием

21
Да не насадиши себе дубравы: всякаго древа близ олтаря Господа Бога твоего да не сотвориши себе,

Втор.16:21  с толкованием

22
да не поставиши себе капища, еже возненавиде Господь Бог твой.

Втор.16:22  с толкованием

Глава 
17

Втор.17  с толкованием

1
Да не пожреши Господеви Богу твоему телца или овчате, на немже есть порок, всяк глагол зол: яко мерзость Господеви Богу твоему есть.

Втор.17:1  с толкованием

2
Аще же обрящется у тебе во единем от градов твоих, яже Господь Бог твои дает тебе, муж или жена, иже сотворит лукавое пред Господем Богом твоим, преступити завет Его:

Втор.17:2  с толкованием

3
и шедше послужат богом иным и поклонятся им, солнцу, или луне, или всякому яже от красоты небесныя, ихже не повелех тебе:

Втор.17:3  с толкованием

4
и возвестится тебе, и взыщеши зело, и се, истинно бысть слово, мерзость сотворися сия во Израили:

Втор.17:4  с толкованием

5
да изведеши человека того, или жену ту, иже сотвориша дело злое сие, пред двери, и побиете их камением, и да умрут.

Втор.17:5  с толкованием

6
При двою свидетелех или при трех да умрет: умираяй да не умрет при единем свидетели:

Втор.17:6  с толкованием

7
и рука свидетелей да будет на нем в первых, умертвити его, и рука всех людий послежде: и измите злое от вас самех.

Втор.17:7  с толкованием

8
Аще же неудоборешимо слово у тебе в суде между кровию и кровию, и между судом и судом, и между язвою и язвою, и между прением и прением, словеса судная в градех твоих, и востав взыдеши на место, еже изберет Господь Бог твой призвати имя Его тамо:

Втор.17:8  с толкованием

9
и приидеши к жерцем левитом, и к судии, иже будет в тыя дни, и взыскавше возвестят тебе суд:

Втор.17:9  с толкованием

10
и сотвориши по словеси, еже возвестят тебе от места, еже изберет Господь Бог твой призывати имя Его тамо, и да сохраниши зело творити вся, елика законоположатся тебе:

Втор.17:10  с толкованием

11
по закону и по суду, егоже рекут тебе, сотвориши, да не уклонишися от словесе, еже известят тебе, ни на десно, ни на лево.

Втор.17:11  с толкованием

12
И человек, иже сотворит в гордости, еже не послушати жерца предстоящаго служити во имя Господа Бога твоего, или судии, иже в тыя дни будет, да умрет человек той, и да измеши злое от Израиля:

Втор.17:12  с толкованием

13
и вси людие услышавше убоятся, и не будут нечествовати ктому.

Втор.17:13  с толкованием

14
Аще же внидеши в землю, юже Господь Бог твой дает тебе в жребий, и приимеши ю, и вселишися на ней, и речеши: поставлю князя над собою, якоже и прочии языцы, иже окрест мене:

Втор.17:14  с толкованием

15
поставляя да поставиши над собою князя, егоже изберет Господь Бог твой, от братии твоея да поставиши над собою князя, не возможеши поставити над собою князя человека чуждаго, яко не брат твой есть.

Втор.17:15  с толкованием

16
Обаче да не умножит себе коней, ниже да возвратит людий во Египет, яко да не умножит себе коней: Господь же рече вам: не приложите возвратитися путем сим ктому:

Втор.17:16  с толкованием

17
и да не умножит себе жен, да не превратится сердце его: и сребра и злата да не умножит себе зело.

Втор.17:17  с толкованием

18
И будет егда сядет на престоле власти своея, да напишет себе второзаконие сие в книзе от жерцев левитов,

Втор.17:18  с толкованием

19
и будет с ним, и да чтет ю во вся дни жития своего, да научится боятися Господа Бога своего и хранити вся заповеди сия и оправдания сия, творити я:

Втор.17:19  с толкованием

20
да не возвысится сердце его от братии его, да не преступит от заповедий ни на десно, ни на лево яко да будет многа лета во власти своей, той и сыны его с ним, в сынех Израилевых.

Втор.17:20  с толкованием

Глава 
18

Втор.18  с толкованием

1
Да не будет жерцем левитом всему племени Левиину части ниже жребия со Израилем: приношения Господу жребий их, да ядят я:

Втор.18:1  с толкованием

2
жребий же да не будет ему в братии его: Господь Сам жребий его, якоже рече ему.

Втор.18:2  с толкованием

3
И сей суд жерцев, яже от людий, от приносящих жертвы, аще телца, аще овцу: и даси жерцу рамо, и челюсти, и утробу:

Втор.18:3  с толкованием

4
и начатки пшеницы твоея и вина твоего и елеа твоего, и начаток стрижения овец твоих да даси ему:

Втор.18:4  с толкованием

5
яко того избра Господь Бог твой от всех племен твоих предстояти пред Господем Богом твоим, служити и благословити во имя Господне, той и сынове его во вся дни.

Втор.18:5  с толкованием

6
Аще же приидет левит от единаго градов ваших, от всех сынов Израилевых, идеже той обитает, якоже желает душа его, на место, еже изберет Господь,

Втор.18:6  с толкованием

7
да служит имени Господа Бога вашего, якоже и вся братия Его левити предстоящии тамо пред Господем:

Втор.18:7  с толкованием

8
часть отделеную да яст, кроме продажи яже по отечеству.

Втор.18:8  с толкованием

9
Аще же внидеши в землю, юже Господь Бог твой дает тебе, да не навыкнеши творити по мерзостем языков тех:

Втор.18:9  с толкованием

10
да не обрящется в тебе очищая сына своего и дщерь свою огнем, волхвуя волхвованием и чаруяй и птицеволшебствуяй,

Втор.18:10  с толкованием

11
чародей обавая обаванием, утробоволхвуяй и знаменосмотритель, и вопрошаяй мертвых:

Втор.18:11  с толкованием

12
есть бо мерзость Господеви Богу твоему всяк творяй сия: сих бо ради мерзостей потребит я Господь Бог твой от лица твоего.

Втор.18:12  с толкованием

13
Совершен да будеши пред Господем Богом твоим.

Втор.18:13  с толкованием

14
Языцы бо сии, ихже ты наследиши, сии чарований и волхвований послушают: тебе же не тако даде Господь Бог твой.

Втор.18:14  с толкованием

15
Пророка от братии твоея, якоже мене, возставит тебе Господь Бог твой, Того послушайте:

Втор.18:15  с толкованием

16
по всему, елико просил еси от Господа Бога твоего в Хориве в день собрания, глаголюще: да не приложим слышати гласа Господа Бога нашего, и огня великаго сего не увидим по сем, да не измрем.

Втор.18:16  с толкованием

17
И рече Господь ко мне: право вся, елика глаголаху к тебе:

Втор.18:17  с толкованием

18
Пророка возставлю им от среды братии их, якоже тебе: и вдам слово Мое во уста Его, и возглаголет им, якоже заповедаю Ему:

Втор.18:18  с толкованием

19
и человек той, иже не послушает словес Его, елика возглаголет Пророк оный во имя Мое, Аз отмщу от него:

Втор.18:19  с толкованием

20
обаче пророк, иже вознечествует глаголати во имя Мое слово, егоже не повелех ему глаголати, и иже аще возглаголет во имя богов инех, да умрет пророк той.

Втор.18:20  с толкованием

21
Аще же речеши в сердцы своем: како познаем слово, егоже не глагола Господь?

Втор.18:21  с толкованием

22
Елика аще возглаголет пророк во имя Господне, и не сбудется, и не случится слово сие, егоже не рече Господь: в нечестии глагола Пророк той, не убойтеся его.

Втор.18:22  с толкованием

Глава 
19

Втор.19  с толкованием

1
Егда же погубит Господь Бог твой языки, ихже Господь Бог твой дает тебе землю, и наследиши их и вселишися во градех их и в домех их,

Втор.19:1  с толкованием

2
три грады да отлучиши себе среди земли твоея, юже Господь Бог твой дает тебе в наследие.

Втор.19:2  с толкованием

3
Уготови себе путь, и на трое раздели пределы земли твоея, юже разделяет тебе Господь Бог твой: и да будет убежище тамо всякому убийце.

Втор.19:3  с толкованием

4
Сие же да будет заповедание убийце, иже аще убежит тамо, и жив будет: иже аще убиет ближняго своего не ведя, и сей не ненавиде его прежде вчерашняго дне и третияго,

Втор.19:4  с толкованием

5
и иже аще пойдет с подругом своим в лес собирати дрова, и поползнется рука его с секирою секущаго дрова, и спадши секира с топорища улучит подруга его, и умрет, сей да убежит во един от градов сих, и жив да будет:

Втор.19:5  с толкованием

6
да не погнав ужик крове вслед убившаго, яко разгорится сердце ему, и постигнет его, аще должайший будет путь, и убиет душу его, и умрет: и сему несть суд смертный, понеже не бе ненавидя его прежде вчерашняго и третияго дне:

Втор.19:6  с толкованием

7
сего ради заповедаю аз тебе слово сие, глаголя: три грады да отлучиши себе.

Втор.19:7  с толкованием

8
Аще же разширит Господь Бог твой пределы твоя, якоже клятся отцем твоим, и даст тебе Господь всю землю, юже рече дати отцем твоим,

Втор.19:8  с толкованием

9
аще послушаеши творити вся заповеди сия, яже аз заповедаю тебе днесь, любити Господа Бога твоего, ходити во всех путех Его вся дни: и да приложиши себе еще три грады к сим трием градом,

Втор.19:9  с толкованием

10
и да не пролиется кровь безвинна в земли твоей, юже Господь Бог твой дает тебе в жребий, и да не будет в тебе крови повинен.

Втор.19:10  с толкованием

11
Аще же будет у тебе человек ненавидяй ближняго своего, и навет сотворит нань, и востанет нань, и поразит душу его, и умрет, и вбегнет во един от градов сих,

Втор.19:11  с толкованием

12
да послют старейшины града того, и возмут его оттуду, и да предадят его в руце ужиков крове, и да умрет:

Втор.19:12  с толкованием

13
да не пощадит его око твое, и да очистиши кровь неповинную от Израиля, и благо будет тебе.

Втор.19:13  с толкованием

14
Да не предвижеши пределов ближняго своего, яже поставиша отцы твои в наследии твоем, еже наследовал еси в земли, юже Господь Бог твой дает тебе во жребий.

Втор.19:14  с толкованием

15
Да не пребудет свидетель един во свидетелство на человека по всякой обиде и по всякому преступлению и по всякому греху, имже аще согрешит: при устех двою свидетелей и при устех триех свидетелей да станет всяк глагол.

Втор.19:15  с толкованием

16
Аще же востанет свидетель неправеден на человека, глаголя на него нечестие,

Втор.19:16  с толкованием

17
да станут оба человека, имже есть пря, пред Господем и пред жерцы и пред судиями, иже будут в тыя дни,

Втор.19:17  с толкованием

18
и да испытают их судии прилежно, и се, свидетель неправеден свидетелствова неправду, воста на брата своего:

Втор.19:18  с толкованием

19
да сотворите ему, якоже и он умысли сотворити супротив брата своего, и измите злое от вас самех:

Втор.19:19  с толкованием

20
да и прочии услышавше убоятся, и не приложат ктому творити словесе злаго сего в вас:

Втор.19:20  с толкованием

21
да не пощадит его око твое: душу за душу, око за око, зуб за зуб, руку за руку, ногу за ногу, якоже аще кто даст порок на ближняго своего, сице воздастся ему.

Втор.19:21  с толкованием

Глава 
20

Втор.20  с толкованием

1
Аще же изыдеши на брань на враги твоя, и узриши кони и всадники и люди множайшыя тебе, да не убоишися их: яко Господь Бог твой с тобою, изведый тя из земли Египетския.

Втор.20:1  с толкованием

2
И будет егда приближишися к рати, и приступив жрец да возглаголет к людем и речет к ним:

Втор.20:2  с толкованием

3
послушай, Израилю, вы исходите днесь на рать ко врагом вашым: да не ослабеет сердце ваше, ни убойтеся, ниже устрашитеся и не уклонитеся от лица их:

Втор.20:3  с толкованием

4
яко Господь Бог ваш идый пред вами споборствует вам на враги вашя и спасет вас.

Втор.20:4  с толкованием

5
И да рекут книгочия к людем, глаголюще: кий человек создавый храмину нову, и не обнови ея? Да идет, и да возвратится в дом свой, да не умрет на рати, и человек ин обновит ю:

Втор.20:5  с толкованием

6
и кии человек, иже насади виноград, и не веселися от него? Да идет, и возвратится в дом свой, да не умрет на рати, и человек ин возвеселится от него:

Втор.20:6  с толкованием

7
и кий человек, иже обручи себе жену, и не понял ю? Да идет, и возвратится в дом свой, да не умрет на рати, и ин человек поймет ю.

Втор.20:7  с толкованием

8
И да приложат книгочия глаголати к людем, и да рекут: кий человек страшлив и слаб сердцем? Да идет, и возвратится в дом свой, да не устрашит сердца брата своего, аки сердце свое.

Втор.20:8  с толкованием

9
И будет егда умолкнут книгочия глаголюще к людем, и поставят воеводы воинства вожды людий.

Втор.20:9  с толкованием

10
Аще же приидеши ко граду воевати нань, и воззовеши я с миром:

Втор.20:10  с толкованием

11
аще убо мирное отвещают ти, и отверзут тебе (град), вси людие обретшиися во граде да будут тебе дань дающе и послушающии тебе:

Втор.20:11  с толкованием

12
аще же не покорятся тебе, и сотворят с тобою рать, да обсядеши его,

Втор.20:12  с толкованием

13
дондеже предаст я Господь Бог твой в руце твои: да избиеши всяк мужеск пол в нем убийством меча,

Втор.20:13  с толкованием

14
кроме жен и имения, и вся скоты, и вся елика суть во граде, и все стяжание да плениши себе, и да снеси весь плен врагов твоих, яже Господь Бог твой дает тебе.

Втор.20:14  с толкованием

15
Тако да сотвориши всем градом, иже суть далече от тебе зело, иже не суть от градов языков сих, ихже Господь Бог дает тебе наследити землю их:

Втор.20:15  с толкованием

16
от них да не оставите жива всякаго дыхания:

Втор.20:16  с толкованием

17
но и проклятием проклените их, Хеттеа и Аморреа, и Хананеа и Ферезеа, и Евеа и Иевусеа и Гергесеа, якоже заповеда тебе Господь Бог твой:

Втор.20:17  с толкованием

18
да не научат вас творити всякия мерзости своя, елики твориша богом своим, и согрешите пред Господем Богом вашим.

Втор.20:18  с толкованием

19
Аще же обсядеши град един дни многи воевати его в приятие себе, да не истребиши садовия его, возложив железо нань, но токмо да яси плод от них, самого же да не посечеши: еда древо, еже в дубраве, человек есть, иже внити от лица твоего в забрала?

Втор.20:19  с толкованием

20
Но древо, еже веси, яко не ястся плод его, сие потребиши и посечеши, и сотвориши лествицы на град, иже творит на тя рать, дондеже предастся.

Втор.20:20  с толкованием