Глава 
21

Втор.21  с толкованием

1
Аще же обрящется убиеный на земли, юже Господь Бог дает тебе наследити, лежащь на поли, и не ведят убившаго и:

Втор.21:1  с толкованием

2
да изыдут старцы и судии твои и да измерят до градов, иже окрест убиенаго:

Втор.21:2  с толкованием

3
и будет град приближаяйся убиеному, и да возмут старейшины града того юницу от говяд, еюже не делано, и яже ярма не понесе:

Втор.21:3  с толкованием

4
и да изведут старейшины града того юницу в дебрь суху, яже не оранна, ниже насеяна, и да пресекут жилы юницы в дебри:

Втор.21:4  с толкованием

5
и да приступят жерцы Левити: яко сих избра Господь Бог твой предстояти Ему и благословляти во имя Его: и во устех их да будет всякое прекословие и всякая язва:

Втор.21:5  с толкованием

6
и вси старейшины града того, приближающиися убиеному, да омыют руце над главою юницы, ейже пресечены суть жилы в дебри,

Втор.21:6  с толкованием

7
и отвещавше да рекут: руце наши не пролияша крове сея, и очи наши не видеша:

Втор.21:7  с толкованием

8
милостив буди людем Твоим Израилю, ихже извел еси, Господи, из земли Египетския, да не будет кровь неповинна на людех Твоих Израили: и очистится им кровь:

Втор.21:8  с толкованием

9
ты же отимеши кровь неповинну от среды себе, аще сотвориши доброе и угодное пред Господем Богом твоим.

Втор.21:9  с толкованием

10
Аще же изыдеши на брань противу врагом твоим, и предаст я Господь Бог твой в руце твои, и плениши плен от них,

Втор.21:10  с толкованием

11
и узриши в плене добру обличием, и возлюбиши ю, и поймеши ю себе в жену,

Втор.21:11  с толкованием

12
и введеши ю внутрь в дом твой, и да обриеши главу ея, и да обрежеши ногти ея,

Втор.21:12  с толкованием

13
и да совлечеши ризы пленныя ея с нея: и да сядет в дому твоем, и да плачется отца своего и матере своея месяц дний: и но сем внидеши к ней, и совокупишися с нею, и будет тебе жена.

Втор.21:13  с толкованием

14
И будет аще не восхощеши ея, да отпустиши ю свободну, продажею же да не продаси ея на цене: да не отринеши ея, понеже смирил еси ю.

Втор.21:14  с толкованием

15
Аще же будут мужу две жены, едина от них люба, и другая не люба, и породят ему любая и нелюбая, и будет сын перворожденный от нелюбимыя:

Втор.21:15  с толкованием

16
и будет в оньже день разделит сыном своим имение свое, не возможет первенцем быти сын любимыя, презрев сына нелюбимыя первенца:

Втор.21:16  с толкованием

17
но сына нелюбимыя за первенца да признает, и даст ему сугубо от всего, еже обрящется ему, яко сей есть начало чад его, и сему достоит первенство.

Втор.21:17  с толкованием

18
Аще же кому будет сын непокорив и грубитель, не послушаяй гласа отца своего и гласа матере своея, и накажут его, и не послушает их,

Втор.21:18  с толкованием

19
да возмут его отец его и мати его, и да изведут его пред старейшины града своего и пред врата места своего,

Втор.21:19  с толкованием

20
и да рекут к мужем града своего: сын наш сей непокорив есть и грубитель и не слушает речи нашея, сластолюбствуя пиянствует:

Втор.21:20  с толкованием

21
и да побиют его мужие града того камением, и да умрет: и измите злое от себе самих, да и прочии слышавше убоятся.

Втор.21:21  с толкованием

22
Аще же будет на ком грех, суд смертный, и да умрет, и повесите его на древе,

Втор.21:22  с толкованием

23
да не пренощует тело его на древе, но во гробе погребите его в тойже день: яко проклят есть от Бога всяк висяй на древе: и да не оскверните земли, юже Господь Бог твой дает тебе во жребий.

Втор.21:23  с толкованием

Глава 
22

Втор.22  с толкованием

1
Видев телца брата твоего или овцу его заблуждающыя на пути, да не презриши я: но возвращением возвратиши я к брату твоему, и да отдаси ему.

Втор.22:1  с толкованием

2
Аще же несть близ тебе брат твой, ниже увеси его, собери я внутрь дому твоего, и да будут у тебе, дондеже взыщет их брат твой, и отдаси их ему.

Втор.22:2  с толкованием

3
Такожь сотвориши осляти его, и тако да сотвориши ризе его, и тако да сотвориши всему погубленому брата твоего: елика аще погибнут от него, и обрящеши я, да не возможеши пренебрещи я.

Втор.22:3  с толкованием

4
Аще увидиши осля брата твоего или телца его падшыя на пути, да не презриши я: возставляя да возставиши я с собою.

Втор.22:4  с толкованием

5
Да не будет утварь мужеска на жене, ни да облачится муж в ризу женску: яко мерзость есть Господеви Богу твоему всяк творяй сия.

Втор.22:5  с толкованием

6
Аще же улучиши гнездо птичие пред лицем твоим на пути, или на древе некоем, или на земли, и в нем птенцы или яица, и мати седит на птенцех или яицех, да не возмеши матере со птенцы:

Втор.22:6  с толкованием

7
отпущением да отпустиши матерь, птенцы же возмеши себе, да благо тебе будет и долгоденствен будеши.

Втор.22:7  с толкованием

8
Аще же созиждеши дом нов, и сотвориши ограждение дому твоему, и да не сотвориши убийства в дому твоем, аще падет падый от него.

Втор.22:8  с толкованием

9
Да не насееши винограда твоего различна, да не освятится плод, и семя, еже насееши с плодом винограда твоего.

Втор.22:9  с толкованием

10
Да не ореши юнцем и ослятем вкупе.

Втор.22:10  с толкованием

11
Ниже да облечешися в ризу разноличну от льна и волны вкупе ткану.

Втор.22:11  с толкованием

12
Тресны да сотвориши себе на четырех краях одежды своея, в нюже облечешися.

Втор.22:12  с толкованием

13
Аще же кто поймет жену и будет с нею, и возненавидит ю,

Втор.22:13  с толкованием

14
и наложит на ню обвинителная словеса, и нанесет на ню имя злое, и возглаголет: жену сию поях, и пришед к ней, не обретох ю девицею:

Втор.22:14  с толкованием

15
и взем отец девицы и матерь, да изнесут девическая отроковицы пред старейшины ко вратом,

Втор.22:15  с толкованием

16
и речет отец отроковицы ко старейшинам: дщерь мою сию дах мужу сему в жену, и ныне возненавидев ю сей,

Втор.22:16  с толкованием

17
возлагает ей обвинителная словеса, глаголя: не обретох дщере твоея девою: и се, девическая дщере моея: и да разгнут ризы пред старейшины града онаго,

Втор.22:17  с толкованием

18
и да возмут старейшины града онаго мужа того и накажут его,

Втор.22:18  с толкованием

19
и да обвинят его стом сиклей, и дадят отцу отроковицы, яко изнесе имя зло на девицу Израилтеску, и (паки) да будет ему жена: не возможет отпустити ю во вся лета.

Втор.22:19  с толкованием

20
Аще же будет воистинну слово сие, и не обрящутся девическая отроковице,

Втор.22:20  с толкованием

21
и да изведут девицу пред врата дому отца ея, и побиют ю камением мужие градстии, и да умрет, яко сотвори безумие в сынех Израилевых, оскверни дом отца своего: и измите злое от себе самих.

Втор.22:21  с толкованием

22
Аще же обрящется человек лежай с женою мужатою, убийте обоих, человека лежащаго с женою и жену: и измите злое от Израиля.

Втор.22:22  с толкованием

23
Аще же будет дева обрученая мужу, и обрет ю человек (другий) во граде, будет с нею,

Втор.22:23  с толкованием

24
изведите обоих пред врата града их, и побийте (обоих) камением, и да умрут: отроковицу, понеже не вопила во граде, и мужа, понеже обиде жену ближняго своего: и измите злое от себе самих.

Втор.22:24  с толкованием

25
Аще же на поли обрящет человек деву обрученую, и насиловав будет с нею, убийте человека единаго бывшаго с нею:

Втор.22:25  с толкованием

26
а отроковице ничтоже сотворите: несть бо деве греха смертнаго: якоже аще кто бы востал на ближняго своего, и убил бы душу его, тако сие дело:

Втор.22:26  с толкованием

27
понеже на селе обрете ю, возопи отроковица обрученая, и не бе помогаяй ей.

Втор.22:27  с толкованием

28
Аще же кто обрящет отроковицу деву, яже несть обручена, и насиловав будет с нею, и обличится:

Втор.22:28  с толкованием

29
да даст человек бывый с нею отцу отроковицы пятьдесят дидрахм сребра, и тому да будет жена, понеже обиде ю: не возможет отпустити ю во все время.

Втор.22:29  с толкованием

30
Да не поймет человек жены отца своего, и да не открыет покровения отца своего.

Втор.22:30  с толкованием

Глава 
23

Втор.23  с толкованием

1
Да не входит каженик и скопец в сонм Господень.

Втор.23:1  с толкованием

2
Ниже да внидет блудородный во храм Господень до десятаго рода.

Втор.23:2  с толкованием

3
Да не внидет Амманитин и Моавитин в храм Господень: и даже до десятаго рода да не входит в храм Господень, и даже до века,

Втор.23:3  с толкованием

4
понеже не сретоша они вас с хлебы и водою на пути, исходящым вам из земли Египетския, и яко наяша на тя Валаама сына Веорова от Месопотамии, да тя прокленет:

Втор.23:4  с толкованием

5
и не восхоте Господь Бог твой послушати Валаама, и обрати Господь Бог твой клятвы в благословение, зане возлюби тя Господь Бог твой:

Втор.23:5  с толкованием

6
да не совещаеши мирная им и полезная им во вся дни твоя во веки.

Втор.23:6  с толкованием

7
Да не возгнушаешися Идумеанином, яко брат твой есть: да не возгнушаешися Египтянином, яко пришлец был еси в земли его:

Втор.23:7  с толкованием

8
сынове аще родятся им, в роде третием да внидут в храм Господень.

Втор.23:8  с толкованием

9
Аще же изыдеши ополчитися на враги твоя, и да сохранишися от всякаго слова зла.

Втор.23:9  с толкованием

10
Аще будет у тебе человек, иже не будет чист от излияния его нощию, и да изыдет вне полка, и да не внидет в полк:

Втор.23:10  с толкованием

11
и егда будет к вечеру, да омыет тело свое водою, и зашедшу солнцу да внидет в полк.

Втор.23:11  с толкованием

12
И место тебе да будет вне полка, и изыдеши тамо вон:

Втор.23:12  с толкованием

13
и рылец да будет тебе за поясом твоим, и будет егда сядеши вне, и да ископаеши им (яму), и навратив покрыеши стыдение твое в ней:

Втор.23:13  с толкованием

14
яко Господь Бог твой ходит в полце твоем избавляти тя и предати враги твоя в руце твои пред лицем твоим: и да будет полк твой свят, и да не явится у тебе стыдение вещи, и отвратится от тебе.

Втор.23:14  с толкованием

15
Да не предаси раба господину его, иже прииде к тебе от господина своего:

Втор.23:15  с толкованием

16
с тобою да обитает, с вами да живет во всяком месте, идеже угодно будет ему: да не оскорбиши его.

Втор.23:16  с толкованием

17
Да не будет блудница от дщерей Израилевых, и да не будет блудник от сынов Израилевым.

Втор.23:17  с толкованием

18
Да не принесеши мзды блудничи, ниже цене песии в дом Господа Бога твоего на всяк обет, яко мерзость суть Господеви Богу твоему и обоя.

Втор.23:18  с толкованием

19
Да не даси брату твоему в лихву сребра и в лихву пищей и в лихву всякия вещи, емуже аще взаим даси:

Втор.23:19  с толкованием

20
чуждему да даси в лихву, брату же твоему да не даси в лихву, да благословит тя Господь Бог твой во всех делех твоих на земли, в нюже входиши тамо наследити ю.

Втор.23:20  с толкованием

21
Аще же обещаеши обет Господеви Богу твоему, да не умедлиши воздати его, яко взыская взыщет Господь Бог твой от тебе, и будет на тебе грех:

Втор.23:21  с толкованием

22
аще же не восхощеши обещати, несть ти греха.

Втор.23:22  с толкованием

23
Исходящая на уст твоих сохрани и сотвори, имже образом обещал еси Господеви Богу твоему дар, егоже глаголал еси устами твоими.

Втор.23:23  с толкованием

24
Аще же внидеши на ниву ближняго своего, и собереши в руце свои класы, а серпа да не возложиши на ниву ближняго.

Втор.23:24  с толкованием

25
Аще же внидеши в виноград ближняго своего, да яси гроздие, елико души твоей насытитися, в сосуд же да не вложиши.

Втор.23:25  с толкованием

Глава 
24

Втор.24  с толкованием

1
Аще же кто поймет жену и поживет с нею, и будет аще не обрящет благодати пред ним, яко обрете в ней срамное дело, да напишет ей книгу отпущения и вдаст в руце ея, и да отпустит ю из дому своего,

Втор.24:1  с толкованием

2
и отшедши будет (жена) мужу иному:

Втор.24:2  с толкованием

3
и аще возненавидит ю муж вторый, и напишет ей книгу отпущения и даст ей в руце ея, и отпустит ю из дому своего, или умрет муж ея вторый, иже бе ю поял себе в жену:

Втор.24:3  с толкованием

4
не возможет муж первый, отпустивый ю, возвратив пояти ю себе в жену, по осквернении ея, яко гнусно есть пред Господем Богом твоим: и да не осквернавите земли, юже Господь Бог ваш дает вам в наследие.

Втор.24:4  с толкованием

5
Аще же кто поймет жену внове, да не идет на брань, и да не наложится ему ни каяже вещь: неповинен будет в дому своем лето едино, да веселит жену свою, юже поял есть.

Втор.24:5  с толкованием

6
Да не возмеши в залог жерновных каменей, яко душу сей дает в залог.

Втор.24:6  с толкованием

7
Аще же ят будет человек крадый душу от братии своея сынов Израилевых, и насилием продает ю, да умрет тать той, и измите злое от вас самих.

Втор.24:7  с толкованием

8
Внемли себе в язве проказы, и храни зело творити по всему закон, егоже возвестят вам жерцы левити: якоже заповедах вам, да храните творити:

Втор.24:8  с толкованием

9
помяни, елика сотвори Господь Бог твой Мариаме на пути, исходящым вам из Египта.

Втор.24:9  с толкованием

10
Аще же долг есть на ближнем твоем, долг каковый либо, да не внидеши в дом его взяти залог его:

Втор.24:10  с толкованием

11
вне станеши, и человек той, на немже есть долг твой, изнесет залог вон.

Втор.24:11  с толкованием

12
Аще же человек убог есть, да не преноществует залог его у тебе:

Втор.24:12  с толкованием

13
отданием да отдаси ризу его до захождения солнца, и да почиет в ризе своей, и благословит тя, и будет тебе милость пред Господем Богом твоим.

Втор.24:13  с толкованием

14
Да не лишиши мзды убогаго и требующаго от братии твоея, или от пришлец иже во градех твоих:

Втор.24:14  с толкованием

15
в той же день да отдаси мзду ему, да не зайдет солнце ему, яко убог есть, и в том имать надежду, и да не возопиет на тя к Господеви, и будет тебе грех.

Втор.24:15  с толкованием

16
Да не умрут отцы за сыны, и сынове да не умрут за отцы: кийждо за свой грех да умрет.

Втор.24:16  с толкованием

17
Не уклониши суда пришелцу и сиру и вдове, и да не вземлеши в залог ризы вдовичи,

Втор.24:17  с толкованием

18
и помянеши, яко раб (и ты) был еси в земли Египетстей, и свободи тя Господь Бог твой оттуду: сего ради аз тебе заповедаю творити сие слово.

Втор.24:18  с толкованием

19
Аще же пожнеши ниву твою на селе твоем, и забудеши сноп на ниве твоей, да не возвратишися взяти его: пришелцу и убогу, и сиру и вдове да будет, да благословит тя Господь Бог твой во всех делех руку твоею.

Втор.24:19  с толкованием

20
Аще же масличие собираеши, да не возвратишися останков собрати яже за тобою: пришелцу и сиру и вдове да будут: и воспомянеши, яко раб был еси в земли Египетстей: сего ради аз тебе заповедаю творити слово сие.

Втор.24:20  с толкованием

21
Аше же обираеши виноград твой, да не собираеши останков яже за тобою: пришелцу и сиру и вдове да будут:

Втор.24:21  с толкованием

22
и помянеши, яко раб был еси в земли Египетстей: сего ради аз тебе заповедаю творити сие слово.

Втор.24:22  с толкованием

Глава 
25

Втор.25  с толкованием

1
Аще же будет пря между человеки, и приидут на суд, и да судят, и оправдят праваго, и осудят нечестиваго:

Втор.25:1  с толкованием

2
и будет, аще достоин есть ран нечестивый, да поставиши его пред судиями, и да биют его пред ними по нечестию его:

Втор.25:2  с толкованием

3
и числом четыредесять ран да наложат ему, и да не приложат к сему: аще же приложат паче ран сих бити его множае, срам будет брату твоему пред тобою.

Втор.25:3  с толкованием

4
Да не обротиши вола молотяща.

Втор.25:4  с толкованием

5
Аше же живут братия вкупе, и умрет един от них, семене же не будет ему, да не будет жена умершаго иному мужу несродну: брат мужа ея да внидет к ней и поймет ю себе в жену, и да поживет с нею:

Втор.25:5  с толкованием

6
и будет очроча, еже аще родится, да поставится во имя умершаго, и не погибнет имя его от Израиля.

Втор.25:6  с толкованием

7
Аще же не восхощет человек пояти жены брата своего, да приидет жена ко вратом пред старейшины и речет: не хощет брат мужа моего возставити имя брата своего во Израили, не восхоте брат мужа моего:

Втор.25:7  с толкованием

8
и да призовут его старейшины града того и рекут ему, и став речет: не хощу пояти ю:

Втор.25:8  с толкованием

9
и приступивши жена брата его к нему пред старейшины, и изует сапог его един от ноги его, и да плюнет на лице его, и отвещавши речет: сице да сотворят человеку, иже не созиждет дому брата своего во Израили:

Втор.25:9  с толкованием

10
и прозовется имя его во Израили дом изутаго из сапога.

Втор.25:10  с толкованием

11
Аще же биются человека два вкупе, человек с братом своим, и приступит жена единаго от них отяти мужа своего от руки биющаго и, и простерши руку свою, имет за ятра его,

Втор.25:11  с толкованием

12
да отсечеши руку ея: да не пощадит око твое ея.

Втор.25:12  с толкованием

13
Да не будет во влагалищи твоем мерило и мерило, великое и малое,

Втор.25:13  с толкованием

14
да не будет в дому твоем мера и мера, велика и мала:

Втор.25:14  с толкованием

15
мерило истинно и праведно да будет тебе, и мера истинна и праведна да будет тебе, да многи дни будеши на земли, юже Господь Бог твой дает тебе в жребий,

Втор.25:15  с толкованием

16
яко мерзость Господеви Богу твоему всяк творяй сия, всяк творяй неправду.

Втор.25:16  с толкованием

17
Помяни, елика тебе сотвори Амалик на пути, исходящу тебе из Египта:

Втор.25:17  с толкованием

18
како сопротивоста тебе на пути и посече задний полк твой утружден за тобою: ты же алчен был еси и утружден: и не убояся Бога:

Втор.25:18  с толкованием

19
и будет егда упокоит тя Господь Бог твой от всех враг твоих, иже окрест тебе на земли, юже Господь Бог твой дает тебе в жребий, еже наследити ю, да погубиши имя Амаликово от земли, яже под небесем, и да не забудеши.

Втор.25:19  с толкованием