показать остальные стихи главы...
1
И посла царь Антиох сын Димитриа царя послания от островов морских Симону архиерею и началнику языка Иудейска и всему языку.
2
И бяху содержаще образ сей: царь Антиох Симону жерцу великому и языка началнику и языку Иудейскому радоватися:
3
понеже мужие губителе одержаша царствия отец наших, хощу же снабдети царство, да устрою е якоже бе прежде, и от стран собрах множество сил и сотворих корабли воинския,
4
хощу же изыти во страну, да отмщу растлившым страну нашу и опустошившым грады многи в царствии (моем),
5
ныне убо утверждаю тебе вся оставления даней, яже оставиша тебе бывшии прежде мене царие, и елики ины дары оставиша тебе,
7
Иерусалиму же и святынем быти свободным: и вся оружия, елика уготовал еси, и твердыни, ихже создал еси, ихже держиши, да будут тебе:
9
егда же одержим царство наше, прославим тебе и люди твоя и святилище славою великою, яко да явленна будет слава ваша по всей земли.
10
Лета сто седмьдесят четвертаго изыде Антиох в землю отец своих, и собрашася к нему вси вои, яко малым быти оставшым со Трифоном.
13
И ополчися Антиох на Дору, и с ним дванадесять тем мужей бранных и осмь тысящ конников:
14
и обступи град, и корабли от моря приидоша, и оскорбляше град от земли и моря, и не остави ни единаго изыти и внити.
15
Прииде же Нуминий и иже с ним от Рима, имуще послание царем и странам, в нихже написана сия:
17
послы Иудейстии приидоша к нам друзи наши и споборницы, обновляюще прежнюю дружбу и споборение, послани от Симона архиереа и людий Иудейских,
19
угодно убо бысть нам писати ко царем и странам, да не наносят им зол и да не ратуют их, ни градов их, ни страны их, и да не споборают ратующым противу их:
21
аще убо нецыи губителе пребежаша от страны их к вам, предайте их Симону архиерею, да отмстит им по закону своему.
23
и во вся страны, и Сампсаку и Спартиатом, и в Дилон и в Миндон, и в Сикион и в Карию, и в Самон и в Памфилию, и в Ликию и в Аликарнас, и в Род и в Фасилиду, и в Кою и в Сидину, и в Арад и в Гортину, и в Книд и в Кипр и в Киринию.
25
Антиох же царь ополчися на Дору вторицею, наводя выну на ню руки и миханы творя, и заключи Трифона еже не входити ниже исходити.
26
И посла ему Симон две тысящы мужей избранных в помощь ему и сребро и злато и сосуды многи.
28
И посла к нему Афиновиа единаго от другов своих, да побеседует с ним, глаголя: вы держите Июппию и Газару и краеградие еже во Иерусалиме, грады царства моего,
показать остальные стихи главы...
29
пределы их опустошисте, и сотвористе язву велику на земли, и господствовасте местами многими в царствии моем:
30
ныне убо отдадите грады, ихже взясте, и дани мест, имиже огосподствовасте вне пределов Иудейских:
31
аще же ни, дадите место сих пять сот талантов сребра, и за опустошение, имже опустошисте, и за дани градов другия пять сот талантов: аще же ни, пришедше поратуем вас.
32
И прииде Афиновий друг царский во Иерусалим, и виде славу Симонову, и сокровище злата и сребра, и устроение доволно, и ужасеся, и возвести ему словеса царска.
33
И отвещав Симон, рече ему: ниже чуждую землю прияхом, ниже чуждая одержахом, но наследие отец наших, от враг же наших в некое время неправедно удержася:
35
о Июппии же и Газарех, ихже просиши, сии творяху в людех язву велию в стране нашей, от сих дадим талант сто. И не отвеща ему Афиновий словесе.
36
Возвратися же с яростию ко царю и возвести ему словеса сия и славу Симонову и вся елика виде. И прогневася царь гневом велиим.
39
И повеле ему ополчитися противу лица Иудейска, и заповеда ему создати Кедрон и утвердити врата, и да ратует люди. Царь же гоняше Трифона.
40
И прииде Кендевей во Иамнию и нача раздражати люди и входити во Иудею и пленити люди и убивати: и созда Кедрон
41
и постави тамо конники и силы, яко да исходяще проходят пути Иудейския, якоже повеле ему царь.