Глава 
1

1Пет.1  с толкованием

1
Петр, Апостол Иисус Христов, избранным пришельцем разсеяния Понта, Галатии, Каппадокии, Асии и Вифинии,

1Пет.1:1  с толкованием

2
по прозрению Бога Отца, во святыни Духа, в послушание и кропление Крове Иисус Христовы: благодать вам и мир да умножится.

1Пет.1:2  с толкованием

3
Благословен Бог и Отец Господа нашего Иисуса Христа, Иже по мнозей Своей милости порождей нас во упование живо воскресением Иисус Христовым от мертвых,

1Пет.1:3  с толкованием

4
в наследие нетленно и нескверно и неувядаемо, соблюдено на небесех вас ради,

1Пет.1:4  с толкованием

5
иже силою Божиею соблюдаеми есте чрез веру, во спасение готовое явитися во время последнее.

1Пет.1:5  с толкованием

6
О немже радуйтеся, мало ныне, аще лепо есть, прискорбни бывше в различных напастех:

1Пет.1:6  с толкованием

7
да искушение вашея веры многочестнейше злата гибнуща, огнем же искушена, обрящется в похвалу и честь и славу, во откровении Иисус Христове,

1Пет.1:7  с толкованием

8
Егоже не видевше любите, и на Негоже ныне не зряще, верующе же, радуетеся радостию неизглаголанною и прославленною,

1Пет.1:8  с толкованием

9
приемлюще кончину вере вашей, спасение душам:

1Пет.1:9  с толкованием

10
о немже спасении взыскаша и испыташа пророцы, иже о вашей благодати прорекоша,

1Пет.1:10  с толкованием

11
испытающе, в каково или в кое время являше в них Дух Христов, прежде свидетельствуя о Христовых страстех, и о славах, яже по сих:

1Пет.1:11  с толкованием

12
имже открыся, яко не им самем, но нам служаху сия, яже ныне возвестишася вам благовествовавшими вам Духом Святым посланным с небесе, в няже желают Ангели приникнути.

1Пет.1:12  с толкованием

13
Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым.

1Пет.1:13  с толкованием

14
Яко чада послушания, не преобразующеся первыми неведения вашего похотении,

1Пет.1:14  с толкованием

15
но по звавшему вы Святому, и сами святи во всем житии будите.

1Пет.1:15  с толкованием

16
Зане писано есть: святи будите, яко Аз свят есмь.

1Пет.1:16  с толкованием

17
И аще Отца называете нелицемерно судяща комуждо по делу, со страхом жития вашего время жительствуйте,

1Пет.1:17  с толкованием

18
ведяще, яко не истленным сребром или златом избавистеся от суетнаго вашего жития отцы преданнаго,

1Пет.1:18  с толкованием

19
но честною Кровию яко Агнца непорочна и пречиста Христа,

1Пет.1:19  с толкованием

20
предуведена убо прежде сложения мира, явльшася же в последняя лета вас ради,

1Пет.1:20  с толкованием

21
иже Его ради веруете в Бога Воздвигшаго Его из мертвых и славу Ему давша, яко да вера ваша и упование будет на Бога.

1Пет.1:21  с толкованием

22
Душы вашя очистивше в послушании истины Духом, в братолюбие нелицемерно, от чиста сердца друг друга любите прилежно,

1Пет.1:22  с толкованием

23
порождени не от семене истленна, но неистленна, словом живаго Бога и пребывающа во веки.

1Пет.1:23  с толкованием

24
Зане всяка плоть яко трава, и всяка слава человеча яко цвет травный: изсше трава, и цвет ея отпаде:

1Пет.1:24  с толкованием

25
глаголгол же Господнь пребывает во веки. Се же есть глаголгол благовествованный в вас.

1Пет.1:25  с толкованием

Глава 
2

1Пет.2  с толкованием

1
Отложше убо всяку злобу и всяку лесть и лицемерие и зависть и вся клеветы,

1Пет.2:1  с толкованием

2
яко новорождени младенцы, словесное и нелестное млеко возлюбите, яко да о нем возрастете во спасение:

1Пет.2:2  с толкованием

3
понеже вкусисте, яко благ Господь.

1Пет.2:3  с толкованием

4
К Немуже приходяще, камени живу, от человек убо уничижену, от Бога же избрану, честну,

1Пет.2:4  с толкованием

5
и сами яко камение живо зиждитеся во храм духовен, святителство свято, возносити жертвы духовны, благоприятны Богови Иисус Христом.

1Пет.2:5  с толкованием

6
Зане писано есть в Писании: се полагаю в Сионе камень краеуголен, избран, честен: и веруяй вонь не постыдится.

1Пет.2:6  с толкованием

7
Вам убо честь верующым, а противящымся камень, егоже небрегоша зиждущии, сей бысть во главу угла, и камень претыкания и камень соблазна:

1Пет.2:7  с толкованием

8
о немже и претыкаются слову противляющиися, на неже и положени быша.

1Пет.2:8  с толкованием

9
Вы же род избран, царское священие, язык свят, людие обновления, яко да добродетели возвестите из тмы вас Призвавшаго в чудный Свой свет:

1Пет.2:9  с толкованием

10
иже иногда не людие, ныне же людие Божии: иже не помиловани, ныне же помиловани бысте.

1Пет.2:10  с толкованием

11
Возлюбленнии, молю яко пришелцев и странников, огребатися от плотских похотей, яже воюют на душу,

1Пет.2:11  с толкованием

12
житие ваше имуще добро во языцех, да о немже клевещут вас аки злодеев, от добрых дел видевше, прославят Бога в день посещения.

1Пет.2:12  с толкованием

13
Повинитеся убо всякому человечу созданию Господа ради: аще царю, яко преобладающу:

1Пет.2:13  с толкованием

14
аще ли же князем, яко от него посланным, во отмщение убо злодеем, в похвалу же благотворцем.

1Пет.2:14  с толкованием

15
Яко тако есть воля Божия, благотворящым обуздовати безумных человек невежство:

1Пет.2:15  с толкованием

16
яко свободни, а не яко прикровение имуще злобы свободу, но яко раби Божии.

1Пет.2:16  с толкованием

17
Всех почитайте, братство возлюбите, Бога бойтеся, царя чтите.

1Пет.2:17  с толкованием

18
Раби, повинуйтеся во всяцем страсе владыкам, не токмо благим и кротким, но и строптивым.

1Пет.2:18  с толкованием

19
Се бо есть угодно пред Богом, аще совести ради Божия терпит кто скорби, стражда без правды.

1Пет.2:19  с толкованием

20
Кая бо похвала, аще согрешающе мучими терпите? Но аще добро творяще и страждуще терпите, сие угодно пред Богом,

1Пет.2:20  с толкованием

21
на сие бо и звани бысте: зане и Христос пострада по нас, нам оставль образ, да последуем стопам Его:

1Пет.2:21  с толкованием

22
иже греха не сотвори, ни обретеся лесть во устех Его:

1Пет.2:22  с толкованием

23
иже укаряемь противу не укаряше, стражда не прещаше, предаяше же Судящему праведно:

1Пет.2:23  с толкованием

24
иже грехи нашя Сам вознесе на теле Своем на древо, да от грех избывше, правдою поживем: Егоже язвою изцелесте.

1Пет.2:24  с толкованием

25
Бесте бо яко овцы заблуждшыя не имущя пастыря: но возвратистеся ныне к Пастырю и Посетителю душ ваших.

1Пет.2:25  с толкованием

Глава 
3

1Пет.3  с толкованием

1
Такожде же и жены, повинующяся своим мужем, да и аще нецыи не повинуются слову, женским житием без слова пленени будут,

1Пет.3:1  с толкованием

2
видевше еже со страхом чисто житие ваше.

1Пет.3:2  с толкованием

3
Имже да будет не внешняя, плетения влас и обложения злата, или одеяния риз, лепота,

1Пет.3:3  с толкованием

4
но потаеный сердца человек, в неистлении кроткаго и молчаливаго духа, еже есть пред Богом многоценно.

1Пет.3:4  с толкованием

5
Тако бо иногда и святыя жены, уповающыя на Бога, украшаху себе, повинующяся своим мужем:

1Пет.3:5  с толкованием

6
якоже Сарра послушаше Авраама, господина того зовущи: еяже бысте чада, благотворящя и не боящяся ни единаго страха.

1Пет.3:6  с толкованием

7
Мужие такожде, вкупе живуще со своими женами по разуму, яко немощнейшу сосуду женскому воздающе честь, яко и снаследницы благодатныя жизни, во еже не прекращатися молитвам вашым.

1Пет.3:7  с толкованием

8
Конец же, вси единомудрени будите, милостиви, братолюбцы, милосердни, благоутробни, мудролюбцы, смиреномудри:

1Пет.3:8  с толкованием

9
не воздающе зла за зло, или досаждения за досаждение: супротивное же, благословяще, ведяще, яко на се звани бысте, да благословение наследите.

1Пет.3:9  с толкованием

10
Хотяй бо живот любити и видети дни благи, да удержит язык свой от зла, и устне свои еже не глаголати льсти.

1Пет.3:10  с толкованием

11
Да уклонится от зла, и да сотворит благо, да взыщет мира и да держится его:

1Пет.3:11  с толкованием

12
зане очи Господни на праведныя, и ушы Его в молитву их, лице же Господне на творящыя злая, еже потребити их от земли.

1Пет.3:12  с толкованием

13
И кто озлобит вас, аще благому подобницы будете?

1Пет.3:13  с толкованием

14
Но аще и страждете правды ради, блажени есте: страха же их не убойтеся, ниже смущайтеся.

1Пет.3:14  с толкованием

15
Господа же Бога освятите в сердцах ваших: готови же присно ко ответу всякому вопрошающему вы словесе о вашем уповании, с кротостию и страхом:

1Пет.3:15  с толкованием

16
совесть имуще благу, да о немже клевещут вас аки злодеев, постыдятся злословящии ваше благое о Христе житие.

1Пет.3:16  с толкованием

17
Лучше бо есть благое творящым, аще хощет воля Божия, пострадати, нежели зло творящым:

1Пет.3:17  с толкованием

18
зане и Христос единою о гресех наших пострада, праведник за неправедники, да приведет ны Богови, умерщвлен убо быв плотию, ожив же духом:

1Пет.3:18  с толкованием

19
о немже и сущым в темнице духовом сошед проповеда,

1Пет.3:19  с толкованием

20
противльшымся иногда, егда ожидаше Божие долготерпение, во дни Ноевы, делаему ковчегу, в немже мало, сиречь осмь душ, спасошася от воды.

1Пет.3:20  с толкованием

21
Егоже воображение ныне и нас спасает крещение, не плотския отложение скверны, но совести благи вопрошение у Бога, воскресением Иисус Христовым,

1Пет.3:21  с толкованием

22
Иже есть о десную Бога, возшед на небо, покоршымся Ему Ангелом и Властем и Силам.

1Пет.3:22  с толкованием

Глава 
4

1Пет.4  с толкованием

1
Христу убо пострадавшу за ны плотию, и вы в ту же мысль вооружитеся: зане пострадавый плотию, преста от греха,

1Пет.4:1  с толкованием

2
во еже не ктому человеческим похотем, но воли Божией прочее во плоти жити время.

1Пет.4:2  с толкованием

3
Довлеет бо вам мимошедшее время жития, волю языческую творившым, хождшым в нечистотах, в похотех, в мужеложстве, в скотоложстве, в помыслех, в пиянстве, в козлогласованиих, в лихоимании и богомерзких идолослужениих:

1Пет.4:3  с толкованием

4
о немже дивятся, не сходящымся вам в тоже блуда разлияние, хуляще:

1Пет.4:4  с толкованием

5
иже воздадят слово готову Сущему судити живым и мертвым.

1Пет.4:5  с толкованием

6
На се бо и мертвым благовестися, да суд убо приимут по человеку плотию, поживут же по Бозе духом.

1Пет.4:6  с толкованием

7
Всем же кончина приближися. Уцеломудритеся убо и трезвитеся в молитвах.

1Пет.4:7  с толкованием

8
Прежде же всех друг ко другу любовь прилежну имейте, зане любовь покрывает множество грехов.

1Пет.4:8  с толкованием

9
Страннолюбцы друг ко другу, без роптании.

1Пет.4:9  с толкованием

10
Кийждо якоже прият дарование, между себе сим служаще, яко добрии строителие различныя благодати Божия.

1Пет.4:10  с толкованием

11
Аще кто глаголет, яко словеса Божия: аще кто служит, яко от крепости, юже подает Бог: да о всем славится Бог Иисус Христом, Емуже есть слава и держава во веки веков. Аминь.

1Пет.4:11  с толкованием

12
Возлюбленнии, не дивитеся еже в вас раждежению ко искушению вам бываему, яко чужду вам случающуся:

1Пет.4:12  с толкованием

13
но понеже приобщаетеся Христовым страстем, радуйтеся, яко да и в явление славы Его возрадуетеся веселящеся.

1Пет.4:13  с толкованием

14
Аще укоряеми бываете о имени Христове, блажени есте яко Славы и Божий Дух на вас почивает: онеми убо хулится, а вами прославляется.

1Пет.4:14  с толкованием

15
Да не кто убо от вас постраждет яко убийца, или яко тать, или яко злодей, или яко чуждопосетитель:

1Пет.4:15  с толкованием

16
аще ли же яко Христианин, да не стыдится, да прославляет же Бога в части сей.

1Пет.4:16  с толкованием

17
Яко время начати суд от дому Божия: аще же прежде от вас, кая кончина противящымся Божию Евангелию?

1Пет.4:17  с толкованием

18
И аще праведник едва спасется, нечестивый и грешный где явится?

1Пет.4:18  с толкованием

19
Темже и страждущии по воли Божией, яко верну Зиждителю да предадят душы своя во благотворении.

1Пет.4:19  с толкованием

Глава 
5

1Пет.5  с толкованием

1
Старцы иже в вас молю, яко старец сый и свидетель Христовым страстем, иже и хотящей славе явитися общник:

1Пет.5:1  с толкованием

2
пасите еже в вас стадо Божие, посещающе не нуждею, но волею и по Бозе, ниже неправедными прибытки, но усердно,

1Пет.5:2  с толкованием

3
ни яко обладающе причту, но образи бывайте стаду:

1Пет.5:3  с толкованием

4
и явльшуся Пастыреначальнику, приимете неувядаемый славы венец.

1Пет.5:4  с толкованием

5
Такоже юнии, повинитеся старцем: вси же друг другу повинующеся, смиреномудрие стяжите, зане Бог гордым противится, смиренным же дает благодать.

1Пет.5:5  с толкованием

6
Смиритеся убо под крепкую руку Божию, да вы вознесет во время:

1Пет.5:6  с толкованием

7
всю печаль вашу возвергше Нань, яко Той печется о вас.

1Пет.5:7  с толкованием

8
Трезвитеся, бодрствуйте, зане супостат ваш диавол, яко лев рыкая, ходит, иский кого поглотити:

1Пет.5:8  с толкованием

9
емуже противитеся тверди верою, ведуще, яко теже страсти случаются вашему братству, еже в мире.

1Пет.5:9  с толкованием

10
Бог же всякия благодати, призвавый вас в вечную Свою славу о Христе Иисусе, мало пострадавшыя, Той да совершит вы, да утвердит, да укрепит, да оснует.

1Пет.5:10  с толкованием

11
Тому слава и держава во веки веков. Аминь.

1Пет.5:11  с толкованием

12
Силуаном вам верным братом, яко непщую, вмале написах, моля и засвидетельствуя сей быти истинней благодати Божией, в нейже стоите.

1Пет.5:12  с толкованием

13
Целует вы яже в Вавилоне соизбранная, и Марко сын мой.

1Пет.5:13  с толкованием

14
Целуйте друг друга лобзанием любве. Мир вам всем о Христе Иисусе. Аминь.

1Пет.5:14  с толкованием