Глава 
6

1Тим.6  с толкованием

1
Елицы суть под игом раби, своих господий всякия чести да сподобляют, да имя Божие не хулится и учение.

1Тим.6:1  с толкованием

2
Имущии же верных господий да не нерадят о них, понеже братия суть: но паче да работают, зане верни суть и возлюблени, иже благодать восприемлющии. Сия учи и моли.

1Тим.6:2  с толкованием

3
Аще ли кто инако учит и не приступает к здравым словесем Господа нашего Иисуса Христа и учению, еже по благоверию,

1Тим.6:3  с толкованием

4
разгордеся, ничтоже ведый, но недугуяй о стязаниих и словопрениих, от нихже бывает зависть, рвение, хулы, непщевания лукава,

1Тим.6:4  с толкованием

5
беседы злыя растленных человеков умом и лишенных истины, непщующих приобретение быти благочестие. Отступай от таковых.

1Тим.6:5  с толкованием

6
Есть же снискание велие благочестие с доволством.

1Тим.6:6  с толкованием

7
Ничтоже бо внесохом в мир сей: яве, яко ниже изнести что можем.

1Тим.6:7  с толкованием

8
Имеюще же пищу и одеяние, сими доволни будем.

1Тим.6:8  с толкованием

9
А хотящии богатитися впадают в напасти и сеть, и в похоти многи несмысленны и вреждающыя, яже погружают человеки во всегубителство и погибель:

1Тим.6:9  с толкованием

10
корень бо всем злым сребролюбие есть, егоже нецыи желающе заблудиша от веры, и себе пригвоздиша болезнем многим.

1Тим.6:10  с толкованием

11
Ты же, о, человече Божий, сих бегай: гони же правду, благочестие, веру, любовь, терпение, кротость:

1Тим.6:11  с толкованием

12
подвизайся добрым подвигом веры, емлися за вечную жизнь, в нюже и зван был еси, и исповедал еси доброе исповедание пред многими свидетели.

1Тим.6:12  с толкованием

13
Завещаваю ти пред Богом оживляющим всяческая, и Христом Иисусом свидетелствовавшим при Понтийстем Пилате доброе исповедание:

1Тим.6:13  с толкованием

14
соблюсти тебе заповедь нескверну и незазорну, даже до явления Господа нашего Иисуса Христа,

1Тим.6:14  с толкованием

15
еже во своя времена явит блаженный и един сильный, Царь царствующих и Господь господствующих,

1Тим.6:15  с толкованием

16
един имеяй безсмертие и во свете живый неприступнем, Егоже никтоже видел есть от человек, ниже видети может: емуже честь и держава вечная. Аминь.

1Тим.6:16  с толкованием

17
Богатым в нынешнем веце запрещай не высокомудрствовати, ниже уповати на богатство погибающее, но на Бога жива, дающаго нам вся обилно в наслаждение:

1Тим.6:17  с толкованием

18
благое делати, богатитися в делех добрых, благоподатливым быти, общителным,

1Тим.6:18  с толкованием

19
сокровищующе себе основание добро в будущее, да приимут вечную жизнь.

1Тим.6:19  с толкованием

20
О, Тимофее, предание сохрани, уклоняяся скверных суесловий и прекословий лжеименнаго разума:

1Тим.6:20  с толкованием

21
о немже нецыи хвалящеся, о вере погрешиша. Благодать с тобою. Аминь.

1Тим.6:21  с толкованием