Глава 
1

Гал.1  с толкованием

1
Павел, Апостол ни от человек, ни человеком, но Иисус Христом и Богом Отцем воскресившим Его из мертвых,

Гал.1:1  с толкованием

2
и иже со мною вся братия, церквам Галатийским:

Гал.1:2  с толкованием

3
благодать вам и мир от Бога Отца и Господа нашего Иисуса Христа,

Гал.1:3  с толкованием

4
давшаго Себе по гресех наших, яко да избавит нас от настоящаго века лукаваго, по воли Бога и Отца нашего,

Гал.1:4  с толкованием

5
Емуже слава во веки веков. Аминь.

Гал.1:5  с толкованием

6
Чуждуся, яко тако скоро прелагаетеся от звавшаго вы благодатию Христовою, во ино благовествование:

Гал.1:6  с толкованием

7
еже несть ино, точию нецыи суть смущающии вы и хотящии превратити благовествование Христово.

Гал.1:7  с толкованием

8
Но и аще мы, или Ангел с небесе благовестит вам паче, еже благовестихом вам, анафема да будет.

Гал.1:8  с толкованием

9
Якоже предрекохом, и ныне паки глаголю: аще кто вам благовестит паче, еже приясте, анафема да будет.

Гал.1:9  с толкованием

10
Ныне бо человеки препираю, или Бога, или ищу человеком угождати? Аще бо бых еще человеком угождал, Христов раб не бых убо был.

Гал.1:10  с толкованием

11
Сказую же вам, братие, Благовествование благовещенное от мене, яко несть по человеку:

Гал.1:11  с толкованием

12
ни бо аз от человека приях е, ниже научихся, но явлением Иисус Христовым.

Гал.1:12  с толкованием

13
Слышасте бо мое житие иногда в Жидовстве, яко по премногу гоних Церковь Божию и разрушах ю,

Гал.1:13  с толкованием

14
и преспевах в Жидовстве паче многих сверстник моих в роде моем, излиха ревнитель сый отеческих моих преданий.

Гал.1:14  с толкованием

15
Егда же благоволи Бог, избравый мя от чрева матере моея и призвавый благодатию Своею,

Гал.1:15  с толкованием

16
явити Сына Своего во мне, да благовествую Его во языцех, абие не приложихся плоти и крови,

Гал.1:16  с толкованием

17
ни взыдох во Иерусалим к первейшым мене Апостолом, но идох во Аравию, и паки возвратихся в Дамаск.

Гал.1:17  с толкованием

18
Потом же по триех летех взыдох во Иерусалим соглядати Петра, и пребых у него дний пятьнадесять.

Гал.1:18  с толкованием

19
Иного же от Апостол не видех, токмо Иакова брата Господня.

Гал.1:19  с толкованием

20
А яже пишу вам, се пред Богом, яко не лгу.

Гал.1:20  с толкованием

21
Потом же приидох в страны Сирския и Киликийския.

Гал.1:21  с толкованием

22
Бех же не знаемь лицем церквам Иудейским, яже о Христе,

Гал.1:22  с толкованием

23
точию же слышаще бяху, яко гоняй нас иногда, ныне благовествует веру, юже иногда разрушаше:

Гал.1:23  с толкованием

24
и славляху о мне Бога.

Гал.1:24  с толкованием

Глава 
2

Гал.2  с толкованием

1
Потом же по четыренадесяти летех паки взыдох во Иерусалим с Варнавою, поем с собою и Тита.

Гал.2:1  с толкованием

2
Взыдох же по откровению, и предложих им благовествование, еже проповедую во языцех, наедине же мнимым, да не како вотще теку, или текох.

Гал.2:2  с толкованием

3
Но ни Тит, иже со мною, Еллин сый, нужден бысть обрезатися.

Гал.2:3  с толкованием

4
И за пришедшую лжебратию, иже привнидоша соглядати свободы нашея, юже имамы о Христе Иисусе, да нас поработят:

Гал.2:4  с толкованием

5
имже ни к часу повинухомся в покорение, да истина благовестия пребудет в вас.

Гал.2:5  с толкованием

6
От мнящихся же быти что, якови некогда беша, ничтоже ми разнствует: лица Бог человеча не приемлет. Мне бо мнимии ничтоже привозложиша:

Гал.2:6  с толкованием

7
но сопротивное, уразумевше, яко уверено ми бысть благовестие необрезания, якоже Петру обрезания:

Гал.2:7  с толкованием

8
ибо Споспешествовавый Петру в послание обрезания, споспешествова и мне во языки:

Гал.2:8  с толкованием

9
и познавше благодать данную ми, Иаков и Кифа и Иоанн, мнимии столпи быти, десницы даша мне и Варнаве общения, да мы во языки, они же во обрезание,

Гал.2:9  с толкованием

10
точию нищих да помнима: еже и потщахся сие истое сотворити.

Гал.2:10  с толкованием

11
Егда же прииде Петр во Антиохию, в лице ему противустах, яко зазорен бе.

Гал.2:11  с толкованием

12
Прежде бо даже не приити неким от Иакова, с языки ядяше: егда же приидоша, опряташеся и отлучашеся, бояся сущих от обрезания.

Гал.2:12  с толкованием

13
И лицемеришася с ним и прочии Иудеи, яко и Варнаве пристати лицемерству их.

Гал.2:13  с толкованием

14
Но егда видех, яко не право ходят ко истине Благовествования, рекох Петру пред всеми: аще ты, Иудей сый, язычески, а не иудейски живеши, почто языки нудиши иудейски жительствовати?

Гал.2:14  с толкованием

15
Мы естеством Иудее, а не от язык грешницы:

Гал.2:15  с толкованием

16
уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть.

Гал.2:16  с толкованием

17
Аще ли, ищуще оправдитися о Христе, обретохомся и сами грешницы, Христос убо греху ли служитель? Да не будет.

Гал.2:17  с толкованием

18
Аще бо, яже разорих, сия паки созидаю, преступника себе представляю.

Гал.2:18  с толкованием

19
Аз бо законом закону умрох, да Богови жив буду. Христови сраспяхся:

Гал.2:19  с толкованием

20
живу же не ктому аз, но живет во мне Христос. А еже ныне живу во плоти, верою живу Сына Божия, возлюбившаго мене и предавшаго Себе по мне.

Гал.2:20  с толкованием

21
Не отметаю благодати Божия. Аще бо законом правда, убо Христос туне умре.

Гал.2:21  с толкованием

Глава 
3

Гал.3  с толкованием

1
О, несмысленнии Галате, кто вы прельстил есть не покоритися истине, имже пред очима Иисус Христос преднаписан бысть, в вас распят?

Гал.3:1  с толкованием

2
Сие едино хощу уведети от вас: от дел ли закона Духа приясте, или от слуха веры?

Гал.3:2  с толкованием

3
Тако ли несмысленни есте? Наченше духом, ныне плотию скончаваете?

Гал.3:3  с толкованием

4
Толика пострадасте туне? Аще точию и туне.

Гал.3:4  с толкованием

5
Подаяй убо вам Духа и действуяй силы в вас, от дел ли закона, или от слуха веры?

Гал.3:5  с толкованием

6
Якоже Авраам верова Богу, и вменися ему в правду.

Гал.3:6  с толкованием

7
Разумейте убо, яко сущии от веры, сии суть сынове Авраамли.

Гал.3:7  с толкованием

8
Предувидевшее же Писание, яко от веры оправдает языки Бог, прежде благовествова Аврааму, яко благословятся о тебе вси языцы.

Гал.3:8  с толкованием

9
Темже сущии от веры, благословятся с верным Авраамом:

Гал.3:9  с толкованием

10
елицы бо от дел закона суть, под клятвою суть. Писано бо есть: проклят всяк, иже не пребудет во всех писанных в книзе законней, яко творити я.

Гал.3:10  с толкованием

11
А яко в законе никтоже оправдается от Бога, яве, яко праведный от веры жив будет.

Гал.3:11  с толкованием

12
Закон же несть от веры: но сотворивый та человек жив будет в них.

Гал.3:12  с толкованием

13
Христос ны искупил есть от клятвы законныя, быв по нас клятва: писано бо есть: проклят всяк висяй на древе:

Гал.3:13  с толкованием

14
да в языцех благословение Авраамле будет о Христе Иисусе, да обетование Духа приимем верою.

Гал.3:14  с толкованием

15
Братие, по человеку глаголю: обаче человеческаго предутвержденна завета никтоже отметает или приповелевает.

Гал.3:15  с толкованием

16
Аврааму же речени быша обеты, и семени его. Не глаголет же: и семенем, яко о мнозех, но яко о едином: и семени твоему, иже есть Христос.

Гал.3:16  с толкованием

17
Сие же глаголю, завета предутвержденнаго от Бога во Христа, бывый по летех четыриста и тридесятих закон не отметает, во еже разорити обетование.

Гал.3:17  с толкованием

18
Аще бо от закона наследие, не ктому уже от обетования: Аврааму же обетованием дарова Бог.

Гал.3:18  с толкованием

19
Что убо закон? Преступлений ради приложися, дондеже приидет семя, емуже обетовася, вчинен Ангелы, рукою ходатая.

Гал.3:19  с толкованием

20
Ходатай же единаго несть, Бог же един есть.

Гал.3:20  с толкованием

21
Закон ли убо противу обетованием Божиим? Да не будет. Аще бо дан бысть закон могий оживити, воистинну от закона бы была правда:

Гал.3:21  с толкованием

22
но затвори Писание всех под грехом, да обетование от веры Иисус Христовы дастся верующым.

Гал.3:22  с толкованием

23
Прежде же пришествия веры, под законом стрегоми бехом, затворени в хотящую веру открытися.

Гал.3:23  с толкованием

24
Темже закон пестун нам бысть во Христа, да от веры оправдимся:

Гал.3:24  с толкованием

25
пришедшей же вере, уже не под пестуном есмы.

Гал.3:25  с толкованием

26
Вси бо вы сынове Божии есте верою о Христе Иисусе:

Гал.3:26  с толкованием

27
елицы бо во Христа крестистеся, во Христа облекостеся.

Гал.3:27  с толкованием

28
Несть Иудей, ни Еллин: несть раб, ни свободь: несть мужеский пол, ни женский: вси бо вы едино есте о Христе Иисусе.

Гал.3:28  с толкованием

29
Аще ли вы Христовы, убо Авраамле семя есте, и по обетованию наследницы.

Гал.3:29  с толкованием

Глава 
4

Гал.4  с толкованием

1
Глаголю же: в елико время наследник млад есть, ничимже лучший есть раба, господь сый всех:

Гал.4:1  с толкованием

2
но под повелители и приставники есть даже до нарока отча.

Гал.4:2  с толкованием

3
Такожде и мы, егда бехом млади, под стихиами бехом мира порабощени:

Гал.4:3  с толкованием

4
егда же прииде кончина лета, посла Бог Сына Своего Единороднаго, Раждаемаго от жены, бываема под законом,

Гал.4:4  с толкованием

5
да подзаконныя искупит, да всыновление восприимем.

Гал.4:5  с толкованием

6
И понеже есте сынове, посла Бог Духа Сына Своего в сердца ваша, вопиюща: Авва Отче.

Гал.4:6  с толкованием

7
Темже уже неси раб, но сын: аще ли же сын, и наследник Божий Иисус Христом.

Гал.4:7  с толкованием

8
Но тогда убо, не ведуще Бога, служисте не по естеству сущым богом:

Гал.4:8  с толкованием

9
ныне же, познавше Бога, паче же познани бывше от Бога, како возвращаетеся паки на немощныя и худыя стихии, имже паки свыше служити хощете?

Гал.4:9  с толкованием

10
Дни смотряете, и месяцы, и времена, и лета.

Гал.4:10  с толкованием

11
Боюся о вас, еда како всуе трудихся в вас.

Гал.4:11  с толкованием

12
Будите якоже аз, зане и аз, якоже вы: братие, молю вы. Ничимже мене обидесте:

Гал.4:12  с толкованием

13
весте же, яко за немощь плоти благовестих вам первее.

Гал.4:13  с толкованием

14
И искушения моего, еже во плоти моей, не уничижисте, ни оплевасте, но якоже Ангела Божия приясте мя, яко Христа Иисуса.

Гал.4:14  с толкованием

15
Кое убо бяше блаженство ваше, свидетельствую бо вам, яко, аще бы было мощно, очеса ваша извертевше дали бысте ми.

Гал.4:15  с толкованием

16
Темже враг вам бых, истину вам глаголя?

Гал.4:16  с толкованием

17
Ревнуют по вас не добре, но отлучити вас хотят, да им ревнуете.

Гал.4:17  с толкованием

18
Добро же, еже ревновати всегда в добрем, и не точию внегда приходити ми к вам.

Гал.4:18  с толкованием

19
Чадца моя, имиже паки болезную, дондеже вообразится Христос в вас:

Гал.4:19  с толкованием

20
хотел же бых приити к вам ныне и изменити глас мой, яко не домышляюся о вас.

Гал.4:20  с толкованием

21
Глаголите ми, иже под законом хощете быти: закона ли не слушаете?

Гал.4:21  с толкованием

22
Писано бо есть, яко Авраам два сына име: единаго от рабы, а другаго от свободныя.

Гал.4:22  с толкованием

23
Но иже от рабы, по плоти родися: а иже от свободныя, по обетованию.

Гал.4:23  с толкованием

24
Иже суть иносказаема: сия бо еста два завета: един убо от горы Синайския, в работу раждаяй, иже есть Агарь:

Гал.4:24  с толкованием

25
Агарь бо, Сина гора есть во Аравии, прилагается же нынешнему Иерусалиму, работает же с чады своими:

Гал.4:25  с толкованием

26
а вышний Иерусалим свободь есть, иже есть мати всем нам.

Гал.4:26  с толкованием

27
Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа.

Гал.4:27  с толкованием

28
Мы же, братие, по Исааку обетования чада есмы.

Гал.4:28  с толкованием

29
Но якоже тогда по плоти родивыйся гоняше духовнаго, тако и ныне.

Гал.4:29  с толкованием

30
Но что глаголет Писание? Изжени рабу и сына ея, не имать бо наследовати сын рабынин с сыном свободныя.

Гал.4:30  с толкованием

31
Темже, братие, несмы рабынина чада, но свободныя.

Гал.4:31  с толкованием

Глава 
5

Гал.5  с толкованием

1
Свободою убо, еюже Христос нас свободи, стойте, и не паки под игом работы держитеся.

Гал.5:1  с толкованием

2
Се аз Павел глаголю вам, яко аще обрезаетеся, Христос вас ничтоже пользует.

Гал.5:2  с толкованием

3
Свидетельствую же паки всякому человеку обрезающемуся, яко должен есть весь закон творити.

Гал.5:3  с толкованием

4
Упразднистеся от Христа, иже законом оправдаетеся, от благодати отпадосте:

Гал.5:4  с толкованием

5
мы бо духом от веры упования правды ждем.

Гал.5:5  с толкованием

6
О Христе бо Иисусе ни обрезание что может, ни необрезание, но вера любовию поспешествуема.

Гал.5:6  с толкованием

7
Течасте добре: кто вам возбрани не покарятися истине?

Гал.5:7  с толкованием

8
Препрение не от Призвавшаго вы.

Гал.5:8  с толкованием

9
Мал квас все смешение квасит.

Гал.5:9  с толкованием

10
Аз надеюся о вас в Господе, яко ничтоже ино разумети будете: смущаяй же вас понесет грех, кто бы ни был.

Гал.5:10  с толкованием

11
Аз же, братие, аще обрезание еще проповедую, почто еще гонимь есмь? Убо упразднися соблазн креста.

Гал.5:11  с толкованием

12
О, дабы отсечени были развращающии вас.

Гал.5:12  с толкованием

13
Вы бо на свободу звани бысте, братие: точию да не свобода ваша в вину плоти, но любовию работайте друг другу.

Гал.5:13  с толкованием

14
Ибо весь закон в единем словеси исполняется, во еже: возлюбиши ближняго твоего якоже себе.

Гал.5:14  с толкованием

15
Аще же друг друга угрызаете и снедаете, блюдитеся, да не друг от друга истреблени будете.

Гал.5:15  с толкованием

16
Глаголю же: духом ходите, и похоти плотския не совершайте:

Гал.5:16  с толкованием

17
плоть бо похотствует на духа, дух же на плоть: сия же друг другу противятся, да не яже хощете, сия творите.

Гал.5:17  с толкованием

18
Аще ли духом водими есте, несте под законом.

Гал.5:18  с толкованием

19
Явлена же суть дела плотская, яже суть прелюбодеяние, блуд, нечистота, студодеяние,

Гал.5:19  с толкованием

20
идолослужение, чародеяния, вражды, рвения, завиды, ярости, разжжения, распри, соблазны, ереси,

Гал.5:20  с толкованием

21
зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии Царствия Божия не наследят.

Гал.5:21  с толкованием

22
Плод же духовный есть любы, радость, мир, долготерпение, благость, милосердие, вера,

Гал.5:22  с толкованием

23
кротость, воздержание: на таковых несть закона.

Гал.5:23  с толкованием

24
А иже Христовы суть, плоть распяша со страстьми и похотьми.

Гал.5:24  с толкованием

25
Аще живем духом, духом и да ходим.

Гал.5:25  с толкованием

26
Не бываим тщеславни, друг друга раздражающе, друг другу завидяще.

Гал.5:26  с толкованием

Глава 
6

Гал.6  с толкованием

1
Братие, аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушен будеши.

Гал.6:1  с толкованием

2
Друг друга тяготы носите, и тако исполните закон Христов.

Гал.6:2  с толкованием

3
Аще бо кто мнит себе быти что, ничтоже сый, умом льстит себе.

Гал.6:3  с толкованием

4
Дело же свое да искушает кийждо, и тогда в себе точию хваление да имать, а не во инем:

Гал.6:4  с толкованием

5
кийждо бо свое бремя понесет.

Гал.6:5  с толкованием

6
Да общается же учяйся словеси учащему во всех благих.

Гал.6:6  с толкованием

7
Не льститеся: Бог поругаемь не бывает. Еже бо аще сеет человек, тожде и пожнет:

Гал.6:7  с толкованием

8
яко сеяи в плоть свою, от плоти пожнет истление: а сеяи в дух, от духа пожнет живот вечный.

Гал.6:8  с толкованием

9
Доброе же творяще, да не стужаем си: во время бо свое пожнем, не ослабеюще.

Гал.6:9  с толкованием

10
Темже убо, дондеже время имамы, да делаим благое ко всем, паче же к присным в вере.

Гал.6:10  с толкованием

11
Видите, колицеми книгами писах вам моею рукою.

Гал.6:11  с толкованием

12
Елицы хотят хвалитися по плоти, сии нудят вы обрезатися, точию да не креста ради Христова гоними будут:

Гал.6:12  с толкованием

13
ни бо обрезающиися сами закон хранят, но хотят вам обрезоватися, да в вашей плоти похвалятся:

Гал.6:13  с толкованием

14
мне же да не будет хвалитися, токмо о кресте Господа нашего Иисуса Христа, имже мне мир распятся, и аз миру.

Гал.6:14  с толкованием

15
О Христе бо Иисусе ни обрезание что может, ни необрезание, но нова тварь.

Гал.6:15  с толкованием

16
И елицы правилом сим жительствуют, мир на них и милость, и на Израили Божии.

Гал.6:16  с толкованием

17
Прочее, труды да никтоже ми дает: аз бо язвы Господа Иисуса на теле моем ношу.

Гал.6:17  с толкованием

18
Благодать Господа нашего Иисуса Христа со духом вашим, братие. Аминь.

Гал.6:18  с толкованием