Глава 
11

Ин.11  с толкованием

1
Бе же некто боля Лазарь от Вифании, от веси Мариины и Марфы сестры ея.

Ин.11:1  с толкованием

2
Бе же Мариа помазавшая Господа миром и отершая нозе Его власы своими, еяже брат Лазарь боляше.

Ин.11:2  с толкованием

3
Посласте убо сестре к Нему, глаголюще: Господи, се, егоже любиши, болит.

Ин.11:3  с толкованием

4
Слышав же Иисус рече: сия болезнь несть к смерти, но о славе Божии, да прославится Сын Божий ея ради.

Ин.11:4  с толкованием

5
Любляше же Иисус Марфу и сестру ея и Лазаря.

Ин.11:5  с толкованием

6
Егда же услыша, яко болит, тогда пребысть на немже бе месте два дни.

Ин.11:6  с толкованием

7
Потом же глагола учеником: идем во Иудею паки.

Ин.11:7  с толкованием

8
Глаголаша Ему ученицы: Равви, ныне искаху Тебе камением побити Иудее, и паки ли идеши тамо?

Ин.11:8  с толкованием

9
Отвеща Иисус: не два ли надесяте часа еста во дни? Аще кто ходит во дни, не поткнется, яко свет мира сего видит:

Ин.11:9  с толкованием

10
аще же кто ходит в нощи, поткнется, яко несть света в нем.

Ин.11:10  с толкованием

11
Сия рече и посем глагола им: Лазарь друг наш успе: но иду, да возбужу его.

Ин.11:11  с толкованием

12
Реша убо ученицы Его: Господи, аще успе, спасен будет.

Ин.11:12  с толкованием

13
Рече же Иисус о смерти его: они же мнеша, яко о успении сна глаголет.

Ин.11:13  с толкованием

14
Тогда рече им Иисус не обинуяся: Лазарь умре:

Ин.11:14  с толкованием

15
и радуюся вас ради, да веруете, яко не бех тамо: но идем к нему.

Ин.11:15  с толкованием

16
Рече же Фома, глаголемый Близнец, учеником: идем и мы, да умрем с ним.

Ин.11:16  с толкованием

17
Пришед же Иисус, обрете его четыри дни уже имуща во гробе.

Ин.11:17  с толкованием

18
Бе же Вифаниа близ Иерусалима, яко стадий пятьнадесять,

Ин.11:18  с толкованием

19
и мнози от Иудей бяху пришли к Марфе и Марии, да утешат их о брате ею.

Ин.11:19  с толкованием

20
Марфа убо егда услыша, яко Иисус грядет, срете Его: Мариа же дома седяше.

Ин.11:20  с толкованием

21
Рече же Марфа ко Иисусу: Господи, аще бы еси зде был, не бы брат мой умерл:

Ин.11:21  с толкованием

22
но и ныне вем, яко елика аще просиши от Бога, даст Тебе Бог.

Ин.11:22  с толкованием

23
Глагола ей Иисус: воскреснет брат твой.

Ин.11:23  с толкованием

24
Глагола Ему Марфа: вем, яко воскреснет в воскрешение, в последний день.

Ин.11:24  с толкованием

25
Рече (же) ей Иисус: Аз есмь воскрешение и живот: веруяй в Мя, аще и умрет, оживет:

Ин.11:25  с толкованием

26
и всяк живый и веруяй в Мя не умрет во веки. Емлеши ли веру сему?

Ин.11:26  с толкованием

27
Глагола Ему: ей, Господи: аз веровах, яко Ты еси Христос Сын Божий, иже в мир грядый.

Ин.11:27  с толкованием

28
И сия рекши, иде и пригласи Марию сестру свою тай, рекши: Учитель пришел есть и глашает тя.

Ин.11:28  с толкованием

29
Она (же) яко услыша, воста скоро и иде к Нему.

Ин.11:29  с толкованием

30
Не уже бо бе пришел Иисус в весь, но бе на месте, идеже срете Его Марфа.

Ин.11:30  с толкованием

31
Иудее (же) убо сущии с нею в дому и утешающе ю, видевше Марию, яко скоро воста и изыде, по ней идоша, глаголюще, яко идет на гроб, да плачет тамо.

Ин.11:31  с толкованием

32
Мариа же яко прииде, идеже бе Иисус, видевши Его, паде Ему на ногу, глаголющи Ему: Господи, аще бы еси был зде, не бы умерл мой брат.

Ин.11:32  с толкованием

33
Иисус убо, яко виде ю плачущуся и пришедшыя с нею Иудеи плачущя, запрети духу и возмутися Сам

Ин.11:33  с толкованием

34
и рече: где положисте его? Глаголаша Ему: Господи, прииди и виждь.

Ин.11:34  с толкованием

35
Прослезися Иисус.

Ин.11:35  с толкованием

36
Глаголаху убо Жидове: виждь, како любляше его.

Ин.11:36  с толкованием

37
Нецыи же от них реша: не можаше ли Сей, отверзый очи слепому, сотворити, да и сей не умрет?

Ин.11:37  с толкованием

38
Иисус же паки претя в себе, прииде ко гробу. Бе же пещера, и камень лежаше на ней.

Ин.11:38  с толкованием

39
Глагола Иисус: возмите камень. Глагола Ему сестра умершаго Марфа: Господи, уже смердит: четверодневен бо есть.

Ин.11:39  с толкованием

40
Глагола ей Иисус: не рех ли ти, яко аще веруеши, узриши славу Божию?

Ин.11:40  с толкованием

41
Взяша убо камень, идеже бе умерый лежя. Иисус же возведе очи горе и рече: Отче, хвалу Тебе воздаю, яко услышал еси Мя:

Ин.11:41  с толкованием

42
Аз же ведех, яко всегда Мя послушаеши: но народа ради стоящаго окрест рех, да веру имут, яко Ты Мя послал еси.

Ин.11:42  с толкованием

43
И сия рек, гласом великим воззва: Лазаре, гряди вон.

Ин.11:43  с толкованием

44
И изыде умерый, обязан рукама и ногама укроем, и лице его убрусом обязано. Глагола им Иисус: разрешите его и оставите ити.

Ин.11:44  с толкованием

45
Мнози убо от Иудей пришедшии к Марии и видевше, яже сотвори Иисус, вероваша в Него:

Ин.11:45  с толкованием

46
нецыи же от них идоша к фарисеом и рекоша им, яже сотвори Иисус.

Ин.11:46  с толкованием

47
Собраша убо архиерее и фарисее сонм и глаголаху: что сотворим? Яко Человек Сей многа знамения творит:

Ин.11:47  с толкованием

48
аще оставим Его тако, вси уверуют в Него: и приидут Римляне и возмут место и язык наш.

Ин.11:48  с толкованием

49
Един же некто от них Каиафа, архиерей сый лету тому, рече им: вы не весте ничесоже,

Ин.11:49  с толкованием

50
ни помышляете, яко уне есть нам, да един человек умрет за люди, а не весь язык погибнет.

Ин.11:50  с толкованием

51
Сего же о себе не рече, но архиерей сый лету тому, прорече, яко хотяше Иисус умрети за люди,

Ин.11:51  с толкованием

52
и не токмо за люди, но да и чада Божия расточеная соберет во едино.

Ин.11:52  с толкованием

53
От того убо дне совещаша, да убиют Его.

Ин.11:53  с толкованием

54
Иисус же ктому не яве хождаше во Иудеех, но иде оттуду во страну близ пустыни, во Ефрем нарицаемый град, и ту хождаше со ученики Своими.

Ин.11:54  с толкованием

55
Бе же близ Пасха Иудейска, и взыдоша мнози во Иерусалим от стран прежде Пасхи, да очистятся.

Ин.11:55  с толкованием

56
Искаху убо Иисуса и глаголаху к себе, в церкви стояще: что мнится вам, яко не имать ли приити в праздник?

Ин.11:56  с толкованием

57
Даша же архиерее и фарисее заповедь, да аще кто ощутит (Его), где будет, повесть, яко да имут Его.

Ин.11:57  с толкованием

Глава 
12

Ин.12  с толкованием

1
Иисус же прежде шести дний Пасхи прииде в Вифанию, идеже бе Лазарь умерый, егоже воскреси от мертвых.

Ин.12:1  с толкованием

2
Сотвориша же Ему вечерю ту, и Марфа служаше: Лазарь же един бе от возлежащих с Ним.

Ин.12:2  с толкованием

3
Мариа же приемши литру мира нарда пистика многоценна, помаза нозе Иисусове, и отре власы своими нозе Его: храмина же исполнися от вони масти (благовонныя).

Ин.12:3  с толкованием

4
Глагола же един от ученик Его, Иуда Симонов Искариотский, иже хотяше Его предати:

Ин.12:4  с толкованием

5
чесо ради миро сие не продано бысть на триех стех пенязь и дано нищым?

Ин.12:5  с толкованием

6
Сие же рече, не яко о нищих печашеся, но яко тать бе, и ковчежец имеяше, и вметаемая ношаше.

Ин.12:6  с толкованием

7
Рече же Иисус: не дейте ея, да в день погребения Моего соблюдет е:

Ин.12:7  с толкованием

8
нищыя бо всегда имате с собою, Мене же не всегда имате.

Ин.12:8  с толкованием

9
Разуме же народ мног от Иудей, яко ту есть: и приидоша не Иисуса ради токмо, но да и Лазаря видят, егоже воскреси от мертвых.

Ин.12:9  с толкованием

10
Совещаша же архиерее, да и Лазаря убиют,

Ин.12:10  с толкованием

11
яко мнози его ради идяху от Иудей и вероваху во Иисуса.

Ин.12:11  с толкованием

12
Во утрий (же) день народ мног пришедый в праздник, слышавше, яко Иисус грядет во Иерусалим,

Ин.12:12  с толкованием

13
прияша ваиа от финик и изыдоша в сретение Ему, и зваху (глаголюще): осанна, благословен грядый во имя Господне, Царь Израилев.

Ин.12:13  с толкованием

14
Обрет же Иисус осля, вседе на не, якоже есть писано:

Ин.12:14  с толкованием

15
не бойся, дщи Сионя: се, Царь твой грядет, седя на жребяти осли.

Ин.12:15  с толкованием

16
Сих же не разумеша ученицы Его прежде: но егда прославися Иисус, тогда помянуша, яко сия быша о Нем писана, и сия сотвориша Ему.

Ин.12:16  с толкованием

17
Свидетелствоваше убо народ, иже бе (прежде) с Ним, егда Лазаря возгласи от гроба и воскреси его от мертвых:

Ин.12:17  с толкованием

18
сего ради и срете Его народ, яко слышаша Его сие сотворша знамение.

Ин.12:18  с толкованием

19
Фарисее убо реша к себе: видите, яко ни каяже польза есть? Се, мир по Нем идет.

Ин.12:19  с толкованием

20
Бяху же нецыи Еллини от пришедших, да поклонятся в праздник:

Ин.12:20  с толкованием

21
сии убо приступиша к Филиппу, иже бе от Вифсаиды Галилейския, и моляху его, глаголюще: господи, хощем Иисуса видети.

Ин.12:21  с толкованием

22
Прииде Филипп и глагола Андреови: и паки Андрей и Филипп глаголаста Иисусови.

Ин.12:22  с толкованием

23
Иисус же отвеща има, глаголя: прииде час, да прославится Сын Человеческий:

Ин.12:23  с толкованием

24
аминь, аминь глаголю вам: аще зерно пшенично пад на земли не умрет, то едино пребывает: аще же умрет, мног плод сотворит:

Ин.12:24  с толкованием

25
любяй душу свою погубит ю, и ненавидяй души своея в мире сем в живот вечный сохранит ю:

Ин.12:25  с толкованием

26
аще кто Мне служит, Мне да последствует, и идеже есмь Аз, ту и слуга Мой будет: и аще кто Мне служит, почтит его Отец (Мой):

Ин.12:26  с толкованием

27
ныне душа Моя возмутися: и что реку? Отче, спаси Мя от часа сего: но сего ради приидох на час сей:

Ин.12:27  с толкованием

28
Отче, прослави имя Твое. Прииде же глас с небесе: и прославих, и паки прославлю.

Ин.12:28  с толкованием

29
Народ же стояй и слышав, глаголаху: гром бысть. Инии глаголаху: Ангел глагола Ему.

Ин.12:29  с толкованием

30
Отвеща Иисус и рече: не Мене ради глас сей бысть, но народа ради:

Ин.12:30  с толкованием

31
ныне суд есть миру сему: ныне князь мира сего изгнан будет вон:

Ин.12:31  с толкованием

32
и аще Аз вознесен буду от земли, вся привлеку к Себе.

Ин.12:32  с толкованием

33
Сие же глаголаше, назнаменуя, коею смертию хотяше умрети.

Ин.12:33  с толкованием

34
Отвеща Ему народ: мы слышахом от закона, яко Христос пребывает во веки: како Ты глаголеши: вознестися подобает Сыну Человеческому? Кто есть Сей Сын Человеческий?

Ин.12:34  с толкованием

35
Рече же им Иисус: еще мало время свет в вас есть: ходите, дондеже свет имате, да тма вас не имет: и ходяй во тме не весть, камо идет:

Ин.12:35  с толкованием

36
дондеже свет имате, веруйте во свет, да сынове света будете. Сия глагола Иисус, и отшед скрыся от них.

Ин.12:36  с толкованием

37
Толика знамения сотворшу Ему пред ними, не вероваху в Него,

Ин.12:37  с толкованием

38
да сбудется слово Исаии пророка, еже рече: Господи, кто верова слуху нашему, и мышца Господня кому открыся?

Ин.12:38  с толкованием

39
Сего ради не можаху веровати, яко паки рече Исаиа:

Ин.12:39  с толкованием

40
ослепи очи их и окаменил есть сердца их, да не видят очима, ни разумеют сердцем, и обратятся, и исцелю их.

Ин.12:40  с толкованием

41
Сия рече Исаиа, егда виде славу Его и глагола о Нем.

Ин.12:41  с толкованием

42
Обаче убо и от князь мнози вероваша в Него, но фарисей ради не исповедоваху, да не из сонмищ изгнани будут:

Ин.12:42  с толкованием

43
возлюбиша бо паче славу человеческую, неже славу Божию.

Ин.12:43  с толкованием

44
Иисус же воззва и рече: веруяй в Мя не верует в Мя, но в Пославшаго Мя:

Ин.12:44  с толкованием

45
и видяй Мя видит Пославшаго Мя:

Ин.12:45  с толкованием

46
Аз свет в мир приидох, да всяк веруяй в Мя во тме не пребудет:

Ин.12:46  с толкованием

47
и аще кто услышит глаголголы Моя и не верует, Аз не сужду ему: не приидох бо, да сужду мирови, но да спасу мир:

Ин.12:47  с толкованием

48
отметаяйся Мене и не приемляй глаголгол Моих имать судящаго ему: слово, еже глаголах, то судит ему в последний день:

Ин.12:48  с толкованием

49
яко Аз от Себе не глаголах, но пославый Мя Отец, Той Мне заповедь даде, что реку и что возглаголю:

Ин.12:49  с толкованием

50
и вем, яко заповедь Его живот вечный есть: яже убо Аз глаголю, якоже рече Мне Отец, тако глаголю.

Ин.12:50  с толкованием

Глава 
13

Ин.13  с толкованием

1
Прежде же праздника Пасхи, ведый Иисус, яко прииде Ему час, да прейдет от мира сего ко Отцу, возлюбль Своя сущыя в мире, до конца возлюби их.

Ин.13:1  с толкованием

2
И вечери бывшей, диаволу уже вложившу в сердце Иуде Симонову Искариотскому, да Его предаст,

Ин.13:2  с толкованием

3
ведый Иисус, яко вся даде Ему Отец в руце, и яко от Бога изыде и к Богу грядет:

Ин.13:3  с толкованием

4
воста от вечери и положи ризы, и приемь лентион, препоясася:

Ин.13:4  с толкованием

5
потом влия воду во умывалницу и начат умывати ноги учеником и отирати лентием, имже бе препоясан.

Ин.13:5  с толкованием

6
Прииде же к Симону Петру, и глагола Ему той: Господи, Ты ли мои умыеши нозе?

Ин.13:6  с толкованием

7
Отвеща Иисус и рече ему: еже Аз творю, ты не веси ныне, уразумееши же по сих.

Ин.13:7  с толкованием

8
Глагола Ему Петр: не умыеши ногу моею во веки. Отвеща ему Иисус: аще не умыю тебе, не имаши части со Мною.

Ин.13:8  с толкованием

9
Глагола Ему Симон Петр: Господи, не нозе мои токмо, но и руце и главу.

Ин.13:9  с толкованием

10
Глагола ему Иисус: измовенный не требует, токмо нозе умыти, есть бо весь чист: и вы чисти есте, но не вси.

Ин.13:10  с толкованием

11
Ведяше бо предающаго Его: сего ради рече, яко не вси чисти есте.

Ин.13:11  с толкованием

12
Егда же умы ноги их, прият ризы Своя, возлег паки, рече им: весте ли, что сотворих вам?

Ин.13:12  с толкованием

13
Вы глашаете Мя Учителя и Господа, и добре глаголете: есмь бо.

Ин.13:13  с толкованием

14
Аще убо Аз умых ваши нозе, Господь и Учитель, и вы должни есте друг другу умывати нозе:

Ин.13:14  с толкованием

15
образ бо дах вам, да, якоже Аз сотворих вам, и вы творите.

Ин.13:15  с толкованием

16
Аминь, аминь глаголю вам: несть раб болий господа своего, ни посланник болий пославшаго его.

Ин.13:16  с толкованием

17
Аще сия весте, блажени есте, аще творите я.

Ин.13:17  с толкованием

18
Не о всех вас глаголю: Аз (бо) вем, ихже избрах: но да Писание сбудется: ядый со Мною хлеб воздвиже на Мя пяту свою.

Ин.13:18  с толкованием

19
Отселе глаголю вам, прежде даже не будет, да, егда будет, веру имете, яко Аз есмь.

Ин.13:19  с толкованием

20
Аминь, аминь глаголю вам: приемляй, аще кого послю, Мене приемлет: а приемляй Мене приемлет Пославшаго Мя.

Ин.13:20  с толкованием

21
Сия рек Иисус возмутися духом и свидетелствова и рече: аминь, аминь глаголю вам, яко един от вас предаст Мя.

Ин.13:21  с толкованием

22
Сзирахуся убо между собою ученицы, недоумеющеся, о ком глаголет.

Ин.13:22  с толкованием

23
Бе же един от ученик Его возлежя на лоне Иисусове, егоже любляше Иисус:

Ин.13:23  с толкованием

24
поману же сему Симон Петр вопросити, кто бы был, о немже глаголет.

Ин.13:24  с толкованием

25
Напад же той на перси Иисусовы, глагола Ему: Господи, кто есть?

Ин.13:25  с толкованием

26
Отвеща Иисус: той есть, емуже Аз омочив хлеб подам. И омочь хлеб, даде Иуде Симонову Искариотскому.

Ин.13:26  с толкованием

27
И по хлебе тогда вниде в онь сатана. Глагола убо ему Иисус: еже твориши, сотвори скоро.

Ин.13:27  с толкованием

28
Сего же никтоже разуме от возлежащих, к чесому рече ему.

Ин.13:28  с толкованием

29
Нецыи же мняху, понеже ковчежец имяше Иуда, яко глаголет ему Иисус: купи, еже требуем на праздник: или нищым да нечто даст.

Ин.13:29  с толкованием

30
Приим же он хлеб, абие изыде: бе же нощь. Егда изыде,

Ин.13:30  с толкованием

31
глагола Иисус: ныне прославися Сын Человеческий, и Бог прославися о Нем:

Ин.13:31  с толкованием

32
аще Бог прославися о Нем, и Бог прославит Его в Себе, и абие прославит Его.

Ин.13:32  с толкованием

33
Чадца, еще с вами мало есмь: взыщете Мене, и якоже рех Иудеом, яко аможе Аз иду, вы не можете приити: и вам глаголю ныне.

Ин.13:33  с толкованием

34
Заповедь новую даю вам, да любите друг друга: якоже возлюбих вы, да и вы любите себе:

Ин.13:34  с толкованием

35
о сем разумеют вси, яко Мои ученицы есте, аще любовь имате между собою.

Ин.13:35  с толкованием

36
Глагола Ему Симон Петр: Господи, камо идеши? Отвеща ему Иисус: аможе (Аз) иду, не можеши ныне по Мне ити: последи же по Мне идеши.

Ин.13:36  с толкованием

37
Глагола Ему Петр: Господи, почто не могу ныне по Тебе ити? (ныне) душу мою за Тя положу.

Ин.13:37  с толкованием

38
Отвеща ему Иисус: душу ли твою за Мя положиши? Аминь, аминь глаголю тебе: не возгласит алектор, дондеже отвержешися Мене трищи.

Ин.13:38  с толкованием

Глава 
14

Ин.14  с толкованием

1
Да не смущается сердце ваше: веруйте в Бога, и в Мя веруйте:

Ин.14:1  с толкованием

2
в дому Отца Моего обители многи суть: аще ли же ни, рекл бых вам: иду уготовати место вам:

Ин.14:2  с толкованием

3
и аще уготовлю место вам, паки прииду и поиму вы к Себе, да идеже есмь Аз, и вы будете:

Ин.14:3  с толкованием

4
и аможе Аз иду, весте, и путь весте.

Ин.14:4  с толкованием

5
Глагола Ему Фома: Господи, не вемы, камо идеши: и како можем путь ведети?

Ин.14:5  с толкованием

6
Глагола ему Иисус: Аз есмь путь и истина и живот: никтоже приидет ко Отцу, токмо Мною:

Ин.14:6  с толкованием

7
аще Мя бысте знали, и Отца Моего знали бысте (убо): и отселе познасте Его, и видесте Его.

Ин.14:7  с толкованием

8
Глагола Ему Филипп: Господи, покажи нам Отца, и довлеет нам.

Ин.14:8  с толкованием

9
Глагола ему Иисус: толико время с вами есмь, и не познал еси Мене, Филиппе? Видевый Мене виде Отца: и како ты глаголеши: покажи нам Отца?

Ин.14:9  с толкованием

10
Не веруеши ли, яко Аз во Отце, и Отец во Мне есть? Глаголголы, яже Аз глаголю вам, о Себе не глаголю: Отец же во Мне пребываяй, Той творит дела:

Ин.14:10  с толкованием

11
веруйте Мне, яко Аз во Отце, и Отец во Мне: аще ли же ни, за та дела веру имите Ми.

Ин.14:11  с толкованием

12
Аминь, аминь глаголю вам: веруяй в Мя, дела, яже Аз творю, и той сотворит, и болша сих сотворит: яко Аз ко Отцу Моему гряду:

Ин.14:12  с толкованием

13
и еже аще что просите (от Отца) во имя Мое, то сотворю, да прославится Отец в Сыне:

Ин.14:13  с толкованием

14
(и) аще чесо просите во имя Мое, Аз сотворю.

Ин.14:14  с толкованием

15
Аще любите Мя, заповеди Моя соблюдите,

Ин.14:15  с толкованием

16
и Аз умолю Отца, и иного Утешителя даст вам, да будет с вами в век,

Ин.14:16  с толкованием

17
Дух истины, Егоже мир не может прияти, яко не видит Его, ниже знает Его: вы же знаете Его, яко в вас пребывает и в вас будет.

Ин.14:17  с толкованием

18
Не оставлю вас сиры: прииду к вам:

Ин.14:18  с толкованием

19
еще мало, и мир ктому не увидит Мене: вы же увидите Мя, яко Аз живу, и вы живи будете:

Ин.14:19  с толкованием

20
в той день уразумеете вы, яко Аз во Отце Моем, и вы во Мне, и Аз в вас.

Ин.14:20  с толкованием

21
Имеяй заповеди Моя и соблюдаяй их, той есть любяй Мя: а любяй Мя возлюблен будет Отцем Моим, и Аз возлюблю его и явлюся ему Сам.

Ин.14:21  с толкованием

22
Глагола Ему Иуда не Искариотский: Господи, и что бысть, яко нам хощеши явитися, а не мирови?

Ин.14:22  с толкованием

23
Отвеща Иисус и рече ему: аще кто любит Мя, слово Мое соблюдет: и Отец Мой возлюбит его, и к нему приидема и обитель у него сотворима:

Ин.14:23  с толкованием

24
не любяй Мя словес Моих не соблюдает: и слово, еже слышасте, несть Мое, но пославшаго Мя Отца.

Ин.14:24  с толкованием

25
Сия глаголах вам в вас сый:

Ин.14:25  с толкованием

26
Утешитель же, Дух Святый, Егоже послет Отец во имя Мое, той вы научит всему и воспомянет вам вся, яже рех вам.

Ин.14:26  с толкованием

27
Мир оставляю вам, мир Мой даю вам: не якоже мир дает, Аз даю вам. Да не смущается сердце ваше, ни устрашает.

Ин.14:27  с толкованием

28
Слышасте, яко Аз рех вам: иду и прииду к вам. Аще бысте любили Мя, возрадовалися бысте (убо), яко рех: иду ко Отцу: яко Отец Мой болий Мене есть.

Ин.14:28  с толкованием

29
И ныне рех вам, прежде даже не будет, да, егда будет, веру имете.

Ин.14:29  с толкованием

30
Ктому не много глаголю с вами: грядет бо сего мира князь и во Мне не имать ничесоже.

Ин.14:30  с толкованием

31
Но да разумеет мир, яко люблю Отца, и якоже заповеда Мне Отец, тако творю: востаните, идем отсюду.

Ин.14:31  с толкованием

Глава 
15

Ин.15  с толкованием

1
Аз есмь лоза истинная, и Отец Мой делатель есть:

Ин.15:1  с толкованием

2
всяку розгу о Мне не творящую плода, измет ю: и всяку творящую плод, отребит ю, да множайший плод принесет.

Ин.15:2  с толкованием

3
Уже вы чисти есте за слово, еже глаголах вам.

Ин.15:3  с толкованием

4
Будите во Мне, и Аз в вас. Якоже розга не может плода сотворити о себе, аще не будет на лозе, тако и вы, аще во Мне не пребудете.

Ин.15:4  с толкованием

5
Аз есмь лоза, вы (же) рождие: (и) иже будет во Мне, и Аз в нем, той сотворит плод мног, яко без Мене не можете творити ничесоже:

Ин.15:5  с толкованием

6
аще кто во Мне не пребудет, извержется вон, якоже розга, и изсышет: и собирают ю и во огнь влагают, и сгарает:

Ин.15:6  с толкованием

7
аще пребудете во Мне и глаголголы Мои в вас пребудут, егоже аще хощете, просите, и будет вам:

Ин.15:7  с толкованием

8
о сем прославися Отец Мой, да плод мног сотворите и будете Мои учениицы.

Ин.15:8  с толкованием

9
Якоже возлюби Мя Отец, и Аз возлюбих вас: будите в любви Моей:

Ин.15:9  с толкованием

10
аще заповеди Моя соблюдете, пребудете в любви Моей, якоже Аз заповеди Отца Моего соблюдох и пребываю в Его любви.

Ин.15:10  с толкованием

11
Сия глаголах вам, да радость Моя в вас будет и радость ваша исполнится.

Ин.15:11  с толкованием

12
Сия есть заповедь Моя, да любите друг друга, якоже возлюбих вы:

Ин.15:12  с толкованием

13
болши сея любве никтоже имать, да кто душу свою положит за други своя.

Ин.15:13  с толкованием

14
Вы друзи Мои есте, аще творите, елика Аз заповедаю вам:

Ин.15:14  с толкованием

15
не ктому вас глаголю рабы, яко раб не весть, что творит господь его: вас же рекох други, яко вся, яже слышах от Отца Моего, сказах вам.

Ин.15:15  с толкованием

16
Не вы Мене избрасте, но Аз избрах вас и положих вас, да вы идете и плод принесете, и плод ваш пребудет, да, егоже аще просите от Отца во имя Мое, даст вам.

Ин.15:16  с толкованием

17
Сия заповедаю вам, да любите друг друга.

Ин.15:17  с толкованием

18
Аще мир вас ненавидит, ведите, яко Мене прежде вас возненавиде:

Ин.15:18  с толкованием

19
аще от мира бысте были, мир убо свое любил бы: якоже от мира несте, но Аз избрах вы от мира, сего ради ненавидит вас мир.

Ин.15:19  с толкованием

20
Поминайте слово, еже Аз рех вам: несть раб болий господа своего: аще Мене изгнаша, и вас изженут: аще слово Мое соблюдоша, и ваше соблюдут:

Ин.15:20  с толкованием

21
но сия вся творят вам за имя Мое, яко не ведят Пославшаго Мя.

Ин.15:21  с толкованием

22
Аще не бых пришел и глаголал им, греха не быша имели: ныне же вины не имут о гресе своем:

Ин.15:22  с толкованием

23
ненавидяй Мене, и Отца Моего ненавидит:

Ин.15:23  с толкованием

24
аще дел не бых сотворил в них, ихже ин никтоже сотвори, греха не быша имели: ныне же и видеша, и возненавидеша Мене и Отца Моего:

Ин.15:24  с толкованием

25
но да сбудется слово, писанное в законе их, яко возненавидеша Мя туне.

Ин.15:25  с толкованием

26
Егда же приидет Утешитель, Егоже Аз послю вам от Отца, Дух истины, Иже от Отца исходит, Той свидетелствует о Мне:

Ин.15:26  с толкованием

27
и вы же свидетелствуете, яко искони со Мною есте.

Ин.15:27  с толкованием