Глава 
16

Ин.16  с толкованием

1
Сия глаголах вам, да не соблазнитеся.

Ин.16:1  с толкованием

2
От сонмищ ижденут вы: но приидет час, да всяк, иже убиет вы, возмнится службу приносити Богу:

Ин.16:2  с толкованием

3
и сия сотворят, яко не познаша Отца, ни Мене.

Ин.16:3  с толкованием

4
Но сия глаголах вам, да, егда приидет час, воспомянете сия, яко Аз рех вам: сих же вам исперва не рех, яко с вами бех.

Ин.16:4  с толкованием

5
Ныне же иду к Пославшему Мя, и никтоже от вас вопрошает Мене: камо идеши?

Ин.16:5  с толкованием

6
Но яко сия глаголах вам, скорби исполних сердца ваша.

Ин.16:6  с толкованием

7
Но Аз истину вам глаголю: уне есть вам, да Аз иду: аще бо не иду Аз, Утешитель не приидет к вам: аще (ли) же иду, послю Его к вам,

Ин.16:7  с толкованием

8
и пришед Он обличит мир о гресе и о правде и о суде:

Ин.16:8  с толкованием

9
о гресе убо, яко не веруют в Мя:

Ин.16:9  с толкованием

10
о правде же, яко ко Отцу Моему иду, и ктому не видите Мене:

Ин.16:10  с толкованием

11
о суде же, яко князь мира сего осужден бысть.

Ин.16:11  с толкованием

12
Еще много имам глаголати вам, но не можете носити ныне:

Ин.16:12  с толкованием

13
егда же приидет Он, Дух истины, наставит вы на всяку истину: не от Себе бо глаголати имать, но елика аще услышит, глаголати имать, и грядущая возвестит вам:

Ин.16:13  с толкованием

14
Он Мя прославит, яко от Моего приимет и возвестит вам.

Ин.16:14  с толкованием

15
Вся, елика имать Отец, Моя суть: сего ради рех, яко от Моего приимет и возвестит вам.

Ин.16:15  с толкованием

16
Вмале, и (ктому) не видите Мене: и паки вмале, и узрите Мя, яко иду ко Отцу.

Ин.16:16  с толкованием

17
Реша же от ученик Его к себе: что есть сие, еже глаголет нам: вмале, и не видите Мене: и паки вмале, и узрите Мя: и: яко Аз иду ко Отцу?

Ин.16:17  с толкованием

18
Глаголаху убо: что сие есть, еже глаголет: вмале? Не вемы, что глаголет.

Ин.16:18  с толкованием

19
Разуме же Иисус, яко хотяху Его вопрошати, и рече им: о сем ли стязаетеся между собою, яко рех: вмале, и не видите Мене: и паки вмале, и узрите Мя?

Ин.16:19  с толкованием

20
Аминь, аминь глаголю вам, яко восплачетеся и возрыдаете вы, а мир возрадуется: вы же печальни будете, но печаль ваша в радость будет:

Ин.16:20  с толкованием

21
жена егда раждает, скорбь имать, яко прииде год ея: егда же родит отроча, ктому не помнит скорби за радость, яко родися человек в мир:

Ин.16:21  с толкованием

22
и вы же печаль имате убо ныне: паки же узрю вы, и возрадуется сердце ваше, и радости вашея никтоже возмет от вас:

Ин.16:22  с толкованием

23
и в той день Мене не воспросите ничесоже. Аминь, аминь глаголю вам, яко елика аще (чесо) просите от Отца во имя Мое, даст вам:

Ин.16:23  с толкованием

24
доселе не просисте ничесоже во имя Мое: просите, и приимете, да радость ваша исполнена будет.

Ин.16:24  с толкованием

25
Сия в притчах глаголах вам: но приидет час, егда ктому в притчах не глаголю вам, но яве о Отце возвещу вам.

Ин.16:25  с толкованием

26
В той день во имя Мое воспросите, и не глаголю вам, яко Аз умолю Отца о вас:

Ин.16:26  с толкованием

27
Сам бо Отец любит вы, яко вы Мене возлюбисте и веровасте, яко Аз от Бога изыдох.

Ин.16:27  с толкованием

28
Изыдох от Отца и приидох в мир: (и) паки оставляю мир и иду ко Отцу.

Ин.16:28  с толкованием

29
Глаголаша Ему ученицы Его: се, ныне не обинуяся глаголеши, а притчи ни коеяже не глаголеши:

Ин.16:29  с толкованием

30
ныне вемы, яко веси вся и не требуеши, да кто Тя вопрошает: о сем веруем, яко от Бога изшел еси.

Ин.16:30  с толкованием

31
Отвеща им Иисус: ныне ли веруете?

Ин.16:31  с толкованием

32
Се, грядет час, и ныне прииде, да разыдетеся кийждо во своя и Мене единаго оставите: и несмь един, яко Отец со Мною есть:

Ин.16:32  с толкованием

33
сия глаголах вам, да во Мне мир имате: в мире скорбни будете: но дерзайте, (яко) Аз победих мир.

Ин.16:33  с толкованием

Глава 
17

Ин.17  с толкованием

1
Сия глагола Иисус и возведе очи Свои на небо и рече: Отче, прииде час: прослави Сына Твоего, да и Сын Твой прославит Тя:

Ин.17:1  с толкованием

2
якоже дал еси Ему власть всякия плоти, да всяко, еже дал еси Ему, даст им живот вечный:

Ин.17:2  с толкованием

3
се же есть живот вечный, да знают Тебе единаго истиннаго Бога, и Егоже послал еси Иисус Христа.

Ин.17:3  с толкованием

4
Аз прославих Тя на земли, дело соверших, еже дал еси Мне да сотворю:

Ин.17:4  с толкованием

5
и ныне прослави Мя Ты, Отче, у Тебе Самого славою, юже имех у Тебе прежде мир не бысть.

Ин.17:5  с толкованием

6
Явих имя Твое человеком, ихже дал еси Мне от мира: Твои беша, и Мне их дал еси, и слово Твое сохраниша:

Ин.17:6  с толкованием

7
ныне разумеша, яко вся, елика дал еси Мне, от Тебе суть:

Ин.17:7  с толкованием

8
яко глаголголы, ихже дал еси Мне, дах им, и тии прияша и разумеша воистинну, яко от Тебе изыдох, и вероваша, яко Ты Мя послал еси.

Ин.17:8  с толкованием

9
Аз о сих молю: не о (всем) мире молю, но о тех, ихже дал еси Мне, яко Твои суть:

Ин.17:9  с толкованием

10
и Моя вся Твоя суть, и Твоя Моя: и прославихся в них:

Ин.17:10  с толкованием

11
и ктому несмь в мире, и сии в мире суть, и Аз к Тебе гряду. Отче Святый, соблюди их во имя Твое, ихже дал еси Мне, да будут едино, якоже (и) Мы.

Ин.17:11  с толкованием

12
Егда бех с ними в мире, Аз соблюдах их во имя Твое: ихже дал еси Мне, сохраних, и никтоже от них погибе, токмо сын погибельный, да сбудется Писание:

Ин.17:12  с толкованием

13
ныне же к Тебе гряду, и сия глаголю в мире, да имут радость Мою исполнену в себе.

Ин.17:13  с толкованием

14
Аз дах им слово Твое, и мир возненавиде их, яко не суть от мира, якоже (и) Аз от мира несмь:

Ин.17:14  с толкованием

15
не молю, да возмеши их от мира, но да соблюдеши их от неприязни:

Ин.17:15  с толкованием

16
от мира не суть, якоже (и) Аз от мира несмь:

Ин.17:16  с толкованием

17
святи их во истину Твою: слово Твое истина есть.

Ин.17:17  с толкованием

18
Якоже Мене послал еси в мир, и Аз послах их в мир,

Ин.17:18  с толкованием

19
и за них Аз свящу Себе, да и тии будут священи во истину.

Ин.17:19  с толкованием

20
Не о сих же молю токмо, но и о верующих словесе их ради в Мя,

Ин.17:20  с толкованием

21
да вси едино будут: якоже Ты, Отче, во Мне, и Аз в Тебе, да и тии в Нас едино будут: да (и) мир веру имет, яко Ты Мя послал еси:

Ин.17:21  с толкованием

22
и Аз славу, юже дал еси Мне, дах им: да будут едино, якоже Мы едино есма:

Ин.17:22  с толкованием

23
Аз в них, и Ты во Мне: да будут совершени во едино, и да разумеет мир, яко Ты Мя послал еси и возлюбил еси их, якоже Мене возлюбил еси.

Ин.17:23  с толкованием

24
Отче, ихже дал еси Мне, хощу, да идеже есмь Аз, и тии будут со Мною, да видят славу Мою, юже дал еси Мне, яко возлюбил Мя еси прежде сложения мира.

Ин.17:24  с толкованием

25
Отче праведный, и мир Тебе не позна, Аз же Тя познах, и сии познаша, яко Ты Мя послал еси:

Ин.17:25  с толкованием

26
и сказах им имя Твое, и скажу, да любы, еюже Мя еси возлюбил, в них будет, и Аз в них.

Ин.17:26  с толкованием

Глава 
18

Ин.18  с толкованием

1
(И) сия рек Иисус, изыде со ученики Своими на он пол потока Кедрска, идеже бе вертоград, в оньже вниде Сам и ученицы Его:

Ин.18:1  с толкованием

2
ведяше же Иуда предаяй Его место, яко множицею собирашеся Иисус ту со ученики Своими.

Ин.18:2  с толкованием

3
Иуда убо приемь спиру и от архиерей и фарисей слуги, прииде тамо со светилы и свещами и оружии.

Ин.18:3  с толкованием

4
Иисус же ведый вся грядущая Нань, изшед рече им: кого ищете?

Ин.18:4  с толкованием

5
Отвещаша Ему: Иисуса Назореа. Глагола им Иисус: Аз есмь. Стояше же и Иуда, иже предаяше Его, с ними.

Ин.18:5  с толкованием

6
Егда же рече им: Аз есмь, идоша вспять и падоша на земли.

Ин.18:6  с толкованием

7
Паки убо вопроси их (Иисус): кого ищете? Они же реша: Иисуса Назореа.

Ин.18:7  с толкованием

8
Отвеща Иисус: рех вам, яко Аз есмь: аще убо Мене ищете, оставите сих ити:

Ин.18:8  с толкованием

9
да сбудется слово, еже рече, яко ихже дал еси Мне, не погубих от них ни когоже.

Ин.18:9  с толкованием

10
Симон же Петр, имый нож, извлече его и удари архиереова раба и уреза ему ухо десное: бе же имя рабу Малх.

Ин.18:10  с толкованием

11
Рече убо Иисус Петрови: вонзи нож в ножницу: чашу, юже даде Мне Отец, не имам ли пити ея?

Ин.18:11  с толкованием

12
Спира же и тысящник и слуги Иудейстии яша Иисуса и связаша Его,

Ин.18:12  с толкованием

13
и ведоша Его ко Анне первее: бе бо тесть Каиафе, иже бе архиерей лету тому:

Ин.18:13  с толкованием

14
бе же Каиафа давый совет Иудеом, яко уне есть единому человеку умрети за люди.

Ин.18:14  с толкованием

15
По Иисусе же идяше Симон Петр и другий ученик: ученик же той бе знаемь архиереови и вниде со Иисусом во двор архиереов:

Ин.18:15  с толкованием

16
Петр же стояше при дверех вне. Изыде убо ученик той, иже бе знаемь архиереови, и рече двернице и введе Петра.

Ин.18:16  с толкованием

17
Глагола же раба дверница Петрови: еда и ты ученик еси Человека Сего? Глагола он: несмь.

Ин.18:17  с толкованием

18
Стояху же раби и слуги огнь сотворше, яко зима бе, и греяхуся: бе же с ними Петр стоя и греяся.

Ин.18:18  с толкованием

19
Архиерей же вопроси Иисуса о ученицех Его и о учении Его.

Ин.18:19  с толкованием

20
Отвеща ему Иисус: Аз не обинуяся глаголах миру: Аз всегда учах на сонмищих и в церкви, идеже всегда Иудее снемлются, и тай не глаголах ничесоже:

Ин.18:20  с толкованием

21
что Мя вопрошаеши? Вопроси слышавших, что глаголах им: се, сии ведят, яже рех Аз.

Ин.18:21  с толкованием

22
Сия же рекшу Ему, един от предстоящих слуг удари в ланиту Иисуса, рек: тако ли отвещаваеши архиереови?

Ин.18:22  с толкованием

23
Отвеща ему Иисус: аще зле глаголах, свидетелствуй о зле: аще ли добре, что Мя биеши?

Ин.18:23  с толкованием

24
Посла же Его Анна связана к Каиафе архиереови.

Ин.18:24  с толкованием

25
Бе же Симон Петр стоя и греяся. Реша же ему: еда и ты от ученик Его еси? Он (же) отвержеся и рече: несмь.

Ин.18:25  с толкованием

26
Глагола един от раб архиереовых, южика сый, емуже Петр уреза ухо: не аз ли тя видех в вертограде с Ним?

Ин.18:26  с толкованием

27
Паки убо Петр отвержеся, и абие петель возгласи.

Ин.18:27  с толкованием

28
Ведоша же Иисуса от Каиафы в претор. Бе же утро: и тии не внидоша в претор, да не осквернятся, но да ядят пасху.

Ин.18:28  с толкованием

29
Изыде же Пилат к ним вон и рече: кую речь приносите на Человека Сего?

Ин.18:29  с толкованием

30
Отвещаша и реша ему: аще не бы (был) Сей злодей, не быхом предали Его тебе.

Ин.18:30  с толкованием

31
Рече же им Пилат: поимите Его вы и по закону вашему судите Ему. Реша же ему Иудее: нам не достоит убити ни когоже:

Ин.18:31  с толкованием

32
да слово Иисусово сбудется, еже рече, назнаменуя, коею смертию хотяше умрети.

Ин.18:32  с толкованием

33
Вниде убо паки Пилат в претор и пригласи Иисуса и рече Ему: Ты ли еси Царь Иудейск?

Ин.18:33  с толкованием

34
Отвеща ему Иисус: о себе ли ты сие глаголеши, или инии тебе рекоша о Мне?

Ин.18:34  с толкованием

35
Отвеща Пилат: еда аз Жидовин есмь? Род Твой и архиерее предаша Тя мне: что еси сотворил?

Ин.18:35  с толкованием

36
Отвеща Иисус: Царство Мое несть от мира сего: аще от мира сего было бы Царство Мое, слуги Мои (убо) подвизалися быша, да не предан бых был Иудеом: ныне же Царство Мое несть отсюду.

Ин.18:36  с толкованием

37
Рече же Ему Пилат: убо Царь ли еси Ты? Отвеща Иисус: ты глаголеши, яко Царь есмь Аз: Аз на сие родихся и на сие приидох в мир, да свидетелствую истину: (и) всяк, иже есть от истины, послушает гласа Моего.

Ин.18:37  с толкованием

38
Глагола Ему Пилат: что есть истина? И сие рек, паки изыде ко Иудеом и глагола им: аз ни единыя вины обретаю в Нем:

Ин.18:38  с толкованием

39
есть же обычай вам, да единаго вам отпущу на Пасху: хощете ли убо, (да) отпущу вам Царя Иудейска?

Ин.18:39  с толкованием

40
Возопиша же паки вси, глаголюще: не Сего, но Варавву. Бе же Варавва разбойник.

Ин.18:40  с толкованием

Глава 
19

Ин.19  с толкованием

1
Тогда убо Пилат поят Иисуса и би (Его):

Ин.19:1  с толкованием

2
и воини сплетше венец от терния, возложиша Ему на главу, и в ризу багряну облекоша Его,

Ин.19:2  с толкованием

3
и глаголаху: радуйся, Царю Иудейский. И бияху Его по ланитома.

Ин.19:3  с толкованием

4
Изыде убо паки вон Пилат и глагола им: се, извожду Его вам вон, да разумеете, яко в Нем ни единыя вины обретаю.

Ин.19:4  с толкованием

5
Изыде же вон Иисус, нося терновен венец и багряну ризу. И глагола им: се, Человек.

Ин.19:5  с толкованием

6
Егда же видеша Его архиерее и слуги, возопиша глаголюще: распни, распни Его. Глагола им Пилат: поимите Его вы и распните, аз бо не обретаю в Нем вины.

Ин.19:6  с толкованием

7
Отвещаша ему Иудее: мы закон имамы, и по закону нашему должен есть умрети, яко Себе Сына Божия сотвори.

Ин.19:7  с толкованием

8
Егда убо слыша Пилат сие слово, паче убояся,

Ин.19:8  с толкованием

9
и вниде в претор паки и глагола Иисусови: откуду еси Ты? Иисус же ответа не даде ему.

Ин.19:9  с толкованием

10
Глагола же Ему Пилат: мне ли не глаголеши? Не веси ли, яко власть имам распяти Тя и власть имам пустити Тя?

Ин.19:10  с толкованием

11
Отвеща Иисус: не имаши власти ни единыя на Мне, аще не бы ти дано свыше: сего ради предавый Мя тебе болий грех имать.

Ин.19:11  с толкованием

12
От сего искаше Пилат пустити Его. Иудее же вопияху, глаголюще: аще Сего пустиши, неси друг кесарев: всяк, яже царя себе творит, противится кесарю.

Ин.19:12  с толкованием

13
Пилат убо слышав сие слово, изведе вон Иисуса и седе на судищи, на месте глаголемем Лифостротон, еврейски же Гаввафа.

Ин.19:13  с толкованием

14
Бе же пяток Пасце, час же яко шестый. И глагола Иудеом: се, Царь ваш.

Ин.19:14  с толкованием

15
Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя токмо кесаря.

Ин.19:15  с толкованием

16
Тогда убо предаде Его им, да распнется. Поемше же Иисуса и ведоша:

Ин.19:16  с толкованием

17
и нося крест Свой, изыде на глаголемое Лобное место, еже глаголется еврейски Голгофа,

Ин.19:17  с толкованием

18
идеже пропяша Его и с Ним ина два сюду и сюду, посреде же Иисуса.

Ин.19:18  с толкованием

19
Написа же и титла Пилат и положи на кресте. Бе же написано: Иисус Назорянин, Царь Иудейский.

Ин.19:19  с толкованием

20
Сего же титла мнози чтоша от Иудей, яко близ бе место града, идеже пропяша Иисуса: и бе написано еврейски, гречески, римски.

Ин.19:20  с толкованием

21
Глаголаху убо Пилату архиерее Иудейстии: не пиши: Царь Иудейский: но яко Сам рече: Царь есмь Иудейский.

Ин.19:21  с толкованием

22
Отвеща Пилат: еже писах, писах.

Ин.19:22  с толкованием

23
Воини же, егда пропяша Иисуса, прияша ризы Его и сотвориша четыри части, коемуждо воину часть, и хитон: бе же хитон нешвен, свыше исткан весь.

Ин.19:23  с толкованием

24
Реша же к себе: не предерем его, но метнем жребия о нем, кому будет: да сбудется Писание, глаголющее: разделиша ризы Моя себе и о иматисме Моей меташа жребия. Воини убо сия сотвориша.

Ин.19:24  с толкованием

25
Стояху же при кресте Иисусове Мати Его и сестра Матере Его Мариа Клеопова и Мариа Магдалина.

Ин.19:25  с толкованием

26
Иисус же видев Матерь и ученика стояща, егоже любляше, глагола Матери Своей: Жено, се, сын Твой.

Ин.19:26  с толкованием

27
Потом глагола ученику: се, Мати твоя. И от того часа поят Ю ученик во своя си.

Ин.19:27  с толкованием

28
Посем ведый Иисус, яко вся уже совершишася, да сбудется Писание, глагола: жажду.

Ин.19:28  с толкованием

29
Сосуд же стояше полн оцта. Они же исполнивше губу оцта и на трость вонзше, придеша ко устом Его.

Ин.19:29  с толкованием

30
Егда же прият оцет Иисус, рече: совершишася. И преклонь главу, предаде дух.

Ин.19:30  с толкованием

31
Иудее же, понеже пяток бе, да не останут на кресте телеса в субботу, бе бо велик день тоя субботы, молиша Пилата, да пребиют голени их и возмут.

Ин.19:31  с толкованием

32
Приидоша же воини, и первому убо пребиша голени, и другому распятому с Ним:

Ин.19:32  с толкованием

33
на Иисуса же пришедше, яко видеша Его уже умерша, не пребиша Ему голений,

Ин.19:33  с толкованием

34
но един от воин копием ребра Ему прободе, и абие изыде кровь и вода.

Ин.19:34  с толкованием

35
И видевый свидетелствова, и истинно есть свидетелство его, и той весть, яко истину глаголет, да вы веру имете:

Ин.19:35  с толкованием

36
быша бо сия, да сбудется Писание: кость не сокрушится от Него.

Ин.19:36  с толкованием

37
И паки другое Писание глаголет: воззрят Нань, Егоже прободоша.

Ин.19:37  с толкованием

38
По сих же моли Пилата Иосиф, иже от Аримафеа, сый ученик Иисусов, потаен же страха ради Иудейска, да возмет тело Иисусово: и повеле Пилат. Прииде же и взят тело Иисусово.

Ин.19:38  с толкованием

39
Прииде же и Никодим, пришедый ко Иисусови нощию прежде, нося смешение смирнено и алойно, яко литр сто.

Ин.19:39  с толкованием

40
Прияста же тело Иисусово и обвиста е ризами со ароматы, якоже обычай есть Иудеом погребати.

Ин.19:40  с толкованием

41
Бе же на месте, идеже распятся, верт, и в верте гроб нов, в немже николиже никтоже положен бе:

Ин.19:41  с толкованием

42
ту убо пятка ради Иудейска, яко близ бяше гроб, положиста Иисуса.

Ин.19:42  с толкованием

Глава 
20

Ин.20  с толкованием

1
Во едину же от суббот Мариа Магдалина прииде заутра, еще сущей тме, на гроб, и виде камень взят от гроба:

Ин.20:1  с толкованием

2
тече убо и прииде к Симону Петру и к другому ученику, егоже любляше Иисус, и глагола има: взяша Господа от гроба, и не вем, где положиша Его.

Ин.20:2  с толкованием

3
Изыде же Петр и другий ученик и идяста ко гробу:

Ин.20:3  с толкованием

4
течаста же оба вкупе: и другий ученик тече скорее Петра и прииде прежде ко гробу,

Ин.20:4  с толкованием

5
и приник виде ризы лежащя: обаче не вниде.

Ин.20:5  с толкованием

6
Прииде же Симон Петр вслед его, и вниде во гроб, и виде ризы (едины) лежащя

Ин.20:6  с толкованием

7
и сударь, иже бе на главе Его, не с ризами лежащь, но особь свит на единем месте.

Ин.20:7  с толкованием

8
Тогда убо вниде и другий ученик, пришедый прежде ко гробу, и виде и верова:

Ин.20:8  с толкованием

9
не у бо ведяху Писания, яко подобает Ему из мертвых воскреснути.

Ин.20:9  с толкованием

10
Идоста же паки к себе ученика.

Ин.20:10  с толкованием

11
Мариа же стояше у гроба вне плачущи: якоже плакашеся, приниче во гроб,

Ин.20:11  с толкованием

12
и виде два Ангела в белых (ризах) седяща, единаго у главы и единаго у ногу, идеже бе лежало тело Иисусово.

Ин.20:12  с толкованием

13
И глаголаста ей она: жено, что плачешися? Глагола има: яко взяша Господа моего, и не вем, где положиша Его.

Ин.20:13  с толкованием

14
И сия рекши обратися вспять и виде Иисуса стояща, и не ведяше, яко Иисус есть.

Ин.20:14  с толкованием

15
Глагола ей Иисус: жено, что плачеши? Кого ищеши? Она (же) мнящи, яко вертоградарь есть, глагола Ему: господи, аще ты еси взял Его, повеждь ми, где еси положил Его, и аз возму Его.

Ин.20:15  с толкованием

16
Глагола ей Иисус: Марие. Она (же) обращшися глагола Ему: Раввуни, еже глаголется, Учителю.

Ин.20:16  с толкованием

17
Глагола ей Иисус: не прикасайся Мне, не у бо взыдох ко Отцу Моему: иди же ко братии Моей и рцы им: восхожду ко Отцу Моему и Отцу вашему, и Богу Моему и Богу вашему.

Ин.20:17  с толкованием

18
Прииде (же) Мариа Магдалина поведающи учеником, яко виде Господа, и сия рече ей.

Ин.20:18  с толкованием

19
Сущу же позде в день той во едину от суббот, и дверем затворенным, идеже бяху ученицы (Его) собрани, страха ради Иудейска, прииде Иисус и ста посреде и глагола им: мир вам.

Ин.20:19  с толкованием

20
И сие рек, показа им руце (и нозе) и ребра Своя. Возрадовашася убо ученицы, видевше Господа.

Ин.20:20  с толкованием

21
Рече же им Иисус паки: мир вам: якоже посла Мя Отец, и Аз посылаю вы.

Ин.20:21  с толкованием

22
И сие рек, дуну и глагола им: приимите Дух Свят:

Ин.20:22  с толкованием

23
имже отпустите грехи, отпустятся им: и имже держите, держатся.

Ин.20:23  с толкованием

24
Фома же, един от обоюнадесяте, глаголемыи Близнец, не бе (ту) с ними, егда прииде Иисус.

Ин.20:24  с толкованием

25
Глаголаху же ему друзии ученицы: видехом Господа. Он же рече им: аще не вижу на руку Его язвы гвоздинныя, и вложу перста моего в язвы гвоздинныя, и вложу руку мою в ребра Его, не иму веры.

Ин.20:25  с толкованием

26
И по днех осмих паки бяху внутрь ученицы Его, и Фома с ними. Прииде Иисус дверем затворенным, и ста посреде (их) и рече: мир вам.

Ин.20:26  с толкованием

27
Потом глагола Фоме: принеси перст твой семо и виждь руце Мои: и принеси руку твою и вложи в ребра Моя: и не буди неверен, но верен.

Ин.20:27  с толкованием

28
И отвеща Фома и рече Ему: Господь мой и Бог мой.

Ин.20:28  с толкованием

29
Глагола ему Иисус: яко видев Мя, веровал еси: блажени не видевшии и веровавше.

Ин.20:29  с толкованием

30
Многа же и ина знамения сотвори Иисус пред ученики Своими, яже не суть писана в книгах сих:

Ин.20:30  с толкованием

31
сия же писана быша, да веруете, яко Иисус есть Христос Сын Божий, и да верующе живот имате во имя Его.

Ин.20:31  с толкованием