Глава 
1

Иоил.1  с толкованием

1
Слово Господне, иже бысть ко Иоилю сыну Вафуилеву.

Иоил.1:1  с толкованием

2
Слышите сия, старцы, и внушите, вси живущии на земли: аще быша сицевая во днех ваших или во днех отец ваших?

Иоил.1:2  с толкованием

3
О сих чадом своим поведите, а чада ваша чадом своим, а чада их роду другому:

Иоил.1:3  с толкованием

4
останок гусениц поядоша прузи, и останок пругов поядоша мшицы, и останок мшиц поядоша сиплеве.

Иоил.1:4  с толкованием

5
Утрезвитеся, пиянии, от вина своего и плачитеся: рыдайте, вси пиющии вино до пиянства, яко отяся от уст ваших веселие и радость.

Иоил.1:5  с толкованием

6
Понеже язык взыде на землю Мою крепок и безчислен: зубы его (якоже) зубы львовы, и членовныя его якоже львичища:

Иоил.1:6  с толкованием

7
положи виноград Мой в погубление и смоквы Моя в сломление: взыскуя обыска и и сверже, обели лозие его.

Иоил.1:7  с толкованием

8
Восплачися ко мне паче невесты препоясаныя во вретище по мужи своем девственнем.

Иоил.1:8  с толкованием

9
Извержеся жертва и возлияние из дому Господня: плачитеся, жерцы, служащии жертвеннику Господню,

Иоил.1:9  с толкованием

10
яко опустеша поля. Плачися, земле, яко пострада пшеница, и изсше вино, умалися елей,

Иоил.1:10  с толкованием

11
посрамишася земледелателе. Плачитеся, села, по пшенице и по ячмени, яко погибе обымание от нивы,

Иоил.1:11  с толкованием

12
виноград изсше, и смоквы умалишася: шипки, и финикс, и яблонь, и вся древа польская изсхоша, яко посрамиша радость сынове человечи.

Иоил.1:12  с толкованием

13
Препояшитеся и бийтеся, жерцы, плачитеся, служащии жертвеннику: внидите, поспите во вретищих, служащии Богу, яко отяся от дому Бога вашего жертва и возлияние:

Иоил.1:13  с толкованием

14
освятите пост, проповедите цельбу, соберите старейшины вся живущия на земли в дом Бога вашего и воззовите ко Господу усердно:

Иоил.1:14  с толкованием

15
увы мне, увы мне, увы мне в день! Яко близ есть день Господень, и яко беда от беды приидет:

Иоил.1:15  с толкованием

16
яко пред очима вашима пищи взяшася и от дому Бога вашего веселие и радость.

Иоил.1:16  с толкованием

17
Вскочиша юницы у яслей своих, погибоша сокровища, раскопашася точила, яко посше пшеница.

Иоил.1:17  с толкованием

18
Что положим себе? Восплакашася стада волов, яко не бе пажити им, и паствы овчия погибоша.

Иоил.1:18  с толкованием

19
К Тебе, Господи, возопию, яко огнь потреби красная пустыни, и пламень пожже вся древа польская,

Иоил.1:19  с толкованием

20
и скоти польстии воззреша к Тебе, яко посхоша источницы воднии, и огнь пояде красная пустыни.

Иоил.1:20  с толкованием

Глава 
2

Иоил.2  с толкованием

1
Вострубите трубою в Сионе, проповедите в горе Моей святей, и да смятутся вси живущии на земли, яко предстоит день Господень, яко близ,

Иоил.2:1  с толкованием

2
день тмы и бури, день облака и мглы: якоже утро разлиются по горам людие мнози и крепцы, подобни им не быша от века, и по них не приложится до лет в род и род:

Иоил.2:2  с толкованием

3
яже пред ним огнь потребляяй, и яже за ним возгараяся пламень: якоже рай Сладости земля пред лицем его, и яже созади его поле пагубы, и спасающагося не будет им:

Иоил.2:3  с толкованием

4
якоже вид конский вид их, и якоже конницы, тако проженут:

Иоил.2:4  с толкованием

5
якоже глас колесниц на верхи гор востекут, и яко глас пламене огненна попаляюща тростие, и яко людие мнози и крепцы воополчающиися на брань.

Иоил.2:5  с толкованием

6
От лица их сокрушатся людие: всякое лице аки опаление горнца.

Иоил.2:6  с толкованием

7
Якоже борцы потекут, и якоже мужие храбри взыдут на ограды: и кийждо в путь свой пойдет, и не совратят путий своих,

Иоил.2:7  с толкованием

8
и кийждо от брата своего не отступит: отягощени оружии своими пойдут и в стрелах своих падут, но не скончаются.

Иоил.2:8  с толкованием

9
Града имутся, и на забрала востекут, и на храмины взлезут, и оконцами внидут, якоже татие.

Иоил.2:9  с толкованием

10
Пред лицем его смятется земля и потрясется небо: солнце и луна померкнут, и звезды угасят свет свой.

Иоил.2:10  с толкованием

11
И Господь даст глас Свой пред лицем силы Своея, яко мног есть зело полк Его, яко крепка дела словес Его: зане велик день Господень, велик и светел зело, и кто будет доволен ему?

Иоил.2:11  с толкованием

12
И ныне глаголет Господь Бог ваш: обратитеся ко Мне всем сердцем вашим в посте и в плачи и в рыдании,

Иоил.2:12  с толкованием

13
и расторгните сердца ваша, а не ризы ваша, и обратитеся ко Господу Богу вашему, яко милостив и щедр есть, долготерпелив и многомилостив и раскаявайся о злобах.

Иоил.2:13  с толкованием

14
Кто весть, обратится ли, и раскается, и оставит за собою благословение и жертву и возлияние Господу Богу вашему?

Иоил.2:14  с толкованием

15
Вострубите трубою в Сионе, освятите пост, проповедите цельбу,

Иоил.2:15  с толкованием

16
соберите люди, освятите церковь, изберите старейшины, совокупите младенцы ссущия сосцы: да изыдет жених от ложа своего, и невеста от чертога своего.

Иоил.2:16  с толкованием

17
Между степеньми жертвенника восплачутся жерцы служащии Господу и рекут: пощади, Господи, люди Твоя и не даждь достояния Твоего на укоризну, да не обладают ими языцы, да не рекут во языцех: где есть Бог их?

Иоил.2:17  с толкованием

18
И возревнова Господь о земли Своей и пощаде люди Своя.

Иоил.2:18  с толкованием

19
И отвеща Господь людем Своим и рече: се, Аз вам послю пшеницу и вино и масло древяное, и насытитеся их, и не дам вас ксему на поругание во языцех:

Иоил.2:19  с толкованием

20
и сущаго от севера отжену от вас и отрину его на землю безводную, и погублю лице его в мори первем и задняя его в мори последнем, и взыдет гнилость его, и взыдет смрад его, яко возвеличи дела своя.

Иоил.2:20  с толкованием

21
Дерзай, земле, радуйся и веселися, яко возвеличи Господь, еже сотворити.

Иоил.2:21  с толкованием

22
Дерзайте, скоти польстии, яко прозябнуша поля пустыни, яко древо принесе плод свой, виноград и смокви даша силу свою.

Иоил.2:22  с толкованием

23
И чада Сионя, радуйтеся и веселитеся о Господе Бозе вашем, яко даде вам пищу в правду и одождит вам дождь ранний и поздный, якоже и прежде:

Иоил.2:23  с толкованием

24
и наполнятся гумна ваша пшеницы, и преизлиются точила вином и елеем.

Иоил.2:24  с толкованием

25
И воздам вам вместо лет, в няже поядоша прузи и мшица, и сиплеве и гусеницы, сила Моя великая, юже послах на вы:

Иоил.2:25  с толкованием

26
и снесте ядуще и насытитеся, и похвалите имя Господа Бога вашего, Яже сотвори с вами чудеса: и не посрамятся людие Мои во век.

Иоил.2:26  с толкованием

27
И уведите, яко посреде Израиля Аз есмь, и Аз Господь Бог ваш, и несть иного разве Мене: и не посрамятся ктому людие Мои во век.

Иоил.2:27  с толкованием

28
И будет по сих, и излию от Духа Моего на всяку плоть, и прорекут сынове ваши и дщери ваша, и старцы ваши сония узрят, и юноты ваши видения увидят:

Иоил.2:28  с толкованием

29
ибо на рабы Моя и на рабыни Моя во дни оны излию от Духа Моего:

Иоил.2:29  с толкованием

30
и дам чудеса на небеси и на земли, кровь и огнь и курение дыма:

Иоил.2:30  с толкованием

31
солнце обратится во тму, и луна в кровь, прежде неже приити дню Господню великому и просвещенному:

Иоил.2:31  с толкованием

32
и будет, всяк иже призовет имя Господне, спасется: яко в горе Сионе и во Иерусалиме будет спасаемый, якоже рече Господь, и благовествуемии, ихже Господь призва.

Иоил.2:32  с толкованием

Глава 
3

Иоил.3  с толкованием

1
Яко се, Аз во дни тыя и во время оно, егда возвращу пленники Иудины и Иерусалимли,

Иоил.3:1  с толкованием

2
и соберу вся языки, и сведу я на юдоль Иосафатову, и разсуждуся с ними ту о людех Моих и о наследии Моем Израили, иже разсеяшася во языцех, и землю Мою разделиша.

Иоил.3:2  с толкованием

3
И на люди Моя вергоша жребия, и даша отрочища блудницам, и отроковицы продаяху на вине и пияху.

Иоил.3:3  с толкованием

4
И что вы Мне, Тире и Сидоне и вся Галилеа иноплеменников? Еда воздаяние вы воздаете Мне? Или памятозлобствуете вы на Мя? Остро и быстро воздам воздаяние ваше на главы ваша,

Иоил.3:4  с толкованием

5
понеже сребро Мое и злато Мое взясте, и избранная Моя и добрая внесосте в требища ваша,

Иоил.3:5  с толкованием

6
и сыны Иудины и сыны Иерусалимли продасте сыном Еллинским, яко да ижденете я от предел их.

Иоил.3:6  с толкованием

7
И се, Аз возставлю я от места, в неже продасте я тамо, и воздам воздаяние ваше на главы ваша:

Иоил.3:7  с толкованием

8
и отдам сыны ваша и дщери ваша в руце сынов Иудиных, и продадят я в плен во страну далече сущу, яко Господь глагола.

Иоил.3:8  с толкованием

9
Проповедите сия во языцех, освятите рать, возставите сечцы, приведите и восходите, вси мужие воинстии,

Иоил.3:9  с толкованием

10
разсецыте рала ваша на мечи и серпы ваша на копия: немощный да глаголет, яко могу аз:

Иоил.3:10  с толкованием

11
совокупляйтеся и входите, вси языцы окрест, и соберитеся ту: кроткий да будет храбр.

Иоил.3:11  с толкованием

12
Да востанут и взыдут вси языцы на юдоль Иосафатову, яко тамо сяду разсудити вся языки яже окрест.

Иоил.3:12  с толкованием

13
Испустите серпы, яко предстоит обымание винограда: внидите, топчите, яко исполнь точило, изливаются подточилия, яко умножишася злобы их.

Иоил.3:13  с толкованием

14
Гласи прогласишася на поли судебнем, яко близ день Господень на юдоли судебней.

Иоил.3:14  с толкованием

15
Солнце и луна померкнут, и звезды скрыют свет свой.

Иоил.3:15  с толкованием

16
Господь же от Сиона воззовет и от Иерусалима даст глас Свой, и потрясется небо и земля: Господь же пощадит люди Своя и укрепит (Господь) сыны Израилевы.

Иоил.3:16  с толкованием

17
И увесте, яко Аз Господь Бог ваш, вселяяся в Сионе в горе Моей святей: и будет Иерусалим свят, и иноплеменницы не пройдут сквозе его ктому.

Иоил.3:17  с толкованием

18
И будет в той день, искаплют горы сладость, и холми источат млеко, и вси источницы Иудины источат воды, и источник от дому Господня изыдет и напоит водотечь Сития.

Иоил.3:18  с толкованием

19
Египет в погибель будет, и Идумеа в поле погибели будет за озлобление сынов Иудиных, понеже пролияша кровь праведную на земли своей:

Иоил.3:19  с толкованием

20
Иудеа же во веки населится, и Иерусалим в роды родов.

Иоил.3:20  с толкованием

21
И взыщу крови их и не обезвиню: и Господь вселится в Сионе.

Иоил.3:21  с толкованием