Глава 
27

Лев.27  с толкованием

1
И рече Господь к Моисею, глаголя:

Лев.27:1  с толкованием

2
глаголи сыном Израилевым и речеши к ним, глаголя: человек, иже аще обещает обет, яко цену души своея Господу,

Лев.27:2  с толкованием

3
да будет цена мужеска полу от двадесяти лет до шестидесяти лет, да будет цена его пятьдесят дидрахм сребра весом святым,

Лев.27:3  с толкованием

4
женска же полу да будет цена тридесять дидрахм:

Лев.27:4  с толкованием

5
аще же от пяти лет до двадесяти лет, да будет цена мужеску полу двадесять дидрахм, женску же полу десять дидрахм:

Лев.27:5  с толкованием

6
от месяца же единаго до пяти лет, да будет цена мужеска полу пять дидрахм сребра, женска же полу три дидрахмы сребра:

Лев.27:6  с толкованием

7
аще же от шестидесяти лет и вышше, аще убо мужеск пол будет, да будет цена его пятьнадесять дидрахм сребра, аще же женск пол, десять дидрахм.

Лев.27:7  с толкованием

8
Аще же убог будет ценою своею, да станет пред жерцем, и да оценит его жрец: якоже может рука обещавшагося, тако оценит его жрец.

Лев.27:8  с толкованием

9
Аще же от скотов приносимых от них дар Господу, иже аще даст от сих Господу, будет свято.

Лев.27:9  с толкованием

10
Да не пременит добра злым, ниже зла добрым: аще же изменяя изменит оный скот скотом, да будет и той и пременение свята.

Лев.27:10  с толкованием

11
Аще же всяк скот нечист, от нихже не приносится дар Господу, да поставит скота пред жерцем,

Лев.27:11  с толкованием

12
и оценит его жрец между добрым и между злым: и якоже оценит его жрец, тако да будет.

Лев.27:12  с толкованием

13
Аще же искупуя искупит его, да приложит пятую часть к цене его.

Лев.27:13  с толкованием

14
И человек, иже аще освятит дом свой свят Господу, и оценит его жрец между добрым и между злым: якоже оценит его жрец, тако да станет.

Лев.27:14  с толкованием

15
Аще же освятивый его искупит дом свой, да приложит к сему пятую часть сребра цены его, и будет ему.

Лев.27:15  с толкованием

16
Аще же от нив одержания своего освятит человек Господу, и да будет цена его по сеянию его, за спуд ячменя пятьдесят дидрахм сребра.

Лев.27:16  с толкованием

17
Аще же от лета оставления освятит ниву свою, по цене ея да станет.

Лев.27:17  с толкованием

18
Аще же напоследок по оставлении освятит ниву свою, да причтет ему сребро жрец к летом оставшымся даже до лета оставления, и отимется от цены его

Лев.27:18  с толкованием

19
аще же искупит ниву освятивый ю, да приложит пятую часть сребра к цене ея, и да будет ему.

Лев.27:19  с толкованием

20
Аще же не искупит нивы, и отдаст ниву человеку иному, не ктому да искупит ю:

Лев.27:20  с толкованием

21
но да будет нива минувшу лету оставления, свята хвална Господу, якоже земля отлученая: жерцу да будет во одержание его.

Лев.27:21  с толкованием

22
Аще же от нивы, юже стяжа, яже несть от села одержания его, освятит Господу,

Лев.27:22  с толкованием

23
да сочтет ему жрец останок цены от лета оставления, и да отдаст цену в той день святу Господу:

Лев.27:23  с толкованием

24
и в лето оставления да отдастся нива человеку, от негоже притяжа ю, егоже бе одержание земли.

Лев.27:24  с толкованием

25
И всяка цена да будет весами святыми, двадесять пенязей будет дидрахма.

Лев.27:25  с толкованием

26
И всяк первенец, иже аще родится в скоте твоем, да будет Господу, и да не освятит его никтоже: аще телец, аше овча, Господу есть.

Лев.27:26  с толкованием

27
Аще же от четвероножных нечистых, да пременит по цене его, и да приложит пятую часть его к сему, и да будет ему: аще же не искупится, да продастся по цене его.

Лев.27:27  с толкованием

28
Всяк же обет, егоже аше обещает человек Господу от всех, елика ему суть, от человека даже до скота, и от нив одержания его, не продастся, ниже искупится всякий обет свят святых будет Господу.

Лев.27:28  с толкованием

29
И всяк обет, иже аще обещан будет от человек, не искупится, но смертию да умертвится.

Лев.27:29  с толкованием

30
Всяка десятина земли, от семене земнаго и от плода древянаго Господу есть, свято Господу.

Лев.27:30  с толкованием

31
Аще же искупуя искупит человек десятину свою, пятую часть его да приложит к нему, и да будет ему.

Лев.27:31  с толкованием

32
И всяка десятина волов и овец, и всяко, еже аще приидет в число под жезл десятое, будет свято Господу.

Лев.27:32  с толкованием

33
Не премениши добраго злым, ниже добрым злаго: аще же пременяя премениши е, то и пременение его будет свято, да не искупится,

Лев.27:33  с толкованием

34
сия суть заповеди, яже заповеда Господь Моисею к сыном Израилевым на горе Синайстей.

Лев.27:34  с толкованием

Толкования на главу Лев.27
этой книги Священного Писания


Библия Толкования на Левит прп. Ефрем Сирин Глава  27

Толкование преподобного Ефрема Сирина
 

Преподобный Ефрем Сирин. Толкование на книгу Левит

Лев.27