Глава 
6

Лк.6  с толкованием

1
Бысть же в субботу второпервую ити Ему сквозе сеяния: и восторгаху ученицы Его класы, и ядяху, стирающе руками.

Лк.6:1  с толкованием

2
Нецыи же от фарисей реша им: что творите, егоже не достоит творити в субботы?

Лк.6:2  с толкованием

3
И отвещав Иисус рече к ним: ни ли сего чли есте, еже сотвори Давид, егда взалкася сам и иже с ним бяху?

Лк.6:3  с толкованием

4
Како вниде в дом Божий, и хлебы предложения взем, и яде, и даде и сущым с ним, ихже не достояше ясти, токмо единем иереем?

Лк.6:4  с толкованием

5
И глаголаше им, яко господь есть Сын Человеческий и субботе.

Лк.6:5  с толкованием

6
Бысть же и в другую субботу внити Ему в сонмище и учити: и бе тамо человек, и рука ему десная бе суха.

Лк.6:6  с толкованием

7
Назираху же книжницы и фарисее, аще в субботу изцелит, да обрящут речь Нань.

Лк.6:7  с толкованием

8
Он же ведяше помышления их и рече человеку имущему суху руку: востани и стани посреде. Он же востав ста.

Лк.6:8  с толкованием

9
Рече же Иисус к ним: вопрошу вы: что достоит в субботы, добро творити, или зло творити? Душу спасти, или погубити? Они же умолчаша.

Лк.6:9  с толкованием

10
И воззрев на всех их, рече ему: простри руку твою. Он же сотвори тако: и утвердися рука его здрава яко другая.

Лк.6:10  с толкованием

11
Они же исполнишася безумия и глаголаху друг ко другу, что быша сотворили Иисусови.

Лк.6:11  с толкованием

12
Бысть же во дни тыя, изыде в гору помолитися: и бе об нощь в молитве Божии.

Лк.6:12  с толкованием

13
И егда бысть день, призва ученики Своя: и избра от них дванадесяте, ихже и Апостолы нарече:

Лк.6:13  с толкованием

14
Симона, егоже именова Петра, и Андреа брата его, Иакова и Иоанна, Филиппа и Варфоломеа,

Лк.6:14  с толкованием

15
Матфеа и Фому, Иакова Алфеева и Симона нарицаемаго Зилота,

Лк.6:15  с толкованием

16
Иуду Иаковля, и Иуду Искариотскаго, иже и бысть предатель.

Лк.6:16  с толкованием

17
Изшед с ними, ста на месте равне: и народ ученик Его, и множество много людий от всея Иудеи и Иерусалима, и помория Тирска и Сидонска,

Лк.6:17  с толкованием

18
иже приидоша послушати Его и изцелитися от недуг своих, и страждущии от дух нечистых: и изцеляхуся.

Лк.6:18  с толкованием

19
И весь народ искаше прикасатися Ему: яко сила от Него исхождаше и изцеляше вся.

Лк.6:19  с толкованием

20
И Той возвед очи Свои на ученики Своя, глаголаше: блажени нищии духом: яко ваше есть Царствие Божие.

Лк.6:20  с толкованием

21
Блажени, алчущии ныне: яко насытитеся. Блажени, плачущии ныне: яко возсмеетеся.

Лк.6:21  с толкованием

22
Блажени будете, егда возненавидят вас человецы, и егда разлучат вы и поносят, и пронесут имя ваше яко зло, Сына Человеческаго ради.

Лк.6:22  с толкованием

23
Возрадуйтеся в той день и взыграйте: се бо, мзда ваша многа на небеси. По сим бо творяху пророком отцы их.

Лк.6:23  с толкованием

24
Обаче горе вам богатым: яко отстоите утешения вашего.

Лк.6:24  с толкованием

25
Горе вам, насыщеннии ныне: яко взалчете. Горе вам смеющымся ныне: яко возрыдаете и восплачете.

Лк.6:25  с толкованием

26
Горе, егда добре рекут вам вси человецы. По сим бо творяху лжепророком отцы их.

Лк.6:26  с толкованием

27
Но вам глаголю слышащым: любите враги вашя, добро творите ненавидящым вас,

Лк.6:27  с толкованием

28
благословите кленущыя вы, и молитеся за творящих вам обиду.

Лк.6:28  с толкованием

29
Биющему тя в ланиту, подаждь и другую: и от взимающаго ти ризу, и срачицу не возбрани.

Лк.6:29  с толкованием

30
Всякому же просящему у тебе дай: и от взимающаго твоя не истязуй.

Лк.6:30  с толкованием

31
И якоже хощете да творят вам человецы, и вы творите им такожде.

Лк.6:31  с толкованием

32
И аще любите любящыя вы, кая вам благодать есть? Ибо и грешницы любящыя их любят.

Лк.6:32  с толкованием

33
И аще благотворите благотворящым вам, кая вам благодать есть? Ибо и грешницы тожде творят.

Лк.6:33  с толкованием

34
И аще взаим даете, от нихже чаете восприяти, кая вам благодать есть, ибо и грешницы грешником взаим давают, да восприимут равная.

Лк.6:34  с толкованием

35
Обаче любите враги вашя, и благотворите, и взаим дайте, ничесоже чающе: и будет мзда ваша многа, и будете сынове Вышняго: яко Той благ есть на безблагодатныя и злыя.

Лк.6:35  с толкованием

36
Будите убо милосерди, якоже и Отец ваш милосерд есть.

Лк.6:36  с толкованием

37
И не судите, и не судят вам: (и) не осуждайте, да не осуждени будете: отпущайте, и отпустят вам:

Лк.6:37  с толкованием

38
дайте, и дастся вам: меру добру, наткану и потрясну и преливающуся дадят на лоно ваше: тою бо мерою, еюже мерите, возмерится вам.

Лк.6:38  с толкованием

39
Рече же притчу им: еда может слепец слепца водити? Не оба ли в яму впадетася?

Лк.6:39  с толкованием

40
Несть ученик над учителя своего: совершен же всяк будет, якоже и учитель его.

Лк.6:40  с толкованием

41
Что же видиши сучец, иже есть во очеси брата твоего, бервна же, еже есть во очеси твоем, не чуеши?

Лк.6:41  с толкованием

42
Или како можеши рещи брату твоему: брате, остави, да изму сучец, иже есть во очеси твоем, сам сущаго во очеси твоем бервна не видя? Лицемере, изми первее бервно из очесе твоего, и тогда прозриши изъяти сучец из очесе брата твоего.

Лк.6:42  с толкованием

43
Несть бо древо добро, творя плода зла: ниже древо зло, творя плода добра.

Лк.6:43  с толкованием

44
Всяко бо древо от плода своего познается: не от терния бо чешут смоквы, ни от купины емлют гроздия.

Лк.6:44  с толкованием

45
Благий человек от благаго сокровища сердца своего износит благое: и злый человек от злаго сокровища сердца своего износит злое: от избытка бо сердца глаголют уста его.

Лк.6:45  с толкованием

46
Что же Мя зовете: Господи, Господи, и не творите, яже глаголю?

Лк.6:46  с толкованием

47
Всяк грядый ко Мне и слышай словеса Моя и творя я, скажу вам, кому есть подобен:

Лк.6:47  с толкованием

48
подобен есть человеку зиждущу храмину, иже ископа и углуби, и положи основание на камени: наводнению же бывшу, припаде река ко храмине той, и не може поколебати ея: основана бо бе на камени.

Лк.6:48  с толкованием

49
Слышавый же и не сотворивый подобен есть человеку создавшему храмину на земли без основания: к нейже припаде река, и абие падеся, и бысть разрушение храмины тоя велие.

Лк.6:49  с толкованием

Глава 
7

Лк.7  с толкованием

1
Егда же сконча вся глаголголы Своя в слухи людем, вниде в Капернаум.

Лк.7:1  с толкованием

2
Сотнику же некоему раб боля зле, хотяше умрети, иже бе ему честен.

Лк.7:2  с толкованием

3
Слышав же о Иисусе, посла к Нему старцы Иудейския, моля Его, яко да пришед спасет раба его.

Лк.7:3  с толкованием

4
Они же пришедше ко Иисусови, моляху Его тощно, глаголюще, яко достоин есть, емуже даси сие:

Лк.7:4  с толкованием

5
любит бо язык наш, и сонмище той созда нам.

Лк.7:5  с толкованием

6
Иисус же идяше с ними. И уже Ему не далече сущу от храмины, посла к Нему сотник други, глаголя Ему: Господи, не движися: несмь бо достоин, да под кров мой внидеши:

Лк.7:6  с толкованием

7
темже ни себе достойна сотворих приити к Тебе: но рцы слово, и изцелеет отрок мой:

Лк.7:7  с толкованием

8
ибо и аз человек есмь под владыкою учинен, имея под собою воины: и глаголю сему: иди, и идет: и другому: прииди, и приидет: и рабу моему: сотвори сие, и сотворит.

Лк.7:8  с толкованием

9
Слышав же сия Иисус, чудися ему, и обращься идущему по Нем народу рече: глаголю вам, ни во Израили толики веры обретох.

Лк.7:9  с толкованием

10
И возвращшеся посланнии обретоша болящаго раба изцелевша.

Лк.7:10  с толкованием

11
И бысть посем, идяше во град, нарицаемый Наин: и с Ним идяху ученицы Его мнози и народ мног.

Лк.7:11  с толкованием

12
Якоже приближися ко вратом града, и се изношаху умерша, сына единородна матери своей, и та бе вдова: и народ от града мног с нею.

Лк.7:12  с толкованием

13
И видев ю Господь, милосердова о ней, и рече ей: не плачи.

Лк.7:13  с толкованием

14
И приступль коснуся во одр: носящии же сташа: и рече: юноше, тебе глаголю, востани.

Лк.7:14  с толкованием

15
И седе мертвый, и начат глаголати: и даде его матери его.

Лк.7:15  с толкованием

16
Прият же страх всех, и славляху Бога, глаголюще: яко пророк велий воста в нас, и яко посети Бог людий Своих.

Лк.7:16  с толкованием

17
И изыде слово сие по всей Иудеи о Нем, и по всей стране.

Лк.7:17  с толкованием

18
И возвестиша Иоанну ученицы его о всех сих.

Лк.7:18  с толкованием

19
И призвав два некая от ученик своих Иоанн, посла ко Иисусу, глаголя: Ты ли еси Грядый, или иного чаем?

Лк.7:19  с толкованием

20
Пришедша же к Нему мужа, реста: Иоанн Креститель посла нас к Тебе, глаголя: Ты ли еси Грядый, или иного чаем,

Лк.7:20  с толкованием

21
в Той же час изцели многи от недуг и ран и дух злых и многим слепым дарова прозрение.

Лк.7:21  с толкованием

22
И отвещав Иисус рече има: шедша возвестита Иоанну, яже видеста и слышаста: яко слепии прозирают, хромии ходят, прокаженнии очищаются, глусии слышат, мертвии востают, нищии благовествуют:

Лк.7:22  с толкованием

23
и блажен есть, иже аще не соблазнится о Мне.

Лк.7:23  с толкованием

24
Отшедшема же ученикома Иоанновома, начат глаголати к народом о Иоанне: чесо изыдосте в пустыню видети, трость ли ветром колеблему?

Лк.7:24  с толкованием

25
Но чесо изыдосте видети? Человека ли в мягки ризы одеяна? Се, иже во одежди славней и пищи сущии, во царствии суть.

Лк.7:25  с толкованием

26
Но чесо изыдосте видети? Пророка ли? Ей, глаголю вам, и лишше пророка.

Лк.7:26  с толкованием

27
Сей (бо) есть, о немже писано есть: се, Аз послю Ангела Моего пред лицем Твоим, иже устроит путь Твой пред Тобою.

Лк.7:27  с толкованием

28
Глаголю бо вам: болий в рожденных женами пророка Иоанна Крестителя никтоже есть: мний же во Царствии Божии болий его есть.

Лк.7:28  с толкованием

29
И вси людие слышавше и мытарие оправдиша Бога, крещшеся крещением Иоанновым:

Лк.7:29  с толкованием

30
фарисее же и законницы совет Божий отвергоша о себе, не крещшеся от него.

Лк.7:30  с толкованием

31
Рече же Господь: кому убо уподоблю человеки рода сего, и кому суть подобни?

Лк.7:31  с толкованием

32
Подобни суть отрочищем седящым на торжищих, и приглашающым друг друга, и глаголющым: пискахом вам, и не плясасте: рыдахом вам, и не плакасте.

Лк.7:32  с толкованием

33
Прииде бо Иоанн Креститель ни хлеба ядый, ни вина пия, и глаголете: беса имать.

Лк.7:33  с толкованием

34
Прииде Сын Человеческий ядый и пия, и глаголете: сей человек ядца и винопийца, друг мытарем и грешником.

Лк.7:34  с толкованием

35
И оправдися премудрость от чад своих всех.

Лк.7:35  с толкованием

36
Моляше же Его некий от фарисей, дабы ял с ним: и вшед в дом фарисеов, возлеже.

Лк.7:36  с толкованием

37
И се, жена во граде, яже бе грешница, и уведевши, яко возлежит во храмине фарисеове, принесши алавастр мира,

Лк.7:37  с толкованием

38
и ставши при ногу Его созади, плачущися, начат умывати нозе Его слезами, и власы главы своея отираше, и облобызаше нозе Его, и мазаше миром.

Лк.7:38  с толкованием

39
Видев же фарисей воззвавый Его, рече в себе, глаголя: Сей аще бы был пророк, ведел бы, кто и какова жена прикасается Ему: яко грешница есть.

Лк.7:39  с толкованием

40
И отвещав Иисус рече к нему: Симоне, имам ти нечто рещи. Он же рече: Учителю, рцы.

Лк.7:40  с толкованием

41
Иисус же рече: два должника беста заимодавцу некоему: един бе должен пятиюсот динарий, другий же пятиюдесят:

Лк.7:41  с толкованием

42
не имущема же има воздати, обема отда. Который убо ею, рцы, паче возлюбит его?

Лк.7:42  с толкованием

43
Отвещав же Симон рече: мню, яко емуже вящше отда. Он же рече ему: право судил еси.

Лк.7:43  с толкованием

44
И обращься к жене, Симонови рече: видиши ли сию жену? Внидох в дом твой, воды на нозе Мои не дал еси: сия же слезами облия Ми нозе и власы главы своея отре.

Лк.7:44  с толкованием

45
Лобзания Ми не дал еси: сия же, отнелиже внидох, не преста облобызающи Ми нозе.

Лк.7:45  с толкованием

46
Маслом главы Моея не помазал еси: сия же миром помаза Ми нозе.

Лк.7:46  с толкованием

47
Егоже ради, глаголю ти, отпущаются греси ея мнози, яко возлюби много: а емуже мало оставляется, менше любит.

Лк.7:47  с толкованием

48
Рече же ей: отпущаются тебе греси.

Лк.7:48  с толкованием

49
И начаша возлежащии с Ним глаголати в себе: кто Сей есть, иже и грехи отпущает?

Лк.7:49  с толкованием

50
Рече же к жене: вера твоя спасе тя: иди в мире.

Лк.7:50  с толкованием

Глава 
8

Лк.8  с толкованием

1
И бысть посем, и Той прохождаше сквозе грады и веси, проповедуя и благовествуя Царствие Божие: и обанадесяте с Ним,

Лк.8:1  с толкованием

2
и жены некия, яже бяху изцелены от духов злых и недуг: Мариа нарицаемая Магдалина, из неяже бесов седмь изыде,

Лк.8:2  с толкованием

3
и Иоанна жена Хузаня, приставника Иродова, и Сусанна, и ины многи, яже служаху Ему от имений своих.

Лк.8:3  с толкованием

4
Разумевающу же народу многу, и от всех градов грядущым к Нему, рече притчу:

Лк.8:4  с толкованием

5
изыде сеяй сеяти семене своего: и егда сеяше, ово паде при пути, и попрано бысть, и птицы небесныя позобаша е:

Лк.8:5  с толкованием

6
а другое паде на камени, и прозяб усше, зане не имеяше влаги:

Лк.8:6  с толкованием

7
и другое паде посреде терния, и возрасте терние, и подави е:

Лк.8:7  с толкованием

8
другое же паде на земли блазе, и прозяб сотвори плод сторицею. Сия глаголя, возгласи: имеяй ушы слышати, да слышит.

Лк.8:8  с толкованием

9
Вопрошаху же Его ученицы Его, глаголюще: что есть притча сия?

Лк.8:9  с толкованием

10
Он же рече: вам есть дано ведати тайны Царствия Божия, прочым же в притчах, да видяще не видят и слышаще не разумеют.

Лк.8:10  с толкованием

11
Есть же сия притча: семя есть слово Божие:

Лк.8:11  с толкованием

12
а иже при пути, суть слышащии, потом (же) приходит диавол и вземлет слово от сердца их, да не веровавше спасутся:

Лк.8:12  с толкованием

13
а иже на камени, иже егда услышат, с радостию приемлют слово: и сии корене не имут, иже во время веруют, и во время напасти отпадают:

Лк.8:13  с толкованием

14
а еже в тернии падшее, сии суть слышавшии, и от печали и богатства и сластьми житейскими ходяще подавляются, и не совершают плода:

Лк.8:14  с толкованием

15
а иже на добрей земли, сии суть, иже добрым сердцем и благим слышавше слово, держат и плод творят в терпении. Сия глаголя, возгласи: имеяй ушы слышати, да слышит.

Лк.8:15  с толкованием

16
Никтоже (убо) светилника вжег, покрывает его сосудом, или под одр подлагает: но на свещник возлагает, да входящии видят свет.

Лк.8:16  с толкованием

17
Несть бо тайно, еже не явлено будет: ниже утаено, еже не познается и в явление приидет.

Лк.8:17  с толкованием

18
Блюдитеся убо, како слышите: иже бо имать, дастся ему: и иже аще не имать, и еже мнится имея, возмется от него.

Лк.8:18  с толкованием

19
Приидоша же к Нему Мати и братия Его, и не можаху беседовати к Нему народа ради.

Лк.8:19  с толкованием

20
И возвестиша Ему, глаголюще: Мати Твоя и братия Твоя вне стоят, видети Тя хотяще.

Лк.8:20  с толкованием

21
Он же отвещав рече к ним: мати Моя и братия Моя сии суть, слышащии слово Божие, и творящии е.

Лк.8:21  с толкованием

22
И бысть во един от дний, Той влезе в корабль и ученицы Его: и рече к ним: прейдем на он пол езера. И поидоша.

Лк.8:22  с толкованием

23
Идущым же им, успе. И сниде буря ветреная в езеро, и скончавахуся и в беде беху.

Лк.8:23  с толкованием

24
И приступльше воздвигоша Его, глаголюще: Наставниче, Наставниче, погибаем. Он же востав запрети ветру и волнению водному: и улегоста, и бысть тишина.

Лк.8:24  с толкованием

25
Рече же им: где есть вера ваша? Убоявшеся же чудишася, глаголюще друг ко другу: кто убо Сей есть, яко и ветром повелевает и воде, и послушают Его?

Лк.8:25  с толкованием

26
И преидоша во страну Гадаринску, яже есть об он пол Галилеи.

Лк.8:26  с толкованием

27
Изшедшу же Ему на землю, срете Его муж некий от града, иже имяше бесы от лет многих, и в ризу не облачашеся, и во храме не живяше, но во гробех.

Лк.8:27  с толкованием

28
Узрев же Иисуса и возопив, припаде к Нему, и гласом велиим рече: что мне и Тебе, Иисусе Сыне Бога Вышняго? Молюся Ти, не мучи мене.

Лк.8:28  с толкованием

29
Повеле бо духови нечистому изыти от человека: от многих бо лет восхищаше его: и вязаху его узы (железны) и путы, стрегуще его: и растерзая узы, гонимь бываше бесом сквозе пустыни.

Лк.8:29  с толкованием

30
Вопроси же его Иисус, глаголя: что ти есть имя? Он же рече: легеон: яко беси мнози внидоша в онь.

Лк.8:30  с толкованием

31
И моляху Его, да не повелит им в бездну ити.

Лк.8:31  с толкованием

32
Бе же ту стадо свиний много пасомо в горе: и моляху Его, да повелит им в ты внити. И повеле им.

Лк.8:32  с толкованием

33
Изшедше же беси от человека, внидоша во свиния: и устремися стадо по брегу в езеро, и истопе.

Лк.8:33  с толкованием

34
Видевше же пасущии бывшее, бежаша, и возвестиша во граде и в селех.

Лк.8:34  с толкованием

35
Изыдоша же видети бывшее: и приидоша ко Иисусови и обретоша человека седяща, из негоже беси изыдоша, оболчена и смысляща, при ногу Иисусову: и убояшася.

Лк.8:35  с толкованием

36
Возвестиша же им видевшии, како спасеся бесновавыйся.

Лк.8:36  с толкованием

37
И моли Его весь народ страны Гадаринския отити от них, яко страхом велиим одержими беху. Он же влез в корабль, возвратися.

Лк.8:37  с толкованием

38
Моляшеся же Ему муж, из негоже изыдоша беси, дабы с Ним был. Отпусти же его Иисус, глаголя:

Лк.8:38  с толкованием

39
возвратися в дом твой и поведай, елика ти сотвори Бог. И иде, по всему граду проповедая, елика сотвори ему Иисус.

Лк.8:39  с толкованием

40
Бысть же егда возвратися Иисус, прият Его народ: беху бо вси чающе Его.

Лк.8:40  с толкованием

41
И се, прииде муж, емуже имя Иаир, и той князь сонмищу бе: и пад при ногу Иисусову, моляше Его внити в дом свой:

Лк.8:41  с толкованием

42
яко дщи единородна бе ему, яко лет двоюнадесяте, и та умираше. Егда же идяше, народи угнетаху Его.

Лк.8:42  с толкованием

43
И жена сущи в точении крове от двоюнадесяте лету, яже врачем издавши все имение, (и) не возможе ни от единаго изцелети:

Лк.8:43  с толкованием

44
(и) приступльши созади, коснуся края риз Его: и абие ста ток крове ея.

Лк.8:44  с толкованием

45
И рече Иисус: кто есть коснувыйся Мне? Отметающымся же всем, рече Петр и иже с Ним: Наставниче, народи одержат Тя и гнетут, и глаголеши: кто есть коснувыйся Мне?

Лк.8:45  с толкованием

46
Иисус же рече: прикоснуся Мне некто: Аз бо чух силу изшедшую из Мене.

Лк.8:46  с толкованием

47
Видевши же жена, яко не утаися, трепещущи прииде, и падши пред Ним, еяже ради вины прикоснуся Ему, поведа Ему пред всеми людьми, и яко изцеле абие.

Лк.8:47  с толкованием

48
Он же рече ей: дерзай дщи, вера твоя спасе тя: иди в мире.

Лк.8:48  с толкованием

49
Еще Ему глаголющу, прииде некий от архисинагога, глаголя ему, яко умре дщи твоя: не движи Учителя.

Лк.8:49  с толкованием

50
Иисус же слышав отвеща ему, глаголя: не бойся, токмо веруй, и спасена будет.

Лк.8:50  с толкованием

51
Пришед же в дом, не остави ни единаго внити, токмо Петра и Иоанна и Иакова, и отца отроковицы, и матере.

Лк.8:51  с толкованием

52
Плакахуся же вси и рыдаху ея. Он же рече: не плачитеся: не умре (бо), но спит.

Лк.8:52  с толкованием

53
И ругахуся Ему, ведяще, яко умре.

Лк.8:53  с толкованием

54
Он же изгнав вон всех, и емь за руку ея, возгласи, глаголя: отроковице, востани.

Лк.8:54  с толкованием

55
И возвратися дух ея, и воскресе абие: и повеле дати ей ясти.

Лк.8:55  с толкованием

56
И дивистася родителя ея. Он же повеле има ни комуже поведати бывшаго.

Лк.8:56  с толкованием

Глава 
9

Лк.9  с толкованием

1
Созвав же обанадесяте, даде им силу и власть на вся бесы, и недуги целити:

Лк.9:1  с толкованием

2
и посла их проповедати Царствие Божие и изцелити болящыя.

Лк.9:2  с толкованием

3
И рече к ним: ничесоже возмите на путь: ни жезла, ни пиры, ни хлеба, ни сребра, ни по двема ризама имети:

Лк.9:3  с толкованием

4
и в оньже дом внидете, ту пребывайте, и оттуду исходите:

Лк.9:4  с толкованием

5
и елицы аще не приемлют вас, исходяще от града того, и прах от ног ваших оттрясите, во свидетелство на ня.

Лк.9:5  с толкованием

6
Исходяще же прохождаху сквозе веси, благовествующе и изцеляюще всюду.

Лк.9:6  с толкованием

7
Слыша же Ирод четвертовластник бывающая от Него вся и недоумевашеся: зане глаголемо бе от неких, яко Иоанн воста от мертвых:

Лк.9:7  с толкованием

8
от инех же, яко Илиа явися: от других же, яко пророк един от древних воскресе.

Лк.9:8  с толкованием

9
И рече Ирод: Иоанна аз усекнух: кто же есть Сей, о Немже аз слышу таковая? И искаше видети Его.

Лк.9:9  с толкованием

10
И возвращшеся Апостоли поведаша Ему, елика сотвориша: и поимь их, отиде един на место пусто града, нарицаемаго Вифсаида.

Лк.9:10  с толкованием

11
Народи же разумевше, по Нем идоша: и приемь их, глаголаше им о Царствии Божии и требующыя изцеления целяше.

Лк.9:11  с толкованием

12
День же начат прекланятися. Приступльше же обанадесяте рекоша Ему: отпусти народ, да шедше во окрестныя веси и села витают и обрящут брашно: яко зде в пусте месте есмы.

Лк.9:12  с толкованием

13
Рече же к ним: дадите им вы ясти. Они же реша: несть у нас вящше, токмо пять хлеб и рыбе две, аще убо не шедше мы купим во вся люди сия брашна.

Лк.9:13  с толкованием

14
Беху бо мужей яко пять тысящ. Рече же ко учеником Своим: посадите их на купы по пятидесят.

Лк.9:14  с толкованием

15
И сотвориша тако, и посадиша их вся.

Лк.9:15  с толкованием

16
Приим же пять хлеб и обе рыбе, воззрев на небо, благослови их, и преломи, и даяше учеником, предложити народу.

Лк.9:16  с толкованием

17
И ядоша, и насытишася вси: и взяша избывшыя им укрухи кошя дванадесяте.

Лк.9:17  с толкованием

18
И бысть егда моляшеся един, с Ним беху ученицы: и вопроси их, глаголя: кого Мя глаголют народи быти?

Лк.9:18  с толкованием

19
Они же отвещавше реша: Иоанна Крестителя: инии же Илию: друзии же, яко пророк некий от древних воскресе.

Лк.9:19  с толкованием

20
Рече же им: вы же кого Мя глаголете быти? Отвещав же Петр рече: Христа Божия.

Лк.9:20  с толкованием

21
Он же запрещь им, повеле ни комуже глаголати сего,

Лк.9:21  с толкованием

22
рек, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день востати.

Лк.9:22  с толкованием

23
Глаголаше же ко всем: аще кто хощет по Мне ити, да отвержется себе, и возмет крест свой, и последует Ми.

Лк.9:23  с толкованием

24
Иже бо аще хощет душу свою спасти, погубит ю: а иже погубит душу свою Мене ради, сей спасет ю.

Лк.9:24  с толкованием

25
Что бо пользы имать человек, приобрет мир весь, себе же погубив или отщетив?

Лк.9:25  с толкованием

26
Иже бо аще постыдится Мене и Моих словес, сего Сын Человеческий постыдится, егда приидет во славе Своей и Отчей и святых Ангел.

Лк.9:26  с толкованием

27
Глаголю же вам воистинну: суть нецыи от зде стоящих, иже не имут вкусити смерти, дондеже видят Царствие Божие.

Лк.9:27  с толкованием

28
Бысть же по словесех сих яко дний осмь, и поемь Петра и Иоанна и Иакова, взыде на гору помолитися.

Лк.9:28  с толкованием

29
И бысть егда моляшеся, видение лица Его ино, и одеяние Его бело блистаяся.

Лк.9:29  с толкованием

30
И се, мужа два с Ним глаголюща, яже беста Моисей и Илиа,

Лк.9:30  с толкованием

31
явльшася во славе, глаголаста же исход Его, егоже хотяше скончати во Иерусалиме.

Лк.9:31  с толкованием

32
Петр же и сущии с ним бяху отягчени сном: убуждшеся же видеша славу Его, и оба мужа стояща с Ним.

Лк.9:32  с толкованием

33
И бысть егда разлучистася от Него, рече Петр ко Иисусу: Наставниче, добро есть нам зде быти: и сотворим сени три, едину Тебе, и едину Моисеови, и едину Илии: не ведый, еже глаголаше.

Лк.9:33  с толкованием

34
Се же ему глаголющу, бысть облак, и осени их: убояшася же, вшедше во облак.

Лк.9:34  с толкованием

35
И глас бысть из облака, глаголя: Сей есть Сын Мой Возлюбленный, Того послушайте.

Лк.9:35  с толкованием

36
И егда бысть глас, обретеся Иисус един. И тии умолчаша, и ни комуже возвестиша в тыя дни ничесоже от тех, яже видеша.

Лк.9:36  с толкованием

37
Бысть же в прочий день, сшедшым им с горы, срете Его народ мног.

Лк.9:37  с толкованием

38
И се, муж из народа возопи, глаголя: Учителю, молютися, призри на сына моего, яко единороден ми есть:

Лк.9:38  с толкованием

39
и се дух емлет его, и внезапу вопиет, и пружается с пенами, и едва отходит от него, сокрушая его:

Лк.9:39  с толкованием

40
и молихся учеником Твоим, да ижденут его: и не возмогоша.

Лк.9:40  с толкованием

41
Отвещав же Иисус рече: о, роде неверный и развращенный, доколе буду в вас и терплю вы? Приведи (Ми) сына твоего семо.

Лк.9:41  с толкованием

42
Еще же грядущу ему, поверже его бес и стрясе. Запрети же Иисус духови нечистому, и изцели отрока, и вдаде его отцу его.

Лк.9:42  с толкованием

43
Дивляхуся же вси о величии Божии. Всем же чудящымся о всех, яже творяше Иисус, рече ко учеником Своим:

Лк.9:43  с толкованием

44
вложите вы во ушы ваши словеса сия: Сын бо Человеческий имать предатися в руце человечесте.

Лк.9:44  с толкованием

45
Они же не разумеша глаголгола сего, бе бо прикровен от них, да не ощутят его: и бояхуся вопросити Его о глаголголе сем.

Лк.9:45  с толкованием

46
Вниде же помышление в них, кто их вящший бы был.

Лк.9:46  с толкованием

47
Иисус же ведый помышление сердец их, приемь отроча, постави е у Себе

Лк.9:47  с толкованием

48
и рече им: иже аще приимет сие отроча во имя Мое, Мене приемлет: и иже аще Мене приемлет, приемлет Пославшаго Мя: иже бо менший есть в вас, сей есть велик.

Лк.9:48  с толкованием

49
Отвещав же Иоанн рече: Наставниче, видехом некоего о имени Твоем изгоняща бесы: и возбранихом ему, яко вслед не ходит с нами.

Лк.9:49  с толкованием

50
И рече к нему Иисус: не браните: иже бо несть на вы, по вас есть.

Лк.9:50  с толкованием

51
Бысть же егда скончавахуся дние восхождению Его, и Той утверди лице Свое ити во Иерусалим:

Лк.9:51  с толкованием

52
и посла вестники пред лицем Своим: и изшедше внидоша в весь Самарянску, яко да уготовят Ему:

Лк.9:52  с толкованием

53
и не прияша Его, яко лице Его бе грядущее во Иерусалим.

Лк.9:53  с толкованием

54
Видевша же ученика Его Иаков и Иоанн, реста: Господи, хощеши ли, речема, да огнь снидет с небесе и потребит их, якоже и Илиа сотвори?

Лк.9:54  с толкованием

55
Обращься же запрети има, и рече: не веста, коего духа еста вы:

Лк.9:55  с толкованием

56
Сын бо Человеческий не прииде душ человеческих погубити, но спасти. И идоша во ину весь.

Лк.9:56  с толкованием

57
Бысть же идущым им по пути, рече некий к Нему: иду по Тебе, аможе аще идеши, Господи.

Лк.9:57  с толкованием

58
И рече ему Иисус: лиси язвины имут, и птицы небесныя гнезда: Сын же Человеческий не имать где главу подклонити.

Лк.9:58  с толкованием

59
Рече же ко другому: ходи вслед Мене. Он же рече: Господи, повели ми, да шед прежде погребу отца моего.

Лк.9:59  с толкованием

60
Рече же ему Иисус: остави мертвыя погребсти своя мертвецы: ты же шед возвещай Царствие Божие.

Лк.9:60  с толкованием

61
Рече же и другий: иду по Тебе, Господи: прежде же повели ми отвещатися, иже суть в дому моем.

Лк.9:61  с толкованием

62
Рече же к нему Иисус: никтоже возложь руку свою на рало и зря вспять, управлен есть в Царствии Божии.

Лк.9:62  с толкованием

Глава 
10

Лк.10  с толкованием

1
По сих же яви Господь и инех седмьдесят, и посла их по двема пред лицем Своим во всяк град и место, аможе хотяше Сам ити:

Лк.10:1  с толкованием

2
глаголаше же к ним: жатва убо многа, делателей же мало: молитеся убо Господину жатве, да изведет делатели на жатву Свою.

Лк.10:2  с толкованием

3
Идите: се Аз посылаю вы яко агнцы посреде волков.

Лк.10:3  с толкованием

4
Не носите влагалища, ни пиры, ни сапог: и ни когоже на пути целуйте.

Лк.10:4  с толкованием

5
В оньже аще дом внидете, первее глаголите: мир дому сему:

Лк.10:5  с толкованием

6
и аще убо будет ту сын мира, почиет на нем мир ваш: аще ли же ни, к вам возвратится:

Лк.10:6  с толкованием

7
в том же дому пребывайте, ядуще и пиюще, яже суть у них: достоин бо есть делатель мзды своея. Не преходите из дому в дом.

Лк.10:7  с толкованием

8
И в оньже аще град входите, и приемлют вы, ядите предлагаемая вам:

Лк.10:8  с толкованием

9
и изцелите недужныя, иже суть в нем, и глаголите им: приближися на вы Царствие Божие.

Лк.10:9  с толкованием

10
И в оньже аще град входите, и не приемлют вас, изшедше на распутия его, рцыте:

Лк.10:10  с толкованием

11
и прах, прилепший нам от града вашего, оттрясаем вам. Обаче сие ведите, яко приближися на вы Царствие Божие:

Лк.10:11  с толкованием

12
глаголю вам, яко Содомляном в день той отраднее будет, неже граду тому.

Лк.10:12  с толкованием

13
Горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в ваю, древле убо во вретищи и пепеле седяще покаялися быша:

Лк.10:13  с толкованием

14
обаче Тиру и Сидону отраднее будет на суде, неже вама.

Лк.10:14  с толкованием

15
И ты, Капернауме, иже до небес вознесыйся, до ада низведешися.

Лк.10:15  с толкованием

16
Слушаяй вас, Мене слушает: и отметаяйся вас, Мене отметается: отметаяйся же Мене, отметается Пославшаго Мя.

Лк.10:16  с толкованием

17
Возвратишася же седмьдесят с радостию, глаголюще: Господи, и беси повинуются нам о имени Твоем.

Лк.10:17  с толкованием

18
Рече же им: видех сатану яко молнию с небесе спадша.

Лк.10:18  с толкованием

19
Се, даю вам власть наступати на змию и на скорпию и на всю силу вражию: и ничесоже вас вредит:

Лк.10:19  с толкованием

20
обаче о сем не радуйтеся, яко дуси вам повинуются: радуйтеся же, яко имена ваша написана суть на небесех.

Лк.10:20  с толкованием

21
В той час возрадовася духом Иисус и рече: исповедаютися, Отче, Господи небесе и земли, яко утаил еси сия от премудрых и разумных, и открыл еси та младенцем: ей, Отче, яко тако бысть благоволение пред Тобою.

Лк.10:21  с толкованием

22
И обращься ко учеником, рече: вся Мне предана быша от Отца Моего: и никтоже весть, кто есть Сын, токмо Отец: и кто есть Отец, токмо Сын, и емуже аще хощет Сын открыти.

Лк.10:22  с толкованием

23
И обращься ко учеником, един рече: блажени очи видящии, яже видите:

Лк.10:23  с толкованием

24
глаголю бо вам, яко мнози пророцы и царие восхотеша видети, яже вы видите, и не видеша: и слышати, яже слышите, и не слышаша.

Лк.10:24  с толкованием

25
И се, законник некий воста, искушая Его и глаголя: Учителю, что сотворив, живот вечный наследую?

Лк.10:25  с толкованием

26
Он же рече к нему: в законе что писано есть? Како чтеши?

Лк.10:26  с толкованием

27
Он же отвещав рече: возлюбиши Господа Бога твоего от всего сердца твоего, и от всея души твоея, и всею крепостию твоею, и всем помышлением твоим: и ближняго своего яко сам себе.

Лк.10:27  с толкованием

28
Рече же ему: право отвещал еси: сие сотвори, и жив будеши.

Лк.10:28  с толкованием

29
Он же хотя оправдитися сам, рече ко Иисусу: и кто есть ближний мой?

Лк.10:29  с толкованием

30
Отвещав же Иисус рече: человек некий схождаше от Иерусалима во Иерихон, и в разбойники впаде, иже совлекше его, и язвы возложше отидоша, оставльше едва жива суща.

Лк.10:30  с толкованием

31
По случаю же священник некий схождаше путем тем, и видев его, мимоиде.

Лк.10:31  с толкованием

32
Такожде же и левит, быв на том месте, пришед и видев, мимоиде.

Лк.10:32  с толкованием

33
Самарянин же некто грядый, прииде над него, и видев его, милосердова:

Лк.10:33  с толкованием

34
и приступль обвяза струпы его, возливая масло и вино: всадив же его на свой скот, приведе его в гостинницу и прилежа ему:

Лк.10:34  с толкованием

35
и наутрия изшед, иземь два сребреника, даде гостиннику и рече ему: прилежи ему: и еже аще прииждивеши, аз егда возвращуся, воздам ти.

Лк.10:35  с толкованием

36
Кто убо от тех триех ближний мниттися быти впадшему в разбойники?

Лк.10:36  с толкованием

37
Он же рече: сотворивый милость с ним. Рече же ему Иисус: иди, и ты твори такожде.

Лк.10:37  с толкованием

38
Бысть же ходящым им, и Сам вниде в весь некую: жена же некая именем Марфа прият Его в дом свой:

Лк.10:38  с толкованием

39
и сестра ей бе нарицаемая Мариа, яже и седши при ногу Иисусову, слышаше слово Его.

Лк.10:39  с толкованием

40
Марфа же молвяше о мнозе службе, ставши же рече: Господи, не брежеши ли, яко сестра моя едину мя остави служити? Рцы убо ей, да ми поможет.

Лк.10:40  с толкованием

41
Отвещав же Иисус рече ей: Марфо, Марфо, печешися и молвиши о мнозе,

Лк.10:41  с толкованием

42
едино же есть на потребу. Мариа же благую часть избра, яже не отимется от нея.

Лк.10:42  с толкованием