Глава 
14

показать остальные стихи главы...

13
Ниже бо быша от начала, ниже будут во веки:


14
тщеславием бо человеческим внидоша в мир, и сего ради краток их конец вменися.


15
Горьким бо плачем сетуя отец скоро восхищенаго чада образ сотворив, егоже тогда человека мертва, ныне яко бога почте: и предаде подручным тайны и жертвы:


16
потом временем возмогший нечестивый обычай, аки закон хранимь бысть, и мучителей повелением почитаема бяху изваянная:


17
ихже в лице не могуще чествовати человецы дальнаго ради обитания, издалеча лице изобразивше, явный образ почитаемаго царя сотвориша, яко да отстоящаго аки близ сущаго ласкают со прилежанием.


18
В продолжение же злочестия и не разумеющих принуди художниково любочестие.


19
Сей бо хотя угодити державствующему, произведе хитростию (своею) подобие на лучшее:

показать остальные стихи главы...