Псалом 
126

Пс.126  с толкованием

1
Аще не Господь созиждет дом, всуе трудишася зиждущии: аще не Господь сохранит град, всуе бде стрегий.

Пс.126:1  с толкованием

2
Всуе вам есть утреневати: востанете по седении ядущии хлеб болезни, егда даст возлюбленным Своим сон.

Пс.126:2  с толкованием

3
Се, достояние Господне сынове, мзда плода чревняго.

Пс.126:3  с толкованием

4
Яко стрелы в руце сильнаго, тако сынове оттрясенных.

Пс.126:4  с толкованием

5
Блажен, иже исполнит желание свое от них: не постыдятся, егда глаголют врагом своим во вратех.

Пс.126:5  с толкованием

Псалом 
127

Пс.127  с толкованием

1
Блажени вси боящиися Господа, ходящии в путех Его:

Пс.127:1  с толкованием

2
труды плодов твоих снеси: блажен еси, и добро тебе будет.

Пс.127:2  с толкованием

3
Жена твоя яко лоза плодовита в странах дому твоего:

Пс.127:3  с толкованием

4
сынове твои яко новосаждения масличная окрест трапезы твоея.

Пс.127:4  с толкованием

5
Се, тако благословится человек бояйся Господа.

Пс.127:5  с толкованием

6
Благословит тя Господь от Сиона, и узриши благая Иерусалима вся дни живота твоего,

Пс.127:6  с толкованием

7
и узриши сыны сынов твоих: мир на Израиля.

Пс.127:7  с толкованием

Псалом 
128

Пс.128  с толкованием

1
Множицею брашася со мною от юности моея, да речет убо Израиль:

Пс.128:1  с толкованием

2
множицею брашася со мною от юности моея, ибо не премогоша мя.

Пс.128:2  с толкованием

3
На хребте моем делаша грешницы, продолжиша беззаконие свое.

Пс.128:3  с толкованием

4
Господь праведен ссече выя грешников.

Пс.128:4  с толкованием

5
Да постыдятся и возвратятся вспять вси ненавидящии Сиона:

Пс.128:5  с толкованием

6
да будут яко трава на здех, яже прежде восторжения изсше:

Пс.128:6  с толкованием

7
еюже не исполни руки своея жняй, и недра своего рукояти собираяй:

Пс.128:7  с толкованием

8
и не реша мимоходящии: благословение Господне на вы, благословихом вы во имя Господне.

Пс.128:8  с толкованием

Псалом 
129

Пс.129  с толкованием

1
Из глубины воззвах к Тебе, Господи: Господи, услыши глас мой.

Пс.129:1  с толкованием

2
Да будут уши Твои внемлюще гласу моления моего.

Пс.129:2  с толкованием

3
Аще беззакония назриши, Господи, Господи, кто постоит? Яко у Тебе очищение есть.

Пс.129:3  с толкованием

4
Имене ради Твоего потерпех Тя, Господи, потерпе душа моя в слово Твое: упова душа моя на Господа.

Пс.129:4  с толкованием

5
От стражи утренния до нощи, от стражи утренния да уповает Израиль на Господа:

Пс.129:5  с толкованием

6
яко у Господа милость, и многое у Него избавление: и Той избавит Израиля от всех беззаконий его.

Пс.129:6  с толкованием

Псалом 
130

Пс.130  с толкованием

1
Господи, не вознесеся сердце мое, ниже вознесостеся очи мои: ниже ходих в великих, ниже в дивных паче мене.

Пс.130:1  с толкованием

2
Аще не смиреномудрствовах, но вознесох душу мою, яко отдоеное на матерь свою, тако воздаси на душу мою.

Пс.130:2  с толкованием

3
Да уповает Израиль на Господа отныне и до века.

Пс.130:3  с толкованием