 Псалтирь
3
Яко тамо вопросиша ны пленшии нас о словесех песней, и ведшии нас о пении: воспойте нам от песней Сионских.
6
Прильпни язык мой гортани моему, аще не помяну тебе, аще не предложу Иерусалима, яко в начале веселия моего.
7
Помяни, Господи, сыны Едомския в день Иерусалимль глаголющыя: истощайте, истощайте до оснований его.
8
Дщи Вавилоня окаянная, блажен, иже воздаст тебе воздаяние твое, еже воздала еси нам:
1
Исповемся Тебе, Господи, всем сердцем моим, и пред ангелы воспою Тебе, яко услышал еси вся глаголы уст моих:
2
поклонюся ко храму святому Твоему и исповемся имени Твоему о милости Твоей и истине Твоей, яко возвеличил еси над всем имя Твое святое.
3
В оньже аще день призову Тя, скоро услыши мя: умножиши мя в души моей силою Твоею.
4
Да исповедятся Тебе, Господи, вси царие земстии, яко услышаша вся глаголголы уст Твоих:
7
Аще пойду посреде скорби, живиши мя: на гнев враг моих простерл еси руку Твою, и спасе мя десница Твоя.
8
Господь воздаст за мя: Господи, милость Твоя во век: дел руку Твоею не презри.
1
Господи, искусил мя еси и познал мя еси: ты познал еси седание мое и востание мое.
12
Яко тма не помрачится от Тебе, и нощь яко день просветится: яко тма ея, тако и свет ея.
14
Исповемся Тебе, яко страшно удивился еси: чудна дела Твоя, и душа моя знает зело.
15
Не утаися кость моя от Тебе, юже сотворил еси в тайне, и состав мой в преисподних земли.
16
Несоделанное мое видесте очи Твои, и в книзе Твоей вси напишутся: во днех созиждутся, и никтоже в них.
17
Мне же зело честни быша друзи Твои, Боже, зело утвердишася владычествия их:
4
Сохрани мя, Господи, из руки грешничи, от человек неправедных изми мя, иже помыслиша запяти стопы моя.
8
Господи, Господи, сило спасения моего, осенил еси над главою моею в день брани.
9
Не предаждь мене, Господи, от желания моего грешнику: помыслиша на мя, не остави мене, да не когда вознесутся.
12
Муж язычен не исправится на земли: мужа неправедна злая уловят во истление.
14
Обаче праведнии исповедятся имени Твоему, и вселятся правии с лицем Твоим.
1
Господи, воззвах к Тебе, услыши мя: вонми гласу моления моего, внегда воззвати ми к Тебе.
2
Да исправится молитва моя яко кадило пред Тобою: воздеяние руку моею, жертва вечерняя.
4
Не уклони сердце мое в словеса лукавствия, непщевати вины о гресех с человеки делающими беззаконие: и не сочтуся со избранными их.
5
Накажет мя праведник милостию и обличит мя, елей же грешнаго да не намастит главы моея: яко еще и молитва моя во благоволениих их.
|