Псалом 
16

Пс.16  с толкованием

1
Молитва Давиду. Услыши, Господи, правду мою, вонми молению моему, внуши молитву мою не во устнах льстивых.

Пс.16:1  с толкованием

2
От лица Твоего судба моя изыдет: очи мои да видита правоты.

Пс.16:2  с толкованием

3
Искусил еси сердце мое, посетил еси нощию: искусил мя еси, и не обретеся во мне неправда.

Пс.16:3  с толкованием

4
Яко да не возглаголют уста моя дел человеческих, за словеса устен Твоих аз сохраних пути жестоки.

Пс.16:4  с толкованием

5
Соверши стопы моя во стезях Твоих, да не подвижутся стопы моя.

Пс.16:5  с толкованием

6
Аз воззвах, яко услышал мя еси, Боже: приклони ухо Твое мне и услыши глаголы моя.

Пс.16:6  с толкованием

7
Удиви милости Твоя, спасаяй уповающыя на Тя от противящихся деснице Твоей:

Пс.16:7  с толкованием

8
сохрани мя, Господи, яко зеницу ока: в крове крилу Твоею покрыеши мя

Пс.16:8  с толкованием

9
от лица нечестивых острастших мя: врази мои душу мою одержаша

Пс.16:9  с толкованием

10
тук свой затвориша, уста их глаголаша гордыню.

Пс.16:10  с толкованием

11
Изгонящии мя ныне обыдоша мя, очи свои возложиша уклонити на землю.

Пс.16:11  с толкованием

12
Объяша мя яко лев готов на лов и яко скимен обитаяй в тайных.

Пс.16:12  с толкованием

13
Воскресени, Господи, предвари я и запни им: избави душу мою от нечестиваго, оружие Твое

Пс.16:13  с толкованием

14
от враг руки Твоея, Господи, от малых от земли: раздели я в животе их, и сокровенных Твоих исполнися чрево их: насытишася сынов, и оставиша останки младенцем своим.

Пс.16:14  с толкованием

15
Аз же правдою явлюся лицу Твоему, насыщуся, внегда явитимися славе Твоей.

Пс.16:15  с толкованием

Псалом 
17

Пс.17  с толкованием

1
В конец, отроку Господню Давиду, яже глагола Господеви словеса песни сея, в день, в оньже избави его Господь от руки всех враг его и из руки Саули: и рече:

Пс.17:1  с толкованием

2
возлюблю Тя, Господи, крепосте моя:

Пс.17:2  с толкованием

3
Господь утверждение мое, и прибежище мое, и Избавитель мой, Бог мой, Помощник мой, и уповаю на Него: Защититель мой, и рог спасения моего, и Заступник мой.

Пс.17:3  с толкованием

4
Хваля призову Господа и от враг моих спасуся.

Пс.17:4  с толкованием

5
Одержаша мя болезни смертныя, и потоцы беззакония смятоша мя:

Пс.17:5  с толкованием

6
болезни адовы обыдоша мя, предвариша мя сети смертныя.

Пс.17:6  с толкованием

7
И внегда скорбети ми, призвах Господа и к Богу моему воззвах: услыша от храма святаго Своего глас мой, и вопль мой пред Ним внидет во ушы Его.

Пс.17:7  с толкованием

8
И подвижеся и трепетна бысть земля, и основания гор смятошася и подвигошася, яко прогневася на ня Бог.

Пс.17:8  с толкованием

9
Взыде дым гневом Его, и огнь от лица Его воспламенится: углие возгореся от Него.

Пс.17:9  с толкованием

10
И приклони небеса и сниде, и мрак под ногама Его.

Пс.17:10  с толкованием

11
И взыде на Херувимы и лете, лете на крилу ветреню.

Пс.17:11  с толкованием

12
И положи тму закров Свой: окрест Его селение Его: темна вода во облацех воздушных.

Пс.17:12  с толкованием

13
От облистания пред Ним облацы проидоша, град и углие огненное.

Пс.17:13  с толкованием

14
И возгреме с небесе Господь, и Вышний даде глас Свой.

Пс.17:14  с толкованием

15
Низпосла стрелы и разгна я, и молнии умножи и смяте я.

Пс.17:15  с толкованием

16
И явишася источницы воднии, и открышася основания вселенныя от запрещения Твоего, Господи, от дохновения духа гнева Твоего.

Пс.17:16  с толкованием

17
Низпосла с высоты и прият мя, восприят мя от вод многих.

Пс.17:17  с толкованием

18
Избавит мя от врагов моих сильных и от ненавидящих мя: яко утвердишася паче мене.

Пс.17:18  с толкованием

19
Предвариша мя в день озлобления моего: и бысть Господь утверждение мое.

Пс.17:19  с толкованием

20
И изведе мя на широту: избавит мя, яко восхоте мя.

Пс.17:20  с толкованием

21
И воздаст ми Господь по правде моей, и по чистоте руку моею воздаст ми,

Пс.17:21  с толкованием

22
яко сохраних пути Господни и не нечествовах от Бога моего.

Пс.17:22  с толкованием

23
Яко вся судбы Его предо мною, и оправдания Его не отступиша от мене.

Пс.17:23  с толкованием

24
И буду непорочен с Ним и сохранюся от беззакония моего.

Пс.17:24  с толкованием

25
И воздаст ми Господь по правде моей и по чистоте руку моею пред очима Его.

Пс.17:25  с толкованием

26
С преподобным преподобн будеши, и с мужем неповинным неповинен будеши,

Пс.17:26  с толкованием

27
и со избранным избран будеши, и со строптивым развратишися.

Пс.17:27  с толкованием

28
Яко Ты люди смиренныя спасеши и очи гордых смириши.

Пс.17:28  с толкованием

29
Яко Ты просветиши светилник мой, Господи: Боже мой, просветиши тму мою.

Пс.17:29  с толкованием

30
Яко Тобою избавлюся от искушения, и Богом моим прейду стену.

Пс.17:30  с толкованием

31
Бог мой, непорочен путь Его: словеса Господня разжжена. Защититель есть всех уповающих на Него.

Пс.17:31  с толкованием

32
Яко кто Бог, разве Господа? Или кто Бог, разве Бога нашего?

Пс.17:32  с толкованием

33
Бог препоясуяй мя силою, и положи непорочен путь мой:

Пс.17:33  с толкованием

34
совершаяй нозе мои яко елени, и на высоких поставляяй мя:

Пс.17:34  с толкованием

35
научаяй руце мои на брань, и положил еси лук медян мышца моя:

Пс.17:35  с толкованием

36
и дал ми еси защищение спасения, и десница Твоя восприят мя: и наказание Твое исправит мя в конец, и наказание Твое то мя научит.

Пс.17:36  с толкованием

37
Уширил еси стопы моя подо мною, и не изнемогосте плесне мои.

Пс.17:37  с толкованием

38
Пожену враги моя, и постигну я, и не возвращуся, дондеже скончаются:

Пс.17:38  с толкованием

39
оскорблю их, и не возмогут стати, падут под ногама моима.

Пс.17:39  с толкованием

40
И препоясал мя еси силою на брань, спял еси вся востающыя на мя под мя.

Пс.17:40  с толкованием

41
И врагов моих дал ми еси хребет и ненавидящыя мя потребил еси.

Пс.17:41  с толкованием

42
Воззваша, и не бе спасаяй: ко Господу, и не услыша их.

Пс.17:42  с толкованием

43
И истню я яко прах пред лицем ветра, яко брение путий поглажду я.

Пс.17:43  с толкованием

44
Избавиши мя от пререкания людий: поставиши мя во главу языков: людие, ихже не ведех, работаша ми,

Пс.17:44  с толкованием

45
в слух уха послушаша мя. Сынове чуждии солгаша ми,

Пс.17:45  с толкованием

46
сынове чуждии обетшаша и охромоша от стезь своих.

Пс.17:46  с толкованием

47
Жив Господь, и благословен Бог, и да вознесется Бог спасения моего,

Пс.17:47  с толкованием

48
Бог даяй отмщение мне и покоривый люди под мя,

Пс.17:48  с толкованием

49
избавитель мой от враг моих гневливых: от востающих на мя вознесеши мя, от мужа неправедна избавиши мя.

Пс.17:49  с толкованием

50
Сего ради исповемся Тебе во языцех, Господи, и имени Твоему пою:

Пс.17:50  с толкованием

51
величаяй спасения царева и творяй милость христу Своему Давиду и семени его до века.

Пс.17:51  с толкованием

Псалом 
18

Пс.18  с толкованием

1
В конец, псалом Давиду.

Пс.18:1  с толкованием

2
Небеса поведают славу Божию, творение же руку Его возвещает твердь.

Пс.18:2  с толкованием

3
День дни отрыгает глагол, и нощь нощи возвещает разум.

Пс.18:3  с толкованием

4
Не суть речи, ниже словеса, ихже не слышатся гласи их.

Пс.18:4  с толкованием

5
Во всю землю изыде вещание их, и в концы вселенныя глаголы их: в солнце положи селение свое:

Пс.18:5  с толкованием

6
и той яко жених исходяй от чертога своего, возрадуется яко исполин тещи путь.

Пс.18:6  с толкованием

7
От края небесе исход его, и сретение его до края небесе: и несть, иже укрыется теплоты его.

Пс.18:7  с толкованием

8
Закон Господень непорочен, обращаяй душы: свидетелство Господне верно, умудряющее младенцы.

Пс.18:8  с толкованием

9
Оправдания Господня права, веселящая сердце: заповедь Господня светла, просвещающая очи.

Пс.18:9  с толкованием

10
Страх Господень чист, пребываяй в век века: судбы Господни истинны, оправданны вкупе,

Пс.18:10  с толкованием

11
вожделенны паче злата и камене честна многа, и слаждшя паче меда и сота.

Пс.18:11  с толкованием

12
Ибо раб Твой хранит я: внегда сохранити я, воздаяние много.

Пс.18:12  с толкованием

13
Грехопадения кто разумеет? От тайных моих очести мя,

Пс.18:13  с толкованием

14
и от чуждих пощади раба Твоего: аще не обладают мною, тогда непорочен буду, и очищуся от греха велика.

Пс.18:14  с толкованием

15
И будут во благоволение словеса уст моих, и поучение сердца моего пред Тобою выну, Господи, помощниче мой и Избавителю мой.

Пс.18:15  с толкованием

Псалом 
19

Пс.19  с толкованием

1
В конец, псалом Давиду.

Пс.19:1  с толкованием

2
Услышит тя Господь в день печали, защитит тя имя Бога Иаковля.

Пс.19:2  с толкованием

3
Послет ти помощь от Святаго, и от Сиона заступит тя.

Пс.19:3  с толкованием

4
Помянет всяку жертву твою, и всесожжение твое тучно буди.

Пс.19:4  с толкованием

5
Даст ти Господь по сердцу твоему, и весь совет твой исполнит.

Пс.19:5  с толкованием

6
Возрадуемся о спасении твоем, и во имя Господа Бога нашего возвеличимся: исполнит Господь вся прошения твоя.

Пс.19:6  с толкованием

7
Ныне познах, яко спасе Господь Христа Своего: услышит его с небесе святаго Своего: в силах спасение десницы его.

Пс.19:7  с толкованием

8
Сии на колесницах, и сии на конех: мы же во имя Господа Бога нашего призовем.

Пс.19:8  с толкованием

9
Тии спяти быша и падоша: мы же востахом и исправихомся.

Пс.19:9  с толкованием

10
Господи, спаси царя, и услыши ны, в оньже аще день призовем Тя.

Пс.19:10  с толкованием

Псалом 
20

Пс.20  с толкованием

1
Псалом Давиду.

Пс.20:1  с толкованием

2
Господи, силою Твоею возвеселится царь, и о спасении Твоем возрадуется зело.

Пс.20:2  с толкованием

3
Желание сердца его дал еси ему, и хотения устну его неси лишил его.

Пс.20:3  с толкованием

4
Яко предварил еси его благословением благостынным, положил еси на главе его венец от камене честна.

Пс.20:4  с толкованием

5
Живота просил есть у Тебе, и дал еси ему долготу дний во век века.

Пс.20:5  с толкованием

6
Велия слава его спасением Твоим: славу и велелепие возложиши на него.

Пс.20:6  с толкованием

7
Яко даси ему благословение во век века: возвеселиши его радостию с лицем Твоим.

Пс.20:7  с толкованием

8
Яко царь уповает на Господа, и милостию Вышняго не подвижится.

Пс.20:8  с толкованием

9
Да обрящется рука Твоя всем врагом Твоим, десница Твоя да обрящет вся ненавидящыя Тебе.

Пс.20:9  с толкованием

10
Яко положиши их яко пещь огненную во время лица Твоего: Господь гневом Своим смятет я, и снесть их огнь.

Пс.20:10  с толкованием

11
Плод их от земли погубиши, и семя их от сынов человеческих.

Пс.20:11  с толкованием

12
Яко уклониша на Тя злая, помыслиша советы, ихже не возмогут составити.

Пс.20:12  с толкованием

13
Яко положиши я хребет: во избытцех Твоих уготовиши лице их.

Пс.20:13  с толкованием

14
Вознесися, Господи, силою Твоею: воспоем и поем силы Твоя.

Пс.20:14  с толкованием