Глава 
1

Суд.1  с толкованием

1
И бысть по скончании Иисусове, и вопрошаху сынове Израилевы Господа, глаголюще: кто взыдет нам к Хананею воевода, ратовати на них?

Суд.1:1  с толкованием

2
И рече Господь: Иуда взыдет: се, дах землю в руку его.

Суд.1:2  с толкованием

3
И рече Иуда к Симеону брату своему: взыди со мною в жребий мой, и ополчимся на Хананеа: и пойду и аз с тобою в жребий твой. И пойде с ним Симеон.

Суд.1:3  с толкованием

4
И взыде Иуда, и предаде Господь Хананеа и Ферезеа в руце их: и избиша их в Везеце до десяти тысящ мужей.

Суд.1:4  с толкованием

5
И обретоша Адонивезека в Везеце, и секошася с ним: и избиша Хананеа и Ферезеа.

Суд.1:5  с толкованием

6
И побеже Адонивезек: и гнаша вслед его, и яша его, и отсекоша краи рук его и краи ног его.

Суд.1:6  с толкованием

7
И рече Адонивезек: седмидесяти царем обсекох краи рук их и краи ног их, и быша собирающе (от крупиц) под трапезою моею: якоже убо сотворих, тако воздаде ми Бог. И приведоша его во Иерусалим, и умре тамо.

Суд.1:7  с толкованием

8
И воеваша сынове Иудины на Иерусалим, и взяша его, и поразиша его острием меча, и град сожгоша огнем.

Суд.1:8  с толкованием

9
И по сих снидоша сынове Иудины воевати на Хананеа живущаго в горней к югу и в равней.

Суд.1:9  с толкованием

10
И пойде Иуда на Хананеа живущаго в Хевроне. И изыде Хеврон со страны: имя же бе Хеврону прежде Кариафарвок-Сефер: и убиша Сесина и Ахимана и Фолмиа, роды Енаковы.

Суд.1:10  с толкованием

11
И взыдоша оттуду к живущым в Давире: имя же Давиру бе прежде Кариафсефер, Град Писмен.

Суд.1:11  с толкованием

12
И рече Халев: иже аще поразит Град Писмен и возмет его, дам ему Асхань дщерь мою в жену.

Суд.1:12  с толкованием

13
И взя его Гофониил сын Кенеза брата Халевова юнейший, и даде ему Халев Асхань дщерь свою в жену.

Суд.1:13  с толкованием

14
И бысть внегда отходити ей, и подвиже ю Гофониил просити у отца своего села, и ропташе (седящи) на осляти, и вопияше со осляти: на землю южную отдал мя еси. И рече ей Халев: что ти есть?

Суд.1:14  с толкованием

15
И рече ему Асхань: даждь ми благословение: яко на землю южную отдал еси мя, да даси мне и исходища водная. И даде ей Халев по сердцу ея исходища вышних и исходища нижних.

Суд.1:15  с толкованием

16
И сынове Иофора Кинеева, ужика Моисеова, взыдоша от града Финическа к сыном Иудиным в пустыню сущую на юг Иуды ко исходу Аредову, и поидоша, и вселишася с людьми.

Суд.1:16  с толкованием

17
И пойде Иуда с Симеоном братом своим, и изби Хананеа живущаго в Сефефе, и потребиша его: и прозваша имя граду Потребление.

Суд.1:17  с толкованием

18
И взя Иуда Газу и предел ея, и Аскалона и предел его, и Аккарон и предел его, и Азот и окрестная его.

Суд.1:18  с толкованием

19
И бяше Господь со Иудою. И взя гору, яко не возмогоша потребити живущих во юдоли, зане Рихав противоста им, и колесницы железныя бяху там.

Суд.1:19  с толкованием

20
И даша Халеву Хеврон, якоже глагола Моисей: и наследствова тамо три грады сынов Енаковых, и изгна оттуду три сыны Енаковы.

Суд.1:20  с толкованием

21
И Иевусеа живущаго во Иерусалиме не изгнаша сынове Вениаминовы, и живяше Иевусей с сынми Вениамини во Иерусалиме даже до сего дне.

Суд.1:21  с толкованием

22
И взыдоша сынове Иосифли и сии в Вефиль: и Господь бяше с ними.

Суд.1:22  с толкованием

23
И ополчишася, и соглядаша (сынове Иосифовы) Вефиль: имя же бе прежде граду Луза.

Суд.1:23  с толкованием

24
И видеша стрегущии мужа исходящаго из града, и яша его и рекоша ему: покажи нам вход во град, и сотворим с тобою милость.

Суд.1:24  с толкованием

25
И показа им вход градный: и поразиша град острием меча, мужа же и сродство его отпустиша.

Суд.1:25  с толкованием

26
И отиде муж в землю Хеттиим, и созда тамо град, и прозва имя ему Луза: сие имя ему даже до дне сего.

Суд.1:26  с толкованием

27
И не разори Манассий Вефсана, иже есть Скифский град, ниже дщерей его, ниже окрестных (предел) его, ниже Фанаха, ниже дщерей его, ниже живущих в Доре, ниже дщерей его, ниже живущих во Иевламе, ниже окрестных его, ниже дщерей его, и живущих в Магеддоне, ниже окрестных его и дщерей его. И нача Хананей жити на земли сей.

Суд.1:27  с толкованием

28
И бысть егда укрепися Израиль, и сотвори Хананеа данника: изгнанием же не изгна его.

Суд.1:28  с толкованием

29
И Ефрем не изгна Хананеа живущаго в Газере: и живяше Хананей среде его в Газере, и бысть ему в данника.

Суд.1:29  с толкованием

30
И Завулон не изгна живущих в Хевроне и живущих во Аммане: и вселися Хананей посреде их и бысть ему данник.

Суд.1:30  с толкованием

31
И Асир не изгна живущих во Акхоре, (и бысть ему данник,) ни живущих в Доре, ни живущих в Сидоне, ни живущих в Далафе и во Ахазиве, и во Елве и во Афеке и в Роове.

Суд.1:31  с толкованием

32
И вселися Асир посреде Хананеа живущаго на земли (той), зане не возможе изгнати его.

Суд.1:32  с толкованием

33
И Неффалим не изгна живущих в Вефсамисе, ниже живущих в Вефанахе: и вселися Неффалим среде Хананеа живущаго на земли (сей): живущии же в Вефсамисе и в Вефанахе быша ему данницы.

Суд.1:33  с толкованием

34
И утесни Аморрей сыны Дановы в горе, яко не попусти им низходити во юдоль.

Суд.1:34  с толкованием

35
И нача Аморрей жити в горе Чрепней, идеже медведи и лисицы, в Мирсиноне и в Салавине: и отяготе рука дому Иосифля на Аморреа, и бысть ему данник.

Суд.1:35  с толкованием

36
И предел Аморрейский идумей от восхода Акравиня, от Камене и выше.

Суд.1:36  с толкованием

Глава 
2

Суд.2  с толкованием

1
И взыде Ангел Господень от Галгал к месту Плача и к Вефилю и к дому Израилеву, и рече к ним: сия глаголет Господь: изведох вас из Египта, и введох вас в землю, еюже кляхся отцем вашым дати вам: и рекох: не разорю завета Моего, иже с вами, во веки:

Суд.2:1  с толкованием

2
и вы не завещайте завета с седящими на земли сей, ниже богом их да поклонитеся, но изваянная их сокрушите, и олтари их раскопайте: и не послушасте гласа Моего, яко сия сотвористе:

Суд.2:2  с толкованием

3
и Аз рех: не приложу преселити людий, ихже рех изгнати, ниже отиму их от лица вашего, и будут вам в терние, и бози их будут вам в соблазн.

Суд.2:3  с толкованием

4
И бысть егда глагола Ангел Господень словеса сия ко всем сыном Израилевым, и воздвигоша людие глас свой, и восплакашася.

Суд.2:4  с толкованием

5
И сего ради прозвася имя месту тому Плачь: и пожроша тамо Господеви.

Суд.2:5  с толкованием

6
И отпусти Иисус люди, и отидоша сынове Израилевы кийждо в домы своя и кийждо в наследие свое наследити землю.

Суд.2:6  с толкованием

7
И работаша людие Господеви во вся дни Иисусовы и во вся дни старейшин, елицы пожиша многи дни со Иисусом, елицы разумеша все дело Господне великое, еже сотвори Израилю.

Суд.2:7  с толкованием

8
И скончася Иисус сын Навин раб Господень, сын ста и десяти лет.

Суд.2:8  с толкованием

9
И погребоша его в пределех наследия его в Фамнафаресе, в горе Ефремли, от севера горы Гаас:

Суд.2:9  с толкованием

10
и весь род он приложишася ко отцем своим. И воста род другий по сих, иже не познаша Господа и дела, еже сотвори во Израили.

Суд.2:10  с толкованием

11
И сотвориша сынове Израилевы злое пред Господем и послужиша Ваалу,

Суд.2:11  с толкованием

12
и оставиша Господа Бога отец своих, изведшаго их из земли Египетски, и поидоша вслед богов иных, от богов языческих, Иже окрест их, и поклонишася им: и разгневаша Господа,

Суд.2:12  с толкованием

13
и оставиша Его, и послужиша Ваалу и Астартом.

Суд.2:13  с толкованием

14
И разгневася яростию Господь на Израиля и предаде его в руки пленяющих, и плениша их: и отдаде их в руки врагов их, иже окрест их, и не возмогоша ктому противостати пред лицем врагов своих, во всех в нихже прохождаху.

Суд.2:14  с толкованием

15
И рука Господня бяше на них во злая, якоже глагола Господь и якоже клятся Господь им, и озлоби их зело.

Суд.2:15  с толкованием

16
И возстави (им) Господь судии, и избави их Господь от руки пленяющих я.

Суд.2:16  с толкованием

17
Но и судий не послушаша, яко соблудиша вслед богов иных и поклонишася им, и разгневаша Господа: и уклонишася с пути скоро, по немуже ходиша отцы их послушати заповедий Господних: не сотвориша тако.

Суд.2:17  с толкованием

18
И яко возстави им Господь судий, и бяше Господь с судиею, и спасе я от руки врагов их во вся дни судии: яко умилися Господь от воздыхания их, от лица воюющих на ня и озлобляющих я.

Суд.2:18  с толкованием

19
И бысть егда умираше судия, и отвращахуся, и паки растлевахуся паче отец своих, идуще вслед богов иных служити им и покланятися им: не отвергоша начинаний своих и не отступиша от путий своих жестоких.

Суд.2:19  с толкованием

20
И разгневася яростию Господь на Израиля и рече: понеже остави род сей завет Мой, егоже заповедах отцем их, и не послушаша гласа Моего,

Суд.2:20  с толкованием

21
и Аз не приложу изгнати мужа от лица их от сих языков, ихже остави Иисус сын Навин на земли и умре,

Суд.2:21  с толкованием

22
еже искушати в них Израиля, аще сохранят путь Господень ходити в нем, якоже сохраниша отцы их, или ни.

Суд.2:22  с толкованием

23
И остави Господь языки сия не истребити их вскоре, и не предаде их в руку Иисусову.

Суд.2:23  с толкованием

Глава 
3

Суд.3  с толкованием

1
И сия языки, яже остави Господь, да искусит ими Израиля, вся неведущыя браней Ханаанских,

Суд.3:1  с толкованием

2
токмо ради родов сынов Израилевых, еже научити я брани, обаче иже прежде их не уведаша их:

Суд.3:2  с толкованием

3
пять воеводств иноплеменнических, и всего Хананеа и Сидония, и Евеа живущаго в Ливане от горы Ваал-Ермон до Лавоемафа.

Суд.3:3  с толкованием

4
И бысть да искусит ими Израиля, да увесть, аще послушают заповедий Господних, яже заповеда отцем их рукою Моисеовою.

Суд.3:4  с толкованием

5
И сынове Израилевы обиташа посреде Хананеа и Хеттеа, и Аморреа и Ферезеа, и Евеа и Гергесеа и Иевусеа,

Суд.3:5  с толкованием

6
и пояша дщери их себе в жены, и дщери своя даша сыном их, и послужиша богом их.

Суд.3:6  с толкованием

7
И сотвориша сынове Израилевы злое пред Господем и забыша Господа Бога своего, и послужиша Ваалу и Дубравам.

Суд.3:7  с толкованием

8
И разгневася яростию Господь на Израиля и предаде их в руки Хусарсафема царя Месопотамии Сирския: и работаша сынове Израилевы Хусарсафему лет осмь.

Суд.3:8  с толкованием

9
И возопиша сынове Израилевы ко Господу. И возстави Господь спасителя Израилю, и спасе их, Гофониила, сына Кенеза брата Халевова юнейшаго его.

Суд.3:9  с толкованием

10
И бысть на нем Дух Господень, и суди Израиля. И изыде на рать к Хусарсафему: и предаде Господь в руце его Хусарсафема царя Сирска, и укрепися рука его над Хусарсафемом.

Суд.3:10  с толкованием

11
И бысть в покои земля четыредесять лет. И умре Гофониил сын Кенезов.

Суд.3:11  с толкованием

12
И приложиша сынове Израилевы сотворити злое пред Господем: и укрепи Господь Еглома царя Моавля на Израиля, занеже сотвориша злое пред Господем.

Суд.3:12  с толкованием

13
И собра к себе вся сыны Аммони и Амаликовы: и иде, и порази Израиля, и взя град Финическ.

Суд.3:13  с толкованием

14
И работаша сынове Израилевы Еглому царю Моавлю лет осмьнадесять.

Суд.3:14  с толкованием

15
И возопиша сынове Израилевы ко Господу: и возстави им Господь спасителя, Аода сына Гираня, сына Иемениина, мужа ободесноручна: и послаша сынове Израилевы дары рукою его Еглому царю Моавлю.

Суд.3:15  с толкованием

16
И сотвори себе Аод нож обоюдуостр, на пядь едину долгота его, и припояса его под ризу по бедре десней своей.

Суд.3:16  с толкованием

17
И иде, и принесе дары Еглому царю Моавлю: Еглом же муж добротелесен бе зело.

Суд.3:17  с толкованием

18
И бысть егда сконча Аод принося дары, и отсла носящих дары:

Суд.3:18  с толкованием

19
и Еглом обратися от идол иже в Галгалех. И рече Аод: слово мне есть к тебе тайно, царю. И рече Еглом к нему: молчи. И отсла от себе всех предстоящих пред ним.

Суд.3:19  с толкованием

20
И Аод вниде к нему. Сей же седяше в горнице летней своей един. И рече Аод: слово Божие мне к тебе, царю. И воста Еглом со престола близ его.

Суд.3:20  с толкованием

21
И бысть егда воста, и простре Аод руку левую свою, и извлече нож, иже над стегном его десным, и вонзе во чрево егломово:

Суд.3:21  с толкованием

22
и втисне и рукоять за острием, и заключи тук за острием, яко не извлече ножа из чрева его, (и изыде лайно).

Суд.3:22  с толкованием

23
И изыде Аод в притвор, и пройде стрегущих, и затвори двери горницы за собою и заключи,

Суд.3:23  с толкованием

24
и сам изыде. И раби его приидоша и узреша, и се, двери горницы заключены, и реша: еда у потребы седит во отлучении ложа?

Суд.3:24  с толкованием

25
И преждаша дондеже посрамишася: и се, не бысть отверзаяй двери горницы. И взяша ключь, и отверзоша: и се, господин их лежит на земли мертв.

Суд.3:25  с толкованием

26
И Аод спасеся внегда смущахуся, и не бе помышляющаго о нем: а он прейде идолы, и спасеся в Сетирофе.

Суд.3:26  с толкованием

27
И бысть егда прииде Аод в землю Израилеву, и воструби рогом в горе Ефремли: и снидоша с ним с горы сынове Израилевы, и той пред ними.

Суд.3:27  с толкованием

28
И рече к ним: идите вслед мене, яко предаде Господь Бог враги нашя Моавляны в руки нашя. И идоша вслед его, и предвзяша преходы Иордана Моавля, и ни единому мужу попустиша преити.

Суд.3:28  с толкованием

29
И избиша Моава в то время яко десять тысящ мужей, вся воины, иже в них, и всякаго мужа сильна: и ни един муж спасеся.

Суд.3:29  с толкованием

30
И пременися Моав в той день под руку Израилеву, и бысть в покои земля осмьдесят лет: и суди их Аод дондеже умре.

Суд.3:30  с толкованием

31
И по нем воста Самегар сын Анафов: и изби иноплеменников шесть сот мужей ралом воловым: и спасе и сей Израиля.

Суд.3:31  с толкованием

Глава 
4

Суд.4  с толкованием

1
И приложиша сынове Израилевы сотворити злое пред Господем: и Аод умре.

Суд.4:1  с толкованием

2
И отдаде их Господь в руку Иавина царя Ханаанска, иже царствова во Асоре. И воевода силы его Сисара, и той живяше во Арисофе языков.

Суд.4:2  с толкованием

3
И возопиша сынове Израилевы ко Господу, яко девять сот колесниц железных бяше ему: и той озлоби Израиля зело лет двадесять.

Суд.4:3  с толкованием

4
И Деввора, жена пророчица, жена Лафидофова, сия судяше Израилю в то время:

Суд.4:4  с толкованием

5
и сия живяше под Фиником Деввора между Рамою и между Вефилем, в горе Ефремли: и восхождаху сынове Израилевы к ней тамо на суд.

Суд.4:5  с толкованием

6
И посла Деввора, и призва Варака сына Авинеемля из Кедеса Неффалимова, и рече к нему: не заповеда ли тебе Господь Бог Израилев? И пойдеши в гору Фавор, и поймеши с собою десять тысящ мужей от сынов Неффалимлих и от сынов Завулоних:

Суд.4:6  с толкованием

7
и приведу к тебе в водотечь Кисонь Сисару воеводу силы Иавини, и колесницы его, и множество (вой) его, и предам его в руки твоя.

Суд.4:7  с толкованием

8
И рече к ней Варак: аще пойдеши со мною, пойду, и аще не пойдеши со мною, не пойду: яко не вем дне, в оньже благоустроит Господь Ангела со мною.

Суд.4:8  с толкованием

9
И рече Деввора к нему: идущи пойду с тобою: обаче веждь, яко не будет тебе слава на пути, в оньже ты идеши: понеже в руку женску предаст Господь Сисару. И воста Деввора и пойде с Вараком до Кадиса.

Суд.4:9  с толкованием

10
И воззва Варак Завулона и Неффалима до Кадиса, и поидоша вслед его десять тысящ мужей, и иде с ним Деввора.

Суд.4:10  с толкованием

11
И Хавер Киней отлучися от Кены и от сынов Иовава, ужика Моисеова: и потче кущу свою под дубом Почивающих, иже есть при Кедесе.

Суд.4:11  с толкованием

12
И возвестиша Сисаре, яко взыде Варак сын Авинеемль на гору Фавор.

Суд.4:12  с толкованием

13
И созва Сисара вся колесницы своя, девять сот колесниц железных, и вся люди иже с ним, от Арисофа языков в водотечь Кисонь.

Суд.4:13  с толкованием

14
И рече Деввора к Вараку: востани, яко сей день, в оньже предаде Господь Сисару в руку твою, зане Господь изыдет пред тобою. И сниде Варак с горы Фавор, и десять тысящ мужей вслед его.

Суд.4:14  с толкованием

15
И сотре Господь Сисару и вся колесницы его и весь полк его острием меча пред Вараком. И сниде Сисара с колесницы своея и побеже ногами своими.

Суд.4:15  с толкованием

16
И Варак гоняй вслед колесниц его и вслед полка, даже до Дубравы языков. И паде весь полк Сисарин острием меча: не остася ни един.

Суд.4:16  с толкованием

17
И Сисара убеже ногами своими в кущу Иаили, жены Хавера Кинеева: яко мир бяше между Иавином царем Асорским и между домом Хавера Кинеева.

Суд.4:17  с толкованием

18
И изыде Иаиль во сретение Сисаре и рече к нему: уклонися, господине мой, уклонися ко мне, не бойся. И уклонися к ней в кущу: и покры его одеждею своею.

Суд.4:18  с толкованием

19
И рече Сисара к ней: напой мя мало воды, яко возжаждах. И отреши мех млечный, и напои его, и покры его.

Суд.4:19  с толкованием

20
И рече к ней Сисара: стани во дверех кущи, и будет аще кто приидет к тебе, и вопросит тя, и речет: есть ли зде муж? И речеши: несть.

Суд.4:20  с толкованием

21
И взя Иаиль, жена Хаверова, кол кущный, и взя млат в руку свою, и вниде к нему тихо, и водрузи кол во скрании его, и пронзе до земли: и сей утруждся спаше, и издше.

Суд.4:21  с толкованием

22
И се, Варак гоняй Сисару. И изыде Иаиль во сретение ему и рече ему: прииди, и покажу тебе мужа, егоже ты ищеши. И вниде к ней, и се, Сисара лежаше мертв, и кол во скрании его.

Суд.4:22  с толкованием

23
И покори Господь Бог в той день Иавина царя Ханааня пред сыны Израилевыми:

Суд.4:23  с толкованием

24
и хождаше рука сынов Израилевых ходящи, и ожесточися на Иавина царя Ханаанска, дондеже истребиша его.

Суд.4:24  с толкованием

Глава 
5

Суд.5  с толкованием

1
И воспе Деввора и Варак сын Авинеемов в той день, и рече:

Суд.5:1  с толкованием

2
внегда начати вождом во Израили, и в произволении людий, благословите Господа.

Суд.5:2  с толкованием

3
Услышите, царие, и внушите, князи: аз Господеви воспою и пою Богу Израилеву.

Суд.5:3  с толкованием

4
Господи, во исходе Твоем от Сиира, внегда воздвизатися Тебе от села Едомова, земля потрясеся, и небо возмутися, и облацы искапаша воду:

Суд.5:4  с толкованием

5
горы подвигошася от лица Господа Елои, тая Сина от лица Господа Бога Израилева.

Суд.5:5  с толкованием

6
Во дни Самегара сына Анафова, во дни Иаили, оскудеша путие, и идоша в пути кривы, и идоша в пути развращенны:

Суд.5:6  с толкованием

7
оскудеша живущии во Израили, оскудеша дондеже воста Деввора, дондеже воста мати во Израили:

Суд.5:7  с толкованием

8
избраша боги новы, яко хлеб ячен, тогда воеваша грады князей: щит не явися, ниже копие в четыредесяти тысящах во Израили.

Суд.5:8  с толкованием

9
Сердце мое на учиненная во Израили: сильнии людий, благословите Господа.

Суд.5:9  с толкованием

10
Ездящии на ослятех белых в полудне, и седящии на судищи, и ходящии на пути сонмов, провещайте.

Суд.5:10  с толкованием

11
Глас плещущих посреде веселящихся: тамо дадят правду. Господи, правды укрепи во Израили: тогда разыдошася во грады своя людие Господни.

Суд.5:11  с толкованием

12
Востани, востани, Деввора: востани, востани, глаголи с песнию: востани, Вараче, и плени плен твой, сыне Авинеемль.

Суд.5:12  с толкованием

13
Тогда возвеличися сила Его: Господь смири мне крепльшыя мене.

Суд.5:13  с толкованием

14
Людие Ефремли утомиша их в долине: брат твой Вениамин в людех твоих: от мене Махир снидоша взыскующии, и от Завулона укрепляющиися в скиптре повествования писменника.

Суд.5:14  с толкованием

15
И началницы во Иссахаре с Девворою и Вараком: тако Варак отпусти пеших своих в долину, в разделения Рувимова, велика испытания сердца.

Суд.5:15  с толкованием

16
Вскую ми седиши посреде мосфафемов, слышати звиздание воставающих проити в разделения Рувимля? Велия испытания сердца.

Суд.5:16  с толкованием

17
Галаад, об ону страну Иордана вселися: и Дан, вскую обитаеши в кораблех? Асир обита при брезех морских, и в разделениих своих вселися.

Суд.5:17  с толкованием

18
Завулон, людие укориша душу свою на смерть: и Неффалим на высотах села.

Суд.5:18  с толкованием

19
И приидоша к нему царие, и ополчишася, тогда воеваша царие Ханаанстии во Фанаахе, у воды Магеддо: множества сребра не взяша.

Суд.5:19  с толкованием

20
От небесе ополчишася звезды, от чина своего ополчишася с Сисарою.

Суд.5:20  с толкованием

21
Водотечь Кисонов изверже их, водотечь Кадимин, водотечь Кисонов: поперет его душа моя сильная.

Суд.5:21  с толкованием

22
Тогда отсекошася копыта конская от топтания сильных его.

Суд.5:22  с толкованием

23
Проклинайте Мазора, рече Ангел Господень, проклятием проклените живущих в нем, яко не приидоша в помощь Господню, в помощь (Господню) в сильных.

Суд.5:23  с толкованием

24
Да благословится в женах Иаиль, жена Хавера Кинеева, от жен в кущи да благословится:

Суд.5:24  с толкованием

25
воды проси у нея, и даде ему млеко в чаши: преимущих принесе масло кравие:

Суд.5:25  с толкованием

26
руку свою левую к колу простре, и десницу свою ко млату работающих, и уби Сисару: разби главу его, и порази, прободе скрания его:

Суд.5:26  с толкованием

27
между ногама ея повалися: паде утружден, и умре посреде ног ея, и тамо паде бедне.

Суд.5:27  с толкованием

28
Оконцем взираше мати Сисарина, окном сквозе решетку, что замедли колесница его приити? Вскую умедлиша стопы колесниц его?

Суд.5:28  с толкованием

29
Мудрии началствующии ея отвещаша ей, и сама отвещаваше словеса своя себе:

Суд.5:29  с толкованием

30
не обрящут ли его разделяюща корысти, удружающа другом на главу мужа сильна? Корысти шаров Сисаре, корысти шаров различия, шары испещренных, сия выи его корысти.

Суд.5:30  с толкованием

31
Тако да погибнут вси врази Твои, Господи: и любящии Его, якоже восток солнца в силе своей.

Суд.5:31  с толкованием

32
И бысть в покои земля четыредесять лет.

Суд.5:32  с толкованием