Глава 
11

Суд.11  с толкованием

1
И бяше Иеффай Галаадитянин силен крепостию: и той бысть сын жены блудницы, яже роди Галааду Иеффая.

Суд.11:1  с толкованием

2
И роди жена Галаадова сынов ему: и возмужаша сынове жены и изгнаша Иеффая, и рекоша ему: не наследиши в дому отца нашего, яко сын жены блудныя еси ты.

Суд.11:2  с толкованием

3
И отбеже Иеффай от лица братии своея и вселися в земли Тов: и собирахуся ко Иеффаю мужие праздни, и хождаху с ним.

Суд.11:3  с толкованием

4
И бысть по днех сих, и воеваша сынове Аммони на Израиля.

Суд.11:4  с толкованием

5
И егда воеваша сынове Аммони на Израиля, и поидоша старейшины Галаадовы пояти Иеффая от земли Тов,

Суд.11:5  с толкованием

6
и рекоша ко Иеффаю: прииди и буди нам началник, и ополчимся на сыны Аммони.

Суд.11:6  с толкованием

7
И рече Иеффай старейшинам Галаадским: не вы ли возненавидесте мя, и изгнасте мя из дому отца моего, и отпустисте мя от себе? И почто приидосте ко мне ныне, егда нужду возиместе?

Суд.11:7  с толкованием

8
И рекоша старейшины Галаадстии ко Иеффаю: сего ради ныне приидохом к тебе, да пойдеши с нами, и ополчимся на сыны Аммони: и будеши нам князь всем живущым в Галааде.

Суд.11:8  с толкованием

9
И рече Иеффай ко старейшинам Галаадовым: аще возвращаете мя ополчитися на сыны Аммони, и предаст их Господь предо мною, и аз вам буду ли князь?

Суд.11:9  с толкованием

10
И рекоша старейшины Галаадстии ко Иеффаю: Господь да будет послух между нами, аще по слову твоему тако не сотворим.

Суд.11:10  с толкованием

11
И пойде Иеффай со старейшинами Галаадскими, и поставиша его людие над собою главу и князя: и глагола Иеффай вся словеса своя пред Господем в Массифе.

Суд.11:11  с толкованием

12
И посла Иеффай послы к царю сынов Аммоних, глаголя: что мне и тебе, яко пришел еси ко мне воевати на земли моей?

Суд.11:12  с толкованием

13
И рече царь сынов Аммоних к послом Иеффаевым: яко взя Израиль землю мою, егда изыде из Египта, от Арнона даже до Иавока и до Иордана: и ныне возврати ю с миром, и отиду.

Суд.11:13  с толкованием

14
И возвратишася послы ко Иеффаю. И приложи еще Иеффай, и посла послы к царю сынов Аммоних, и рекоша ему:

Суд.11:14  с толкованием

15
тако глаголет Иеффай: не взя Израиль земли Моавли и земли сынов Аммоних,

Суд.11:15  с толкованием

16
понеже егда исхождаше из Египта, пойде Израиль по пустыни до моря Чермнаго, и прииде до Кадиса:

Суд.11:16  с толкованием

17
и посла Израиль послы к царю Едомску, глаголя: да прейду сквозе землю твою: и не послуша царь Едомск: такожде посыла и к царю Моавску, и не восхоте: и седе Израиль в Кадисе:

Суд.11:17  с толкованием

18
и иде пустынею, и обыде землю Едомлю и землю Моавлю, и прииде на востоки солнца земли Моавли, и ополчися об ону страну Арнона, и не вниде в пределы Моавли, яко Арнон бяше предел Моавль:

Суд.11:18  с толкованием

19
и посла Израиль послы к Сиону царю Аморрейску, царю Есевонску, и рече к нему Израиль: да прейдем по земли твоей до места нашего:

Суд.11:19  с толкованием

20
и не восхоте Сион Израилю преити по пределом своим, и собра Сион вся люди своя, и ополчися во Иасе, и воева на Израиля:

Суд.11:20  с толкованием

21
и предаде Господь Бог Израилев Сиона и вся люди его в руки Израиля, и изби их:

Суд.11:21  с толкованием

22
и наследова Израиль всю землю Аморреа живущаго на земли той: и взя весь предел Аморрейск от Арнона даже до Иавока, и от пустыни до Иордана:

Суд.11:22  с толкованием

23
и ныне Господь Бог Израилев изгна Аморреа от лица людий Своих Израиля, и ты ли хощеши наследити его?

Суд.11:23  с толкованием

24
Ни, но елико даде в наследие тебе Хамос бог твой, сия да наследиши: а всех, ихже изгна Господь Бог наш от лица нашего, сия мы наследим:

Суд.11:24  с толкованием

25
и ныне еда лучший еси ты Валака сына Сепфорова, царя Моавля? Не бранию ли боряшеся со Израилем, или воюя воева его?

Суд.11:25  с толкованием

26
Егда вселися Израиль во Есевоне и в пределех его, и во Ароире и в пределех его, и во всех градех, иже у Иордана, триста лет, и почто не избавил еси их во время оно?

Суд.11:26  с толкованием

27
Аз же не согреших тебе, и ты твориши со мною зло, воюя на мя: да судит Господь судяй днесь между сыны Израилевыми и между сыны Аммони.

Суд.11:27  с толкованием

28
И не послуша царь сынов Аммоних словес Иеффаевых, яже посылаше к нему.

Суд.11:28  с толкованием

29
И бысть на Иеффаи Дух Господень, и прейде Галаада и Манассию, и прейде Стражбу Галаадову, и от Стражбы Галаадовы иде на ону страну сынов Аммоних.

Суд.11:29  с толкованием

30
И обеща Иеффай обет Господеви и рече: аще преданием предаси сыны Аммони в руку мою,

Суд.11:30  с толкованием

31
и будет исходяй, иже аще изыдет из врат дому моего во сретение мне, егда возвращуся с миром от сынов Аммоних, и будет Господеви, и вознесу его во всесожжение.

Суд.11:31  с толкованием

32
И прииде Иеффай к сыном Аммоним воевати на ня: и предаде я Господь в руце его

Суд.11:32  с толкованием

33
и изби их от Ароира, дондеже приити в Мениф, двадесять градов, и даже до Авеля Виноградов, язвою великою зело. И покорени быша сынове Аммони пред лицем сынов Израилевых.

Суд.11:33  с толкованием

34
И прииде Иеффай в Массифу в дом свой: и се, дщерь его исхождаше во сретение его с тимпаны и лики: и сия бяше единородна ему возлюбленна: и не бе ему сына, ни другия дщере, кроме ея.

Суд.11:34  с толкованием

35
И бысть егда увиде ю сам, растерза ризы своя и рече: о, дщи моя, смущающи смутила мя еси: и ты ныне в претыкание была еси пред очима моима: аз бо отверзох уста моя на тя ко Господу и не возмогу вспять возвратити.

Суд.11:35  с толкованием

36
И рече к нему: отче, аще отверзл еси уста твоя ко Господу, сотвори мне, якоже изыде изо уст твоих, занеже сотвори тебе Господь месть врагом твоим от сынов Аммоних.

Суд.11:36  с толкованием

37
И рече ко отцу своему: сотвори, отче мой, сие слово: остави мя два месяца, да пойду и взыду на горы и плачуся девства моего аз и другини мои.

Суд.11:37  с толкованием

38
И рече: иди. И отпусти ю на два месяца: и иде сама и другини ея, и плакася девства своего на горах.

Суд.11:38  с толкованием

39
И бысть в конце двою месяцу, и возвратися ко отцу своему: и сотвори на ней обет свой, имже обещася: и сия не позна мужа. И бысть в повеление во Израили:

Суд.11:39  с толкованием

40
от дний до дний исхождаху дщери Израилевы плакати о дщери Иеффая Галаадитина четыри дни в лете.

Суд.11:40  с толкованием

Глава 
12

Суд.12  с толкованием

1
И собрашася мужие Ефремли и приидоша в Сефину, и реша Иеффаю: почто ходил еси ополчитися на сыны Аммони, и нас не позвал еси ити с тобою? Дом твой с тобою сожжем огнем.

Суд.12:1  с толкованием

2
И рече к ним Иеффай: имех прю аз и людие мои, и сынове Аммони оскорбиша мене зело: и воззвах вас, и не избависте мене от руки их:

Суд.12:2  с толкованием

3
и видех, яко не бяше спасающаго, и положих душу мою в руку мою, и приидох к сыном Аммоним, и предаде я Господь в руку мою: и вскую приидосте ко мне днесь, ополчити ли ся на мя?

Суд.12:3  с толкованием

4
И собра Иеффай вся мужы Галаадски и ополчися на Ефрема: и избиша мужие Галаадстии Ефрема, понеже глаголаху: уцелевшии от Ефрема, вы Галаад среде Ефрема и среде Манассии.

Суд.12:4  с толкованием

5
И засяде Галаад проходы у Иордана Ефремовы. И бысть егда реша уцелевшии от Ефрема: прейдем: и рекоша им мужие Галаадстии: еда ли от Ефрема вы? И реша: несмы.

Суд.12:5  с толкованием

6
И реша им: рцыте, клас. И не управиша рещи тако: и имаху их, и закалаху у преходов Иорданих: и падоша в то время от Ефрема четыредесять и две тысящы.

Суд.12:6  с толкованием

7
И суди Иеффай Израилеви лет шесть: и умре Иеффай Галаадитин, и погребен бысть во граде своем в Галааде.

Суд.12:7  с толкованием

8
И суди по нем Израилеви Есевон от Вифлеема:

Суд.12:8  с толкованием

9
и быша ему тридесять сыны и тридесять дщери, яже отдаде вон (мужем), и тридесять жен приведе сыном своим отвне: и суди Израилеви седмь лет:

Суд.12:9  с толкованием

10
и умре Есевон, и погребен бысть в Вифлееме.

Суд.12:10  с толкованием

11
И суди по нем Израилеви Елон Завулонянин десять лет:

Суд.12:11  с толкованием

12
и умре Елон Завулонянин, и погребен бысть во Елиме в земли Завулони.

Суд.12:12  с толкованием

13
И суди по нем Израилеви Авдон сын Еллихов Фарафонитин:

Суд.12:13  с толкованием

14
и быша ему четыредесять сынове и тридесять внуцы, ездящии на седмидесяти ослех: и суди Израилеви осмь лет:

Суд.12:14  с толкованием

15
и умре Авдон сын Еллихов Фарафонитин, и погребен бысть в Фарафоне, в земли Ефремли, в горе Амаликове.

Суд.12:15  с толкованием

Глава 
13

Суд.13  с толкованием

1
И приложиша еще сынове Израилевы творити зло пред Господем: и предаде я Господь в руку Филистимску четыредесять лет.

Суд.13:1  с толкованием

2
И бяше муж един от Сараи, от племене Данова, имя же ему Маное: и жена ему бяше неплоды и не раждаше.

Суд.13:2  с толкованием

3
И явися Ангел Господень к жене и рече к ней: се, ты неплоды и не раждала еси, и зачнеши и родиши сына:

Суд.13:3  с толкованием

4
и ныне блюдися, и не пий вина и сикера, и не яждь всякаго нечистаго:

Суд.13:4  с толкованием

5
яко се, ты во утробе приимеши и родиши сына: и железо на главу его не взыдет, яко назорей Богови будет сие отроча от чрева: и сей начнет спасати Израиля из руки Филистимли.

Суд.13:5  с толкованием

6
И вниде жена и рече мужу своему, глаголющи: человек Божий прииде ко мне, и образ его яко образ Ангела Божия, страшен зело: и вопрошах его, откуду еси? И имене своего не поведа ми,

Суд.13:6  с толкованием

7
и рече мне: се, ты во утробе зачнеши и родиши сына: и ныне не пий вина, ни сикера, и не яждь всякаго нечистаго, яко назорей Богу будет отрочищь от утробы даже до дне смерти своея.

Суд.13:7  с толкованием

8
И помолися Маное ко Господу и рече: во мне, Господи, человек Божий, егоже послал еси, да приидет еще к нам и наставит ны, что сотворим отрочати раждающемуся.

Суд.13:8  с толкованием

9
И послуша Бог молитвы Маноевы: и прииде паки Ангел Божий к жене, сия же седяше на селе, и Маное муж ея не бяше с нею.

Суд.13:9  с толкованием

10
И потщася жена, и текши скоро поведа мужу своему, и рече к нему: се, явися мне муж, иже приходил в день он ко мне.

Суд.13:10  с толкованием

11
И востав иде Маное вслед жены своея, и прииде к мужу и рече ему: ты ли еси муж глаголавый к жене (моей)? И рече Ангел: аз.

Суд.13:11  с толкованием

12
И рече Маное: ныне убо да приидет слово твое, кий будет суд отрочате, и что дела его?

Суд.13:12  с толкованием

13
И рече Ангел Господень к Маною: от всех, яже глаголах к жене, да сохранится:

Суд.13:13  с толкованием

14
от всего, еже исходит из винограда, да не яст, и вина и сикера да не пиет, и всякаго нечистаго да не яст: и вся, елика заповедах ей, да хранит.

Суд.13:14  с толкованием

15
И рече Маное ко Ангелу Господню: да удержим тя зде, и сотворим пред тобою козлище от коз.

Суд.13:15  с толкованием

16
И рече Ангел Господень к Маною: аще мя понудиши, не буду ясти хлеба твоего: но аще сотвориши всесожжение Господеви, то вознеси е. Не ведяше бо Маное, яко Ангел Господень той.

Суд.13:16  с толкованием

17
И рече Маное ко Ангелу Господню: что имя твое? Да егда сбудется слово твое, прославим тя.

Суд.13:17  с толкованием

18
И рече ему Ангел Господень: почто сие вопрошаеши имене моего? И то есть чудно.

Суд.13:18  с толкованием

19
И взя Маное козлища от коз и жертву, и вознесе на камень Господеви чудная творящему: Маное же и жена его зряста.

Суд.13:19  с толкованием

20
И бысть егда пламень взыде выше олтаря даже до небесе, и взыде Ангел Господень в пламени олтаря: Маное же и жена его смотряста, и падоста лицем своим на землю.

Суд.13:20  с толкованием

21
И не приложи ктому Ангел Господень явитися Маною и жене его. Тогда уведе Маное, яко Ангел Господень есть.

Суд.13:21  с толкованием

22
И рече Маное к жене своей: смертию умрем, яко Бога видехом.

Суд.13:22  с толкованием

23
И рече ему жена его: аще бы хотел Господь умертвити нас, не бы взял от рук наших всесожжения и жертвы, и не бы показал нам сих всех, и не бы слышана сия сотворил нам якоже ныне.

Суд.13:23  с толкованием

24
И роди жена сына, и нарече имя ему Сампсон. И возмужа отроча, и благослови е Господь:

Суд.13:24  с толкованием

25
и нача Дух Господень ходити с ним в полце Данове, посреде Сараи и посреде Есфаола.

Суд.13:25  с толкованием

Глава 
14

Суд.14  с толкованием

1
И сниде Сампсон во Фамнафу и виде жену во Фамнафе от дщерей Филистимских, и угодна бысть пред ним.

Суд.14:1  с толкованием

2
И взыде и поведа отцу своему и матери своей, и рече: жену видех во Фамнафе от дщерей Филистимских, и ныне поимите ю мне в жену.

Суд.14:2  с толкованием

3
И рече ему отец его и мати его: еда несть дщерей от братии твоея и от всех людий моих жены, яко ты идеши пояти жену от дщерей иноплеменников необрезанных? И рече Сампсон ко отцу своему: сию поими мне, яко та угодна есть пред очима моима.

Суд.14:3  с толкованием

4
Отец же его и мати его не разумеша, яко сие от Господа есть, яко отмщения он ищет от Филистимлян: в то бо время владяху Филистимляне сыны Израилевыми.

Суд.14:4  с толкованием

5
И сниде Сампсон и отец его и мати его во Фамнафу, и приидоша до винограда Фамнафа: и се, львичищь рыкающь во сретение ему.

Суд.14:5  с толкованием

6
И сниде на него Дух Господень, и растерза его яко козлища от коз, и ничтоже бяше в руку его: и не поведа отцу своему и матери своей, еже сотвори.

Суд.14:6  с толкованием

7
И поидоша и рекоша жене, и угодна бысть пред очима Сампсона.

Суд.14:7  с толкованием

8
И возвратися по днех пояти ю, и обратися видети труп львов, и се, рой пчел во устех львовых и мед:

Суд.14:8  с толкованием

9
и изя его от уст его в руце свои, и идяше идый и ядый: и пойде ко отцу своему и матери своей, и даде им, и ядоша: и не поведа им, яко от уст львовых изя сей мед.

Суд.14:9  с толкованием

10
И сниде отец его к жене, и сотвори Сампсон тамо пир седмь дний, яко тако творят юношы:

Суд.14:10  с толкованием

11
и бысть внегда боятися им его, приставиша к нему тридесять другов, и быша с ним:

Суд.14:11  с толкованием

12
и рече им Сампсон: предлагаю ныне вам гадание, и аще отгадающе поведите мне сие в седмь дний пира и обрящете, дам вам тридесять поняв и тридесять риз одежд:

Суд.14:12  с толкованием

13
аще же не возможете сие поведати мне, дадите вы мне тридесять поняв и тридесять риз изменных. И рекоша ему: предложи гадание твое, и услышим е.

Суд.14:13  с толкованием

14
И глагола им: от ядущаго ядомое изыде, и от крепкаго изыде сладкое. И не могоша поведати гадания до трех дний.

Суд.14:14  с толкованием

15
И бысть в день четвертый, и рекоша жене Сампсонове: прельсти мужа своего, и да повесть тебе гадание, да не сожжем тя и дом отца твоего огнем: или оубожити призвасте ны?

Суд.14:15  с толкованием

16
И плакася жена Сампсонова пред ним и рече: разве возненавидел еси мене и не возлюбил еси мене, яко гадания, еже еси предложил сыном людий моих, не поведал еси его мне. И рече ей Сампсон: се, отцу моему и матери моей не поведах сего, и тебе ли повем?

Суд.14:16  с толкованием

17
И плакася пред ним седмь дний, в няже бе им пир. И бысть в день седмый, и поведа ей, яко стужи ему: и та поведа сыном людий своих.

Суд.14:17  с толкованием

18
И рекоша ему мужие градстии в день седмый прежде зашествия солнца: что слаждше меда? И что креплее льва? И рече им Сампсон: аще не бысте орали юницею моею, не бысте уведали гадания моего.

Суд.14:18  с толкованием

19
И нападе на него Дух Господень, и сниде во Аскалон, и изби тамо тридесять мужей, и взя ризы их, и даде ризы поведавшым гадание. И разгневася яростию Сампсон, и взыде в дом отца своего.

Суд.14:19  с толкованием

20
Жена же Сампсонова иде за инаго мужа, иже бысть един от другов его.

Суд.14:20  с толкованием

Глава 
15

Суд.15  с толкованием

1
И бысть по днех во дни жатвы пшеницы, и посети Сампсон жену свою, несый козлище от коз, и рече: да вниду к жене моей в ложницу. И не даде ему отец ея внити.

Суд.15:1  с толкованием

2
И рече отец ея, глаголя: рех, яко ненавидя возненавидел еси ю, и отдах ю единому от другов твоих: не се ли сестра ея меншая добрейши ея есть? Да будет тебе ныне вместо ея.

Суд.15:2  с толкованием

3
И рече ему Сампсон: чист есмь ныне от Филистимлян, яко сотворю аз с ними зло.

Суд.15:3  с толкованием

4
И пойде Сампсон, и ят триста лисиц, и взя свещы, и связа ошиб ко ошибу, и устрои едину свещу между двема ошибома:

Суд.15:4  с толкованием

5
и разжже огнь в свещах, и пусти я в нивы Филистимски: и запали нивы от гумен и даже до класов простых и до винограда и масличия.

Суд.15:5  с толкованием

6
И рекоша иноплеменницы: кто сотвори сия? И рекоша: Сампсон зять Фамнафеев, яко взя жену его и даде ю единому от другов его. И взыдоша иноплеменницы и сожгоша ю и дом отца ея огнем.

Суд.15:6  с толкованием

7
И рече им Сампсон: аще и сотвористе вы тако ей, аз не благоизволю, но отмщение мое единому комуждо вас сотворю, и посем почию.

Суд.15:7  с толкованием

8
И порази их голени до бедр язвою велиею: и сниде, и вселися у водотечи в пещере камене Итама.

Суд.15:8  с толкованием

9
И изыдоша Филистимляне, и ополчишася во Иуде, и разсеяшася в Лехи.

Суд.15:9  с толкованием

10
И рече им всяк муж Иудин: почто приидосте на ны? И рекоша иноплеменницы: связати Сампсона приидохом и сотворити ему, якоже сотвори нам.

Суд.15:10  с толкованием

11
И снидоша три тысящы мужей от Иуды к пещере камене Итама и рекоша к Сампсону: не веси ли, яко владеют нами Филистимляне? И вскую сия сотворил еси нам? И рече им Сампсон: якоже ми сотвориша, тако сотворих им.

Суд.15:11  с толкованием

12
И рекоша ему: связати тебе приидохом и предати тя в руце иноплеменником. И рече им Сампсон: кленитеся мне, да не убиете мене вы.

Суд.15:12  с толкованием

13
И рекоша ему, глаголюще: ни, но токмо соузом свяжем тя и предадим тя в руки их, смертию же не умертвим тебе. И связаша его двема ужы новыми и изведоша его от камене того.

Суд.15:13  с толкованием

14
И той прииде до Челюсти: иноплеменницы же воскликнуша и текоша противу ему. И сниде на него Дух Господень, и быша ужя на мышцах его яко изгребие, егда зажжется огнем: и разрешишася узы его от руку его:

Суд.15:14  с толкованием

15
и обрете челюсть ослю повержену, и простре руку свою, и взя ю: и изби ею тысящу мужей.

Суд.15:15  с толкованием

16
И рече Сампсон: челюстию ослею потребляя потребих их, яко челюстию ослею избих тысящу мужей.

Суд.15:16  с толкованием

17
И бысть егда преста глаголя, и поверже челюсть от руки своея: и нарече место тое Избиение Челюстное.

Суд.15:17  с толкованием

18
И возжажда зело, и возопи ко Господу, и рече: Ты благоволил еси в руце раба Твоего спасение великое сие, и ныне умираю жаждею, и впаду в руки необрезанных.

Суд.15:18  с толкованием

19
И разверзе Бог язву на Челюсти, и изыде из нея вода, и пи: и возвратися дух его, и оживе: сего ради прозвася имя ей Источник призывающаго, иже есть в Челюсти, даже до дне сего.

Суд.15:19  с толкованием

20
И суди Израилю во дни Филистимлян двадесять лет.

Суд.15:20  с толкованием