Глава 
16

Суд.16  с толкованием

1
И иде Сампсон в Газу, и виде тамо жену блудницу и вниде к ней.

Суд.16:1  с толкованием

2
И поведаша Газяном, глаголюще: прииде Сампсон семо. И обыдоша и подседоша ему всю нощь у врат градных, и утаишася всю нощь, глаголюще: дондеже осветает утро, и убием его.

Суд.16:2  с толкованием

3
И спа Сампсон до полунощи: и воста в полунощи, и восхити двери у врат града со обеими вереями, и подя оныя с заворою, и возложи я на рамена своя, и вознесе я на верх горы, яже пред лицем Хеврона, и положи их тамо.

Суд.16:3  с толкованием

4
И бысть по сем, и возлюби жену от водотечи Сориховы: имя же ей Далида.

Суд.16:4  с толкованием

5
И взыдоша к ней князи иноплеменничи и рекоша ей: прельсти его, и виждь, в чем есть крепость его великая, и чим преможем его, и свяжем его, яко смирити его: и мы тебе дадим кийждо тысящу и сто сребреников.

Суд.16:5  с толкованием

6
И рече Далида к Сампсону: повеждь ми ныне, в чем крепость твоя (тако) великая, и чим свяжешися и смиришися?

Суд.16:6  с толкованием

7
И рече ей Сампсон: аще свяжут мя седмию тятивами сырыми неистлевшими, и изнемогу, и буду яко един от человек.

Суд.16:7  с толкованием

8
И принесоша ей князи от иноплеменник седмь тятив мокрых неистлевших, и связа его ими:

Суд.16:8  с толкованием

9
и подсада ему седяше в храмине. И рече ему: иноплеменницы на тя, Сампсоне. И расторже тятивы, аки бы кто расторгнул соскание изгребий, егда коснется ему огнь: и не уведася крепость его.

Суд.16:9  с толкованием

10
И рече Далида к Сампсону: се, прельстил еси мя, глаголя ко мне лжу: ныне убо повеждь ми, чим свяжешися?

Суд.16:10  с толкованием

11
И рече к ней: аще вяжуще свяжут мя ужы новыми, имиже не делано, и изнемогу, и буду яко един от человек.

Суд.16:11  с толкованием

12
И взя Далида ужы новы и связа его ими, и рече ему: иноплеменницы на тя, Сампсоне. Подсада же седяше в храмине. И расторже я от руку своею аки нить.

Суд.16:12  с толкованием

13
И рече Далида к Сампсону: даже до ныне прельщал мя еси и глаголал ко мне лжу: повеждь ми убо, чим свяжешися? И рече ей: аще сплетеши седмь плениц влас главы моея спрядением и вбиеши колом в стену, и буду немощен яко един от человек.

Суд.16:13  с толкованием

14
И успи Далида его на коленех своих, и бысть внегда уснути ему, взя Далида седмь плениц влас главы его и сплете спрядением и вонзе колом в стену, и рече: иноплеменницы на тя, Сампсоне. И возбну от сна своего и исторже кол сплетением из стены, и не уведася крепость его.

Суд.16:14  с толкованием

15
И рече к нему Далида: како глаголеши, возлюбих тя, и сердце твое несть со мною? Се, третие прельстил еси мя, и не поведал еси мне, в чем крепость твоя великая.

Суд.16:15  с толкованием

16
И бысть егда стужи ему словесы своими по вся дни, и убеди его, и изнеможе даже до умертвия.

Суд.16:16  с толкованием

17
И поведа ей все сердце свое, и рече к ней: железо не взыде на главу мою, яко назорей есмь аз Господу от утробы матере моея: аще убо обриюся, отступит от мене крепость моя, и изнемогу, и буду якоже вси человецы.

Суд.16:17  с толкованием

18
И виде Далида, яко поведа ей все сердце свое, посла и призва князи иноплеменничи, глаголющи: взыдите еще единою, яко поведа ми все сердце свое. И взыдоша к ней вси князи иноплеменничи, и принесоша сребро в руках своих.

Суд.16:18  с толкованием

19
И успи Далида Сампсона на коленех своих: и призва стригача, и остриже седмь плениц влас главы его: и нача смирятися, и отступи крепость его от него.

Суд.16:19  с толкованием

20
И рече Далида: иноплеменницы на тя, Сампсоне. И возбудися от сна своего и рече: изыду якоже и прежде, и отрясуся. И не разуме, яко Господь отступи от него.

Суд.16:20  с толкованием

21
И яша его иноплеменницы, и избодоша ему очи, и введоша его в Газу, и оковаша его путы медяны: и бяше меля в храмине темничней.

Суд.16:21  с толкованием

22
И начаша власы главы его расти по острижении.

Суд.16:22  с толкованием

23
И князи иноплеменничи собрашася пожрети жертву велику Дагону богу своему и возвеселитися, и рекоша: предаде бог наш в руки нашя Сампсона врага нашего.

Суд.16:23  с толкованием

24
И видеша его людие, и похвалиша бога своего, яко реша: предаде бог наш в руки нашя врага нашего, опустошившаго землю нашу, и иже умножи язвенных наших.

Суд.16:24  с толкованием

25
И бысть егда возблажа сердце их, и рекоша: призовите Сампсона из дому темничнаго, и да играет пред нами. И призваша Сампсона из дому темничнаго, и играша пред ними: и заушаху его, и поставиша его между столпы.

Суд.16:25  с толкованием

26
И рече Сампсон ко юноши держащему его за руку: остави мене, да осяжу столпы, на нихже дом сей утвержден есть, и опруся на них. Юноша же сотвори тако.

Суд.16:26  с толкованием

27
Дом же бяше полн мужей и жен, и тамо вси князи иноплеменничи: на крове же том до трех тысящ мужей и жен, зряще ругаемаго Сампсона.

Суд.16:27  с толкованием

28
И воззва Сампсон ко Господу и рече: Адонаи Господи, Господи Сил, помяни мя ныне, и укрепи мя еще единою, Боже, да воздам мщение едино за два ока моя Филистимом.

Суд.16:28  с толкованием

29
И объя Сампсон оба столпа средния, на нихже храмина бяше утверждена, и опреся на них, держя един рукою десною, а другий левою.

Суд.16:29  с толкованием

30
И рече Сампсон: да умрет душа моя со иноплеменники. И преклонися крепостию, и паде храмина на князи и на вся люди иже в ней: и бысть мертвых, ихже умертви Сампсон при смерти своей, множае неже ихже умертви в животе своем.

Суд.16:30  с толкованием

31
И снидоша братия его и весь дом отца его, и взяша его: и взыдоша, и погребоша его между Сараи и между Есфаолом во гробе Маноя отца его. И сей суди Израилю лет двадесять. (и воста по Сампсоне Емегар сын Енань, и уби от иноплеменников шесть сот мужей кроме скота, и спасе и он Израиля.)

Суд.16:31  с толкованием

Глава 
17

Суд.17  с толкованием

1
И бысть муж от горы Ефремли, и имя ему Миха:

Суд.17:1  с толкованием

2
и рече матери своей: тысяща и сто сребреников иже украдены у тебе, и заклинала мя еси и глаголала еси во ушы мои: се, сребро у мене, аз взях е. И рече мати его: благословен сын мой Господеви.

Суд.17:2  с толкованием

3
И отдаде тысящу и сто сребреников матери своей. И рече мати его: освящающи освятих сребро Господеви от руки моея, тебе сынови моему сотворити (кумир) изваян и слиян, и ныне отдам е тебе.

Суд.17:3  с толкованием

4
И отдаде сребро матери своей. И взя мати его двести сребреников и даде их среброделю, и сотвори тое (кумир) изваян и слиян: и бысть в дому Михи.

Суд.17:4  с толкованием

5
И дом Михин ему дом Божий. И сотвори ефуд и ферафин: и наполни руку единому от сынов своих, и бысть ему жрец.

Суд.17:5  с толкованием

6
В тыя же дни не бяше царя во Израили: кийждо муж, еже право видяшеся пред очима его, творяше.

Суд.17:6  с толкованием

7
И бысть юноша от Вифлеема Иудина и от рода племене Иудина, и сей левитин, и обиташе тамо:

Суд.17:7  с толкованием

8
и пойде сей муж от града Вифлеема Иудина обитати, идеже обрящет место: и прииде до горы Ефремли и даже до дому Михина, еже сотворити путь свой.

Суд.17:8  с толкованием

9
И рече ему Миха: откуду идеши? И рече ему левитин: аз есмь от Вифлеема Иудина, и иду обитати, идеже обрящу место.

Суд.17:9  с толкованием

10
И рече ему Миха: седи со мною и буди ми отец и жрец, и аз дам тебе сребреников десять в год и двои ризы, и яже на житие тебе.

Суд.17:10  с толкованием

11
И пойде левит, и нача обитати у мужа. И бысть юноша ему яко един от сынов его.

Суд.17:11  с толкованием

12
И наполни Миха руку левитину, и бысть ему юноша жрец, и бяше в дому Михи.

Суд.17:12  с толкованием

13
И рече Миха: ныне уведех, яко благосотворит мне Господь, яко бысть мне левитин жрец.

Суд.17:13  с толкованием

Глава 
18

Суд.18  с толкованием

1
В тыя дни не бяше царя во Израили: и в тыя дни племя Даново искаше себе наследия вселитися, яко не паде ему наследие до дний оных среде племен сынов Израилевых.

Суд.18:1  с толкованием

2
И послаша сынове Дановы от сонмов своих пять мужей от части своея, мужы сильны от Сараи и Есфаола, соглядати землю и изследити ю, и рекоша к ним: идите и изследите землю. И приидоша до горы Ефремли, до дому Михина, и сташа тамо в дому Михи.

Суд.18:2  с толкованием

3
И тии познаша глас юноши левитина, и уклонишася тамо, и рекоша ему: кто тя приведе семо? И что твориши в месте сем? И что тебе зде?

Суд.18:3  с толкованием

4
И рече им: сице и сице сотвори мне Миха, и ная мя, и бых ему жрец.

Суд.18:4  с толкованием

5
И рекоша ему: вопроси убо Бога, и увемы, аще благопоспешится путь наш, в оньже мы идем.

Суд.18:5  с толкованием

6
И рече им жрец: идите с миром: пред Господем путь ваш, в оньже идете.

Суд.18:6  с толкованием

7
И идоша пять мужие и приидоша в Лаис: и видеша людий живущих в нем, седящих со упованием по обычаю Сидонян, в тишине и надежде, и не бе устрашаяй, или посрамляяй словесе на земли, наследник истязуяй сокровища: зане далече бяху от Сидонян, и не имяху словесе с киим либо человеком.

Суд.18:7  с толкованием

8
И приидоша пять мужей ко братии своей в Сараю и Есфаол и рекоша братии своей: что вы седите?

Суд.18:8  с толкованием

9
И реша: востаните, и взыдем на ня, зане видехом землю, и се, блага зело, и вы молчите: не обленитеся ити и внити еже наследити землю:

Суд.18:9  с толкованием

10
и егда приидете, внидете в люди живущыя со упованием, а земля пространна: яко предаде ю Бог в руки вашя, место на немже несть скудости во всем еже на земли.

Суд.18:10  с толкованием

11
И воздвигошася оттуду от племене Данова, от Сараи и Есфаола, шесть сот мужей препоясани во оружие ополчения,

Суд.18:11  с толкованием

12
и взыдоша и ополчишася в Кариафиариме во Иуде: сего ради наречеся место то полк Данов и до сего дне: се созади Кариафиарима.

Суд.18:12  с толкованием

13
И преидоша оттуду в гору Ефремлю и приидоша до дому Михина.

Суд.18:13  с толкованием

14
И отвещаша пять мужей ходившии соглядати землю Лаис и рекоша ко братии своей: разуместе ли, яко есть в дому сем ефуд и ферафин, и изваяно и слияно? И ныне уведите, что сотворите.

Суд.18:14  с толкованием

15
И уклонишася тамо и внидоша в дом юноши левитина, в дом Михин, и вопросиша его в мире.

Суд.18:15  с толкованием

16
И шесть сот мужей препоясани во оружие ополчения своего, стояще у дверий вратных, иже от сынов Дановых.

Суд.18:16  с толкованием

17
И взыдоша пять мужей ходивших соглядати землю: и вшедше тамо взяша изваяно, и ефуд и ферафин, и слияное: жрец же стояше у дверий вратных, и шесть сот мужей препоясани во оружие воинско:

Суд.18:17  с толкованием

18
и сии внидоша в дом Михин и взяша ефуд и ферафин, и слияно и изваяно. И рече к ним жрец: что вы творите?

Суд.18:18  с толкованием

19
И реша ему: умолчи, положи руку твою на уста твоя и пойди с нами, и буди нам отец и жрец: еда уне есть тебе быти жерцу единаго мужа дому, нежели быти жерцу племени и дому и сонма Израилева?

Суд.18:19  с толкованием

20
И возблажа сердце жреческо, и взя ефуд и ферафин, и изваяное и слияное, и вниде посреде людий.

Суд.18:20  с толкованием

21
И возвратишася и отидоша, и пустиша пред собою чада и притяжание свое честное.

Суд.18:21  с толкованием

22
Удалившымся же им от дому Михина, и се, Миха и мужие иже в жилищах, яже с домом Михиным быша, воззваша и постигоша сыны Дановы,

Суд.18:22  с толкованием

23
и возопиша к сыном Дановым: и обратиша сынове Дановы лица своя и реша к Михе: что есть тебе, яко воззвал еси?

Суд.18:23  с толкованием

24
И рече Миха: яко изваяное мое, еже сотворих, взясте, и жерца, и поидосте: и что мне еще? И что сие глаголете мне: что вопиеши?

Суд.18:24  с толкованием

25
И рекоша ему сынове Дановы: да не услышится ныне глас твой вслед нас, да не востанут на вы мужие лютою душею, и положиши душу твою и душу дому твоего.

Суд.18:25  с толкованием

26
И идоша сынове Дановы в путь свой. И виде Миха, яко сильнейшии суть паче его, и возвратися в дом свой.

Суд.18:26  с толкованием

27
И сынове Дановы взяша, елика сотвори Миха, и жерца, иже бяше у него, и приидоша в Лаис, к людем молчащым и уповающым надеждею, и избиша их острием меча, и град сожгоша огнем:

Суд.18:27  с толкованием

28
и не бяше избавляяй, яко далече бяху от Сидонян, и словесе не бяше им с человеком: и сей (град бысть) во удолии Дому Роовля: и соградиша град и вселишася в нем,

Суд.18:28  с толкованием

29
и нарекоша граду имя Дан, во имя Дана отца своего, иже родися Израилю: и бяше прежде имя граду Лаис.

Суд.18:29  с толкованием

30
И поставиша себе сынове Дановы изваяное: Ионафан же сын Гирсонь сын Манассиин, той и сынове его бяху жерцы племени Данову до дне преселения земли:

Суд.18:30  с толкованием

31
и поставиша себе изваяное, еже сотвори Миха, во вся дни, в няже бяше дом Божий в Силоме.

Суд.18:31  с толкованием

Глава 
19

Суд.19  с толкованием

1
И бысть в тыя дни не бяше царя во Израили: и бысть муж левитин живый во стране горы Ефремовы, и поя себе жену подложницу от Вифлеема Иудина:

Суд.19:1  с толкованием

2
и разгневася нань подложница его, и отиде от него в дом отца своего в Вифлеем Иудин, и бе тамо четыри месяцы:

Суд.19:2  с толкованием

3
и воста муж ея и иде вслед ея глаголати в сердце ея, обратити ю к себе и привести паки к себе: и отрок его с ним, и двое ослят: она же введе его в дом отца своего:

Суд.19:3  с толкованием

4
и виде его отец отроковицы и изыде с веселием во сретение его, и удержа его тесть его отец отроковицы, и пребысть с ним три дни, и ядоша и пиша, и спаша тамо.

Суд.19:4  с толкованием

5
И бысть в день четвертый, и обутреша заутра, и воста поити. И рече отец отроковицы к зятю своему: укрепи сердце твое укрухом хлеба, и по сем пойдете.

Суд.19:5  с толкованием

6
И седоша, и ядоша оба вкупе и пиша. И рече отец отроковицы к мужу: иди ныне и преспи, и возблажает сердце твое.

Суд.19:6  с толкованием

7
И воста муж поити: и понуди его тесть его, и седе, и пребысть тамо.

Суд.19:7  с толкованием

8
И воста рано в пятый день да идет. И рече отец отроковицы: укрепи убо сердце твое хлебом, и пребуди дондеже преклонится день. И ядоша и пиша оба.

Суд.19:8  с толкованием

9
И воста муж да идет сам и подложница его и отрок его. И рече ему тесть его отец отроковицы: се, уже преклонися день к вечеру, пребуди зде, и возблажает сердце твое, и обутреете утро в путь ваш, и отидеши в селение свое.

Суд.19:9  с толкованием

10
И не изволи муж пребыти, и воста и отиде: и прииде даже прямо Иевусу, сей есть Иерусалим, и с ним двое ослят с бремены, и подложница его с ним.

Суд.19:10  с толкованием

11
И приидоша до Иевуса, и день преклонися к вечеру зело: и рече отрок ко господину своему: гряди убо, да уклонимся во град сей Иевус и пребудем в нем.

Суд.19:11  с толкованием

12
И рече к нему господин его: не уклонимся во град чуждь, в немже несть от сынов Израилевых, но прейдем до Гаваона.

Суд.19:12  с толкованием

13
И рече ко отроку своему: гряди, да приступим ко единому от мест Гаваонских и пребудем в Гаваоне или в Раме.

Суд.19:13  с толкованием

14
И минуша, и идоша, и зайде им солнце близ Гаваона, иже есть Вениаминь:

Суд.19:14  с толкованием

15
и уклонишася тамо внити превитати в Гаваоне, и внидоша и седоша на стогнах града: и не бе муж вводяй их в дом превитати.

Суд.19:15  с толкованием

16
И се, муж стар идяше с дела своего из поля в вечер, и сей муж от горы Ефремли, и той обиташе в Гаваоне: и мужие места сынове Вениамини.

Суд.19:16  с толкованием

17
И возвед очи свои, виде мужа путника на стогнах градных, и рече муж старец: камо идеши и откуду грядеши?

Суд.19:17  с толкованием

18
И рече к нему: грядем мы от Вифлеема Иудина даже до стран горы Ефремли, отонудуже аз есмь: и ходих до Вифлеема Иудина, и иду аз в дом мой: и несть мужа вводящаго мя в дом:

Суд.19:18  с толкованием

19
а плевы и пища ослятом нашым есть, и мне хлеб и вино есть, и отроковице и отроку: рабом твоим несть скудно ни коея вещи.

Суд.19:19  с толкованием

20
И рече муж стар: мир тебе: и весь недостаток твой на мне, обаче на стогнах не лязи.

Суд.19:20  с толкованием

21
И введе его в дом свой, и даде место ослятом его: и омыша ноги своя, и ядоша и пиша.

Суд.19:21  с толкованием

22
Егда же возвеселися сердце их, и се, мужие градстии сынове беззаконников обыдоша дом биюще в двери, и реша мужу господину дому старцу, глаголюще: изведи мужа иже вниде в дом твой, да познаем его.

Суд.19:22  с толкованием

23
И изыде к ним муж господин дому и рече: ни, братия, не сотворите зла мужу сему повнегда внити ему в дом мой, и не сотворите безумия сего:

Суд.19:23  с толкованием

24
се, дщерь моя дева, и подложница его: изведу их, и смирите их, и сотворите им еже благо пред очима вашима: а мужу сему не сотворите словесе безумия сего.

Суд.19:24  с толкованием

25
И не изволиша мужие послушати его. И взя муж подложницу его и изведе ю к ним вон: и познаша ю и ругашася над нею всю нощь даже до утра, и отпустиша ю, егда взыде денница.

Суд.19:25  с толкованием

26
И прииде жена к заутрию, и паде у дверий дому, идеже бяше муж ея, до разсветания.

Суд.19:26  с толкованием

27
И воста муж ея заутра, и отверзе двери дому и изыде поити в путь свой: и се, жена его подложница лежаше при дверех дому, и руце ея на преддверии.

Суд.19:27  с толкованием

28
И рече к ней: востани, да идем. И не отвеща ему, бяше бо мертва. И возложи ю на осля, и воста муж и пойде на место свое.

Суд.19:28  с толкованием

29
И прииде в дом свой, и взя нож, и взя подложницу свою, и раздроби ю по удесем ея на дванадесять частей, и посла я во вся племена Израилева.

Суд.19:29  с толкованием

30
И бысть всяк видящий глаголаше: не бысть, ни видено бе сице от дне изшествия сынов Израилевых от земли Египетския даже до дне сего. И заповеда мужем, ихже посла, глаголя: сице глаголите ко всему Израилю: аще бысть по словеси сему? Уставите сами себе о ней совет и глаголите.

Суд.19:30  с толкованием

Глава 
20

Суд.20  с толкованием

1
И изыдоша вси сынове Израилевы, и собрашася весь сонм яко един муж, от Дана и до Вирсавии, и земля Галаадска к Господеви в Массифу,

Суд.20:1  с толкованием

2
и сташа пред лицем Господним вся племена Израилева в сонме людий Божиих, четыреста тысящ мужей пеших воздвизающих оружия.

Суд.20:2  с толкованием

3
И услышаша сынове Вениамини, яко взыдоша сынове Израилевы в Массифу, и рекоша сынове Израилевы: глаголите, где бысть злоба сия?

Суд.20:3  с толкованием

4
И отвеща муж левитин, муж жены умореныя, глаголя: в Гаваон Вениаминь приидох аз и подложница моя витати:

Суд.20:4  с толкованием

5
и восташа на мя мужие Гаваонстии и обыдоша мя во дворе нощию, и хотеша мя убити, и подложницу мою обидеша и обругаша, и умре:

Суд.20:5  с толкованием

6
и взях подложницу мою и раздробих ю, и послах ю во вся пределы наследия Израилева, яко сотвориша безумие во Израили:

Суд.20:6  с толкованием

7
се, вси вы сынове Израилевы, дадите себе слово и совет зде.

Суд.20:7  с толкованием

8
И восташа вси людие яко един муж, глаголюще: не отидет муж в селение свое, и не возвратится муж в дом свой:

Суд.20:8  с толкованием

9
и ныне слово сие, еже сотворим Гаваону: взыдем на него по жребию,

Суд.20:9  с толкованием

10
токмо возмем по десяти мужей от ста во всех племенех Израилевых, и сто от тысящи, и тысяща от тмы, взяти брашно людем исходящым в Гаваю Вениаминю, сотворити ему по всему согрешению, еже сотвори во Израили.

Суд.20:10  с толкованием

11
И собрашася вси мужие Израилевы ко граду, яко един муж из градов исходяще,

Суд.20:11  с толкованием

12
и послаша племена Израилева мужей во все племя Вениамине, глаголюще: кая злоба сия бывшая в вас?

Суд.20:12  с толкованием

13
И ныне дадите мужей беззаконных, иже в Гаваи, сынов велиаловых, и умертвим их, и очистим зло от Израиля. И не изволиша сынове Вениамини послушати гласа братии своея сынов Израилевых.

Суд.20:13  с толкованием

14
И собрашася сынове Вениамини от градов своих в Гаваю, изыти на брань к сыном Израилевым.

Суд.20:14  с толкованием

15
И сочтошася сынове Вениамини от градов в той день двадесять и пять тысящ мужей воздвизающих оружия, кроме живущих в Гаваи:

Суд.20:15  с толкованием

16
ихже сочтеся седмь сот мужей избранных от всех людий ободесноручных: сии вси пращницы мещуще камение ко власу и не погрешающе.

Суд.20:16  с толкованием

17
И всех мужей Израилевых сочтеся, кроме сынов Вениаминовых, четыреста тысящ мужей воздвизающих оружие: вси сии мужие воини.

Суд.20:17  с толкованием

18
И восташа, и взыдоша в Вефиль, и вопросиша Бога, и рекоша сынове Израилевы: кто от нас взыдет в начале воевати на сыны Вениамини? И рече Господь: Иуда в начале да взыдет вождь.

Суд.20:18  с толкованием

19
И восташа сынове Израилевы заутра и ополчишася на Гаваю.

Суд.20:19  с толкованием

20
И изыде всяк муж Израилев на брань с Вениамином, и сразишася с ними мужие Израилевы на брани у Гаваи.

Суд.20:20  с толкованием

21
И изыдоша сынове Вениаминовы из Гаваи, и избиша во Израили в той день двадесять две тысящы мужей на земли.

Суд.20:21  с толкованием

22
И укрепися всяк муж Израилев, и приложиша снитися на брань на место, идеже снидошася в день первый.

Суд.20:22  с толкованием

23
И взыдоша сынове Израилевы и плакашася пред Господем до вечера, и вопросиша Господа, глаголюще: аще приложим еще приступити на брань к сыном Вениаминим братиям нашым? И рече Господь: взыдите к ним.

Суд.20:23  с толкованием

24
И приидоша сынове Израилевы к сыном Вениаминим в день вторый.

Суд.20:24  с толкованием

25
И изыдоша сынове Вениамини противу им от Гаваи в день вторый, и избиша еще от сынов Израилевых осмьнадесять тысящ мужей на земли: сии вси воздвизающии оружие.

Суд.20:25  с толкованием

26
И взыдоша вси сынове Израилевы и вси людие, и приидоша в Вефиль, и плакашася, и седоша тамо пред Господем, и постишася в той день даже до вечера:

Суд.20:26  с толкованием

27
и вознесоша всесожжение спасения пред Господем, яко тамо кивот завета Господа Бога во дни оны,

Суд.20:27  с толкованием

28
и Финеес сын Елеазара сына Аароня предстоя пред ним в тыя дни. И вопросиша сынове Израилевы Господа, глаголюще: аще приложим взыти еще на брань к сыном Вениаминим братиям нашым, или оставим? И рече Господь: взыдите, заутра предам их в руки вашя.

Суд.20:28  с толкованием

29
И поставиша сынове Израилевы подсаду окрест Гаваи.

Суд.20:29  с толкованием

30
И взыдоша сынове Израилевы к сыном Вениаминим в день третий: и ополчишася на Гаваю яко единою и единою.

Суд.20:30  с толкованием

31
И изыдоша сынове Вениамини противу людем и протягошася из града, и начаша убивати людий уязвленых, якоже первое и второе на путех, от нихже есть един сходяй в Вефиль, а другий в Гаваю на селе, яко тридесять мужей во Израили.

Суд.20:31  с толкованием

32
И рекоша сынове Вениамини: падают пред нами якоже и прежде. И сынове Израилевы рекоша: побежим и отторгнем их от града на пути. И сотвориша тако.

Суд.20:32  с толкованием

33
И вси мужие Израилевы восташа от места своего и снидошася в Ваал-Фамаре: подсада же Израилева нахождаше от места своего от запада Гаваи.

Суд.20:33  с толкованием

34
И приидоша противу Гаваи десять тысящ мужей избранных от всего Израиля, и брань бяше тяжка: и тии не разумеша, яко постизает их зло.

Суд.20:34  с толкованием

35
И порази Господь Вениамина пред сыны Израилевыми: и избиша сынове Израилевы от Вениамина в той день двадесять пять тысящ и сто мужей: сии вси воздвизаху оружие.

Суд.20:35  с толкованием

36
И видеша сынове Вениамини, яко поражени суть. И даша место сынове Израилевы Вениамину, понеже уповаша на подсаду, юже подсадиша у Гаваи:

Суд.20:36  с толкованием

37
и подвижеся подсада, и устремися на Гаваю, и избиша весь град острием меча.

Суд.20:37  с толкованием

38
И Израилтяне имяху знамение с подсадою брани, явити знамение дыма из града.

Суд.20:38  с толкованием

39
И возвратися Израиль на брань, и Вениамин нача убивати язвеных во Израили до тридесяти мужей, яко рекоша: паки падением падают пред нами, якоже и первая брань.

Суд.20:39  с толкованием

40
И знамение взыде наипаче над градом, аки столп дыма: и озреся Вениамин вспять, и се, взыде скончание града до небеси.

Суд.20:40  с толкованием

41
И муж Израилев возвратися: и потщашася мужие Вениамини, видеша бо, яко постиже их зло,

Суд.20:41  с толкованием

42
и побегоша пред сыны Израилевыми на путь пустыни, брань же постиже их, и иже из градов избиваша их среде себе:

Суд.20:42  с толкованием

43
и побиваху Вениамина, и гнаша его от Нуа вслед его до Гаваи без опочивания, и поразиша его даже противу Гаваи на восток солнца.

Суд.20:43  с толкованием

44
И падоша от Вениамина осмьнадесять тысящ мужей, сии вси мужие сильнии.

Суд.20:44  с толкованием

45
И озрешася оставшии, и побегоша в пустыню к каменю Реммоню: и пожаша от них сынове Израилевы по стезям яко стеблие пять тысящ мужей, и гнаша вслед их до Гадаама и избиша от них две тысящы мужей.

Суд.20:45  с толкованием

46
И быти всех падших от Вениамина в той день двадесять пять тысящ мужей воздвизающих оружие, вси сии мужие сильнии.

Суд.20:46  с толкованием

47
И озрешася оставшии, и вбегоша в пустыню к каменю Реммоню шесть сот мужей, и седеша в камени Реммони четыри месяцы.

Суд.20:47  с толкованием

48
Сынове же Израилевы возвратишася к сыном Вениаминим, и избиша я оружием от града вне, даже и до скота, и все еже обретеся во всех градех, и грады вся обретшыяся пожгоша огнем.

Суд.20:48  с толкованием