Глава 
4

показать остальные стихи главы...

4
помяни, чадо, яко многа бедстгвия виде о тебе во чреве: егда умрет, поогреби ю при мне во единем гробе:


5
вся дни, чадо, Господа Бога нашего помни, и да не похощеши согрешати и преступати заповеди Его: правду твори вся дни живота твоего, и да не ходиши путем неправды,


6
зане творящу ти истину благопоспешества будут в делех твоих и всем творящым правду:


7
от имений твоих твори милостыню, и да не зазрит твое око, внегда творити ти милостыню: да не отвращаеши лица твоего от всякаго нищаго, и от тебе не отвратится лице Божие:


8
якоже тебе будет по множеству, твори от них милостыню: аще мало тебе будет, по малому да не боишися творити милостыню:


9
залог бо добр сокровищствуеши тебе на день нужды,


10
зане милостыня от смерти избавляет и не оставляет ити во тму:

показать остальные стихи главы...