Глава 
31

Втор.31  с толкованием

1
И сконча Моисей глаголя вся словеса сия ко всем сыном Израилевым

Втор.31:1  с толкованием

2
и рече к ним: ста и двадесяти лет аз есмь днесь: не возмогу ксему входити и исходити: Господь же рече ко мне: не прейдеши Иордана сего:

Втор.31:2  с толкованием

3
Господь Бог твой предидый пред лицем твоим, Той потребит языки сия от лица твоего, и наследиши их: и Иисус предидый пред лицем твоим, якоже глагола Господь:

Втор.31:3  с толкованием

4
и сотворит им Господь, якоже сотвори Сиону и Огу, двум царем Аморрейским, иже быша об он пол Иордана, и земли их, якоже потреби их

Втор.31:4  с толкованием

5
и предаде их Господь в руце ваши: и сотворите им, якоже заповедах вам:

Втор.31:5  с толкованием

6
мужайся и крепися, не бойся, ни ужасайся, ни устрашайся от лица их: яко Господь Бог твой, Сей предидый с вами, и не отступит от тебе, ниже оставит тя.

Втор.31:6  с толкованием

7
И призва Моисей Иисуса и рече ему пред всем Израилем: мужайся и крепися: ты бо внидеши пред лицем людий сих в землю, юже клятся Господь отцем вашым дати им, и ты в наследие разделиши ю им:

Втор.31:7  с толкованием

8
и Господь, идый с тобою, не отступит от тебе, ниже оставит тя: не бойся, ни ужасайся.

Втор.31:8  с толкованием

9
И вписа Моисей вся словеса закона сего в книгу и даде жерцем сыном Левииным, воздвижущым ковчег завета Господня, и старцем сынов Израилевых.

Втор.31:9  с толкованием

10
И заповеда им Моисей в той день, глаголя: по седми летех во время лета оставления, в праздник кущей?

Втор.31:10  с толкованием

11
Егда сходится весь Израиль явитися пред Господем Богом твоим на месте, еже изберет Господь, читайте закон сей пред всем Израилем во ушы их:

Втор.31:11  с толкованием

12
соберите люди, мужы и жены и дети, и пришелца, иже во градех ваших, да услышат и научатся боятися Господа Бога вашего, и послушают творити вся словеса закона сего:

Втор.31:12  с толкованием

13
и сынове их, иже не ведят, услышат и научатся боятися Господа Бога вашего во вся дни, елики поживут на земли, на нюже вы преходите Иордан тамо наследити ю.

Втор.31:13  с толкованием

14
И рече Господь к Моисею: се, приближишася дние смерти твоея: призови Иисуса, и станите пред дверми скинии свидения, и заповем ему и иде Моисей и Иисус ко скинии свидения, и счаста пред дверми скинии свидения.

Втор.31:14  с толкованием

15
И сниде Господь в столпе облачне, и ста у дверий скинии свидения: и ста столп облачный у дверий скинии свидения.

Втор.31:15  с толкованием

16
И рече Господь к Моисею: се, ты почиеши со отцы твоими, и воставше людие сии соблудят вслед богов чуждих земли, в нюже входят сии тамо, и оставят Мя, и разорят завет Мой, егоже завещах им:

Втор.31:16  с толкованием

17
и разгневаюся яростию на ня в той день, и оставлю я, и отвращу лице Мое от них, и будут в снедь: и обрящут я зла многа и скорби, и рекут в день той: понеже несть Господа Бога в нас, постигнуша ны злая сия:

Втор.31:17  с толкованием

18
Аз же отвращением отвращу лице Мое от них в той день, злоб ради всех яже сотвориша, яко обратишася к богом чуждим:

Втор.31:18  с толкованием

19
и ныне напишите словеса песни сея, и научите ей сыны Израилевы, и вложите ю во уста их, да будет Мне песнь сия во свидетелство в сынех Израилевых:

Втор.31:19  с толкованием

20
введу бо их в землю благую, еюже кляхся отцем их, дати им землю кипящую медом и млеком, и ядят, и насытившеся утолстеют, и обратятся к богом чуждим, и послужат им, и разгневают Мя, и разорят завет Мой, егоже завещах им:

Втор.31:20  с толкованием

21
и будет егда постигнут их многа зла и скорби, и противостанет песнь сия пред лице их свидетелствующи, яко не забвена будет от яст их и от уст семене их: Аз бо вем злобу их, елика творят днесь зде, прежде введения их в землю благую, еюже кляхся отцем их.

Втор.31:21  с толкованием

22
И написа Моисей песнь сию в той день и научи ей сыны Израилевы и заповеда Моисей Иисусу сыну Навину и рече ему:

Втор.31:22  с толкованием

23
мужайся и крепися: ты бо введеши сыны Израилевы в землю, еюже клятся им Господь, и Той будет с тобою.

Втор.31:23  с толкованием

24
Егда же сконча Моисей пиша вся словеса закона сего в книгу даже до конца,

Втор.31:24  с толкованием

25
и заповеда левитом воздвижущым ковчег завета Господня, глаголя:

Втор.31:25  с толкованием

26
вземше книгу закона сего, положите ю от страны ковчега завета Господа Бога вашего, и будет тамо вам во свидетелство:

Втор.31:26  с толкованием

27
яко аз вем рвение твое и выю твою жестокую: еще бо мне живу сущу с вами днесь, преогорчающе бысте Господа, кольми паче по смерти моей?

Втор.31:27  с толкованием

28
Соберите ко мне племеноначалники вашя и старцы вашя, и судии вашя и книговводители вашя, да возглаголю во ушы их вся словеса сия и засвидетелствую им небом и землею:

Втор.31:28  с толкованием

29
вем бо, яко по скончании моем беззаконием собеззаконнуете и уклонитеся от пути, егоже (аз) заповедах вам, и срящут вас злая в последния дни, яко сотворите злое пред Господем Богом, прогневати Его в делех рук ваших.

Втор.31:29  с толкованием

30
И глагола Моисей во ушеса всего сонма Израилева словеса песни сея даже до конца:

Втор.31:30  с толкованием

Глава 
32

Втор.32  с толкованием

1
Вонми, небо, и возглаголю, и да слышит земля глаголы уст моих,

Втор.32:1  с толкованием

2
да чается яко дождь вещание мое, и да снидут яко роса глаголи мои, яко туча на троскот и яко иней на сено:

Втор.32:2  с толкованием

3
яко имя Господне призвах, дадите величие Богу нашему.

Втор.32:3  с толкованием

4
Бог, истинна дела Его, и вси путие Его суд: Бог верен, и несть неправды в Нем: праведен и преподобен Господь.

Втор.32:4  с толкованием

5
Согрешиша, не Того чада порочная: роде строптивый и развращенный,

Втор.32:5  с толкованием

6
сия ли Господеви воздаете, сии людие буии и не мудри? Не Сам ли сей Отец твой стяжа тя, и сотвори тя, и созда тя?

Втор.32:6  с толкованием

7
Помяните дни вечныя, разумейте лета рода родов: вопроси отца твоего, и возвестит тебе, старцы твоя, и рекут тебе.

Втор.32:7  с толкованием

8
Егда разделяюще Вышний языки, яко разсея сыны Адамовы, постави пределы языков по числу ангел Божиих,

Втор.32:8  с толкованием

9
и бысть часть Господня, людие Его Иаков, уже наследия Его Израиль:

Втор.32:9  с толкованием

10
удовли его в пустыни, в жажди зноя в безводне: обыде его и наказа его, и сохрани его яко зеницу ока:

Втор.32:10  с толкованием

11
яко орел покры гнездо свое, и на птенцы своя возжеле: простер криле свои и прият их, и подят их на раму своею.

Втор.32:11  с толкованием

12
Господь един вождаше их, и не бе с ними бог чуждь:

Втор.32:12  с толкованием

13
возведе я на силу земли, насыти их жит селных: ссаша мед из камене и елей от тверда камене,

Втор.32:13  с толкованием

14
масло кравие и млеко овчее с туком агнчим и овним сынов юнчих и козлих, с туком пшеничным, и кровь гроздову пияху вино.

Втор.32:14  с толкованием

15
И яде Иаков и насытися, и отвержеся возлюбленный: уты, утолсте, разшире: и остави Бога сотворшаго его, и отступи от Бога спаса своего.

Втор.32:15  с толкованием

16
Прогневаша Мя о чуждих, и в мерзостех своих преогорчиша Мя.

Втор.32:16  с толкованием

17
Пожроша бесовом, а не Богу, богом, ихже не ведеша: нови и секрати приидоша, ихже не ведеша отцы их.

Втор.32:17  с толкованием

18
Бога рождшаго тя оставил еси и забыл еси Бога питающаго тя.

Втор.32:18  с толкованием

19
И виде Господь, и возревнова, и раздражися за гнев сынов их и дщерей,

Втор.32:19  с толкованием

20
и рече: отвращу лице Мое от них и покажу, что будет им напоследок, яко род развращен есть, сынове, имже несть веры в них:

Втор.32:20  с толкованием

21
тии раздражиша Мя не от бозе, прогневаша Мя во идолех своих: и Аз раздражу их не о языце, от языце же неразумливе прогневаю их:

Втор.32:21  с толкованием

22
яко огнь возгорится от ярости Моея, разжжется до ада преисподняго, снест землю и жита ея, попалит основания гор:

Втор.32:22  с толкованием

23
соберу на них злая, и стрелы Моя скончаю в них:

Втор.32:23  с толкованием

24
тающе гладом и снедию птиц, и горб неисцелен: зубы зверий послю в на, с яростию пресмыкающихся по земли:

Втор.32:24  с толкованием

25
отвне обезчадит их мечь, и от храмов их страх: юноша с девою, ссущее с совершенным старцем.

Втор.32:25  с толкованием

26
Рех: разсею их, уставлю же от человек память их:

Втор.32:26  с толкованием

27
токмо за гнев врагов, да не долголетствуют, и да не налягут супостати, да не рекут: рука наша высока, и не Господь сотвори сия вся:

Втор.32:27  с толкованием

28
яко язык погубивый совет есть, и несть в них художества, не смыслиша разумети:

Втор.32:28  с толкованием

29
сия вся да приимут во грядущее лето.

Втор.32:29  с толкованием

30
Како поженет един тысящы, и два двигнета тмы, аще не Бог отдаде их, и Господь предаде их?

Втор.32:30  с толкованием

31
Не суть бо бози их, яко Бог наш: врази же наши неразумливи.

Втор.32:31  с толкованием

32
От виноградов бо Содомских виноград их, и розга их от Гоморры: грозд их грозд желчи, грозд горести их:

Втор.32:32  с толкованием

33
ярость змиев вино их, и ярость аспидов неисцельна.

Втор.32:33  с толкованием

34
Не сия ли вся собрашася у Мене и запечатлешася в сокровищах Моих?

Втор.32:34  с толкованием

35
В день отмщения воздам, во время егда соблазнится нога их: яко близ день погибели их, и предстоят готовая вам:

Втор.32:35  с толкованием

36
яко судити имать Господь людем Своим, и о рабех Своих умолен будет: виде бо их разслабленны и истаявшя во время и изнемогшя.

Втор.32:36  с толкованием

37
И рече Господь: где суть бози их, на нихже уповаша,

Втор.32:37  с толкованием

38
ихже тук жертв их ядясте, и пиясте вино треб их? Да воскреснут и помогут вам, и будут вам покровители.

Втор.32:38  с толкованием

39
Видите, видите, яко Аз есмь, и несть Бог разве Мене: Аз убию и жити сотворю: поражу и Аз исцелю, и несть иже измет от руку Моею:

Втор.32:39  с толкованием

40
яко воздвигну на небо руку Мою, и кленуся десницею Моею, и реку: живу Аз во веки:

Втор.32:40  с толкованием

41
яко поострю якоже молнию мечь Мой, и приимет суд рука Моя, и воздам месть врагом и ненавидящым Мя воздам:

Втор.32:41  с толкованием

42
упою стрелы Моя от крове, и мечь Мой снест мяса от крове язвеных и пленения, от глав князей языческих.

Втор.32:42  с толкованием

43
Возвеселитеся, небеса, купно с Ним, и да поклонятся Ему вси Ангели Божии: возвеселитеся, языцы, с людьми Его, и да укрепятся ему вси сынове Божии: яко кровь сынов Своих отмщает и отмстит, и воздаст месть врагом и ненавидящым Его воздаст: и очистит Господь землю людий Своих.

Втор.32:43  с толкованием

44
И написа Моисей песнь сию в той день, и научи ей сыны Израилевы: и вниде Моисей к людем и глагола вся словеса закона сего во ушы людем, сам и Иисус Навин.

Втор.32:44  с толкованием

45
И сконча Моисей глаголя словеса сия вся всему Израилю,

Втор.32:45  с толкованием

46
и рече к ним: внемлите сердцем вашим вся словеса сия, яже аз засвидетелствую вам днесь, яже да заповесте сыном вашым, хранити и творити вся словеса закона сего,

Втор.32:46  с толкованием

47
яко не тщетно слово сие вам, зане сия жизнь ваша, и ради слова сего долги дни будете на земли, на нюже вы преходите Иордан тамо наследити ю.

Втор.32:47  с толкованием

48
И рече Господь к Моисею в день сей, глаголя:

Втор.32:48  с толкованием

49
взыди на гору Аварим, сия гора Навав, яже есть в земли Моавли прямо Иерихону, и виждь землю Ханааню, юже аз даю сыном Израилевым во обдержание:

Втор.32:49  с толкованием

50
и скончайся тамо на горе, на нюже восходиши, и приложися к людем твоим, якоже умре Аарон брат твой на горе Ор и приложися к людем своим:

Втор.32:50  с толкованием

51
понеже не покористеся словеси Моему в сынех Израилевых у воды Пререкания Кадис в пустыни Син, понеже не освятисте Мене в сынех Израилевых:

Втор.32:51  с толкованием

52
яко прямо узриши землю, и тамо не внидеши, юже даю сыном Израилевым.

Втор.32:52  с толкованием

Глава 
33

Втор.33  с толкованием

1
И сие благословение, имже благослови Моисей человек Божий сыны Израилевы прежде скончания своего,

Втор.33:1  с толкованием

2
и рече: Господь от Синаи прииде, и явися от Сиира нам, и приспе от горы Фарани, и прииде со тмами святых, одесную Его ангели с ним,

Втор.33:2  с толкованием

3
и пощаде люди Своя: и вси освященнии под руками Твоими, и сии под Тобою суть.

Втор.33:3  с толкованием

4
И прия от словес Его закон, егоже заповеда нам Моисей, наследие сонму Иаковлю:

Втор.33:4  с толкованием

5
и будет в Возлюбленнем князь, собравшымся князем людским купно с племены Израилевыми.

Втор.33:5  с толкованием

6
Да живет Рувим, и да не умрет, и Симеон да будет мног числом.

Втор.33:6  с толкованием

7
И сие Иуде: услыши, Господи, глас Иудин и в люди его вниди: руце его поборют по нем, и помощник на враги его да будеши.

Втор.33:7  с толкованием

8
И Левию рече: дадите Левию явленная Его, и истину Его мужу преподобну, егоже искусиша Искушением, укориша его у воды Пререкания:

Втор.33:8  с толкованием

9
глаголяй отцу своему и матери своей: не видех тебе: и братии своея не позна, и сынов своих не уведе: сохрани словеса Твоя и завет Твой соблюде:

Втор.33:9  с толкованием

10
явят оправдания Твоя Иакову и закон Твой Израилю: возложат фимиам во гневе Твоем всегда на олтарь Твой:

Втор.33:10  с толкованием

11
благослови, Господи, крепость его и дела руку его приими: порази чресла воставших на него врагов его, и ненавидящии его да не востанут.

Втор.33:11  с толкованием

12
И Вениамину рече: возлюбленный Господем уповаяй вселится (в Нем), и Бог осеняет его во вся дни, и посреде рамен Его почи.

Втор.33:12  с толкованием

13
И Иосифови рече: от благословения Господня земля его, от красот небесных и росы, и от бездн источников низу,

Втор.33:13  с толкованием

14
и во время плодов солнечных обращений, и от схождений месячных,

Втор.33:14  с толкованием

15
и от верха гор начала, и от верха холмов вечных,

Втор.33:15  с толкованием

16
и по времени земли исполнения: и приятная Явившемуся в купине, да приидут на главу Иосифу, и на версе прославивыйся в братии.

Втор.33:16  с толкованием

17
Первородный юнца доброта его, рози единорога рози его: ими языки избодет вкупе даже до края земли: сия тмы Ефремовы, и сия тысящи Манассиины.

Втор.33:17  с толкованием

18
И Завулону рече: возвеселися, Завулоне, во исходе твоем, и Иссахаре в селениих твоих:

Втор.33:18  с толкованием

19
языки потребят: и призовете тамо, и пожрете тамо жертву правды: яко богатство морское воздоит тя, и купли от язык при мори живущих.

Втор.33:19  с толкованием

20
И Гаду рече: благословен разширяяй Гада: яко лев почи, сокрушивый мышцу и князя:

Втор.33:20  с толкованием

21
и виде начатки своя, яко тамо разделися земля, князей собранных вкупе с началники людскими: правду Господь сотвори и суд Свой со Израилем.

Втор.33:21  с толкованием

22
И Дану рече: Дан, скимен львов, и изскочит от Васана.

Втор.33:22  с толкованием

23
И Неффалиму рече: Неффалиму насыщение приятных, и да насытится благословением от Господа: море и юг наследит.

Втор.33:23  с толкованием

24
И Асиру рече: благословен от чад Асир, и будет приятен братии своей: омочит в елей ногу свою:

Втор.33:24  с толкованием

25
железо и медь сапог его будет, и аки дни твоя крепость твоя.

Втор.33:25  с толкованием

26
Несть якоже Бог Возлюбленнаго: восходяй на небо помощник твой, и великолепый в тверди:

Втор.33:26  с толкованием

27
и покрыет тя Божие начало, и под крепостию мышцей вечных: и отженет от лица твоего врага, глаголя: да погибнеши:

Втор.33:27  с толкованием

28
и вселится Израиль уповая един на земли Иаковли в вине и пшенице: и небо ему облачно росою.

Втор.33:28  с толкованием

29
Блажен еси, Израилю: кто подобен тебе, людие спасаемии от Господа? Защитит помощник твой, и мечь хвала твоя: и солжут тебе врази твои, и ты на выю их наступиши.

Втор.33:29  с толкованием

Глава 
34

Втор.34  с толкованием

1
И взыде Моисей от аравофа Моавля на гору Навав, на верх Фазга, яже есть прямо Иерихону: и показа ему Господь всю землю Галаадску даже до Дана,

Втор.34:1  с толкованием

2
и всю землю Неффалимлю, и всю землю Ефремову и Манассиину, и всю землю Иудину даже до моря последняго,

Втор.34:2  с толкованием

3
и пустыню и окрестная (села) Иерихона, град Фиников даже до Сигора,

Втор.34:3  с толкованием

4
и рече Господь к Моисею: сия земля, еюже кляхся Аврааму и Исааку и Иакову, глаголя: семени вашему дам ю: и показах ю очесем твоим, и тамо не внидеши.

Втор.34:4  с толкованием

5
И скончася тамо Моисей раб Господень в земли Моавли словом Господним.

Втор.34:5  с толкованием

6
И погребоша его в земли Моавли близ дому Фогорова. И не уведа никтоже погребения его даже до дне сего.

Втор.34:6  с толкованием

7
Моисею же бе сто и двадесять лет, егда скончася: не отемнесте очи его, ни истлеста устне его.

Втор.34:7  с толкованием

8
И плакашася сынове Израилевы Моисеа во Аравофе Моавли у Иордана близ Иерихона тридесять дний. И скончашася дние плача сетования о Моисей.

Втор.34:8  с толкованием

9
И Иисус сын Навин наполнися духа разума: возложи бо Моисей руце свои на него. И послушаша его сынове Израилевы, и сотвориша якоже заповеда Господь Моисею.

Втор.34:9  с толкованием

10
И не воста ктому пророк во Израили якоже Моисей, егоже позна Господь лицем к лицу,

Втор.34:10  с толкованием

11
во всех знамениих и чудесех, егоже посла Господь сотворити я в земли Египетстей фараону и рабом его и всей земли его,

Втор.34:11  с толкованием

12
дивная великая, и руку крепкую (и мышцу высокую), яже сотвори Моисей пред всем Израилем.

Втор.34:12  с толкованием