Глава 
1

Зах.1  с толкованием

1
Во осмый месяц, втораго лета, при Дарии, бысть слово Господне ко Захарии Варахиину, сыну Аддову, пророку, глаголя:

Зах.1:1  с толкованием

2
прогневася Господь на отцы вашя гневом велиим,

Зах.1:2  с толкованием

3
и речеши к ним: сице глаголет Господь Вседержитель: обратитеся ко Мне, глаголет Господь Сил, и обращуся к вам, глаголет Господь Сил.

Зах.1:3  с толкованием

4
И не будите, якоже отцы ваши, ихже обличаху пророцы прежнии, глаголюще: сице глаголет Господь Вседержитель: отвратитеся от путий ваших лукавых и от начинаний ваших злых: и не послушаша и не вняша послушати Мене, глаголет Господь (Вседержитель).

Зах.1:4  с толкованием

5
Отцы ваши где суть и пророцы? Еда во век поживут?

Зах.1:5  с толкованием

6
Обаче словеса Моя и законы Моя приемлете, елика Аз заповедаю в Дусе Моем рабом Моим пророком, иже постигнуша отцев ваших. И отвещаша и реша: якоже устави Господь Вседержитель сотворити нам по путем нашым и по начинанием нашым, тако сотвори нам.

Зах.1:6  с толкованием

7
В двадесять четвертый первагонадесять месяца, сей есть месяц Сават, во второе лето, при Дарии, бысть слово Господне ко Захарии Варахиину, сыну Аддову, пророку, глаголя:

Зах.1:7  с толкованием

8
видех нощию, и се, муж всед на коня рыжа, и сей стояше между горами осеняющими, и за ним кони рыжы и сери, и пестри и бели,

Зах.1:8  с толкованием

9
и рех: что сии, господи? И рече ко мне Ангел глаголяй во мне: аз покажу ти, что суть сия.

Зах.1:9  с толкованием

10
И отвеща муж стояй между горами и рече ко мне: сии суть, ихже посла Господь оыти землю.

Зах.1:10  с толкованием

11
И отвещаша Ангелу Господню стоящему между горами и реша: обыдохом всю землю, и се, вся земля населена есть и молчит.

Зах.1:11  с толкованием

12
И отвеща Ангел Господень и рече: Господи Вседержителю, доколе не имаши помиловати Иерусалима и грады Иудовы, яже презрел еси, сие седмьдесятое лето?

Зах.1:12  с толкованием

13
И отвеща Господь Вседержитель Ангелу глаголющему во мне глаголголы добры и словеса утешна.

Зах.1:13  с толкованием

14
И рече ко мне Ангел глаголяй во мне: возопий глаголя: сице глаголет Господь Вседержитель: ревновах по Иерусалиму и Сиону рвением великим,

Зах.1:14  с толкованием

15
и гневом велиим Аз гневаюся на языки нападающыя: зане Аз убо прогневахся мало, они же налегоша во злая.

Зах.1:15  с толкованием

16
Сего ради сице глаголет Господь: обращуся ко Иерусалиму щедротами, и храм Мой созиждется в нем, глаголет Господь Вседержитель, и мера протягнется во Иерусалиме еще.

Зах.1:16  с толкованием

17
И рече ко мне Ангел глаголяй во мне: еще возопий глаголя: сице глаголет Господь Вседержитель: еще прелиятися имут гради благими, и помилует Господь еще Сиона и изберет еще Иерусалима.

Зах.1:17  с толкованием

18
И возведох очи мои и видех, и се, четыри рози,

Зах.1:18  с толкованием

19
и рех ко Ангелу глаголющему во мне: что суть сия, господи? И рече ко мне: сии рози расточившии Иуду и Израиля и Иерусалима.

Зах.1:19  с толкованием

20
И показа ми Господь четыри древоделя.

Зах.1:20  с толкованием

21
И рех: что сии грядут сотворити, (господи)? И рече: сии рози расточившии Иуду, и Израиля сокрушиша, и никтоже от них воздвиже главы: и изыдоша сии поострити я в руках своих четыри рози, языцы возносящии рог на землю Господню, еже расточити ю.

Зах.1:21  с толкованием

Глава 
2

Зах.2  с толкованием

1
И возведох очи мои и видех, и се, муж, и в руце его уже землемерно.

Зах.2:1  с толкованием

2
И рех к нему: камо грядеши ты? И рече ко мне: размерити Иерусалима, еже видети, колика широта его есть и колика долгота.

Зах.2:2  с толкованием

3
И се, Ангел глаголяй во мне стояше, и ин Ангел исхождаше во сретение ему

Зах.2:3  с толкованием

4
и рече к нему глаголя: тецы и рцы к юноши оному глаголя: плодовито населится Иерусалим от множества человеков и скотов, иже посреде его:

Зах.2:4  с толкованием

5
и Аз буду ему, глаголет Господь, стена огнена окрест и в славу буду посреде его.

Зах.2:5  с толкованием

6
О, о, бежите от земли северныя, глаголет Господь, зане от четырех ветров небесных соберу вы, глаголет Господь:

Зах.2:6  с толкованием

7
в Сион спасайтеся, живущии во дщери Вавилонстей.

Зах.2:7  с толкованием

8
Зане сице глаголет Господь Вседержитель: вслед славы посла Мя на языки пленившыя вас, зане касаяйся вас яко касаяйся в зеницу ока Его:

Зах.2:8  с толкованием

9
зане, се, Аз наношу руку Мою на ня, и будут корысть работающым им, и уразумеете, яко Господь Вседержитель посла Мя.

Зах.2:9  с толкованием

10
Красуйся и веселися, дщи Сионя, зане, се, Аз гряду и вселюся посреде тебе, глаголет Господь.

Зах.2:10  с толкованием

11
И прибегнут языцы мнози ко Господу в той день и будут Ему в люди и вселятся посреде тебе, и уразумееши, яко Господь Вседержитель посла Мя к тебе.

Зах.2:11  с толкованием

12
И наследит Господь Иуду, участие Свое на земли святей, и изберет еще Иерусалима.

Зах.2:12  с толкованием

13
Да благоговеет всяка плоть от лица Господня, яко воста из облак святых Своих.

Зах.2:13  с толкованием

Глава 
3

Зах.3  с толкованием

1
И показа ми Господь Иисуса, иереа великаго, стояща пред лицем Ангела Господня, и диавол стояше одесную его, еже противитися ему.

Зах.3:1  с толкованием

2
И рече Господь ко диаволу: да запретит Господь тебе, диаволе, и да запретит Господь тебе, избравый Иерусалима: не се ли, сие яко главня исторжена из огня?

Зах.3:2  с толкованием

3
Иисус же бе оболчен в ризы гнусны и стояше пред лицем Ангела.

Зах.3:3  с толкованием

4
И отвеща и рече к стоящым пред лицем его глаголя: отимите ризы гнусныя от него. И рече к нему: се, отях от тебе беззакония твоя и грехи твоя очищу, и облецыте его в подир

Зах.3:4  с толкованием

5
и возложите кидар чист на главу его. И возложиша кидар чист на главу его и облекоша его в ризы. И Ангел Господень стояше,

Зах.3:5  с толкованием

6
и засвидетелствоваше Ангел Господень ко Иисусу глаголя:

Зах.3:6  с толкованием

7
сице глаголет Господь Вседержитель: аще в путех Моих пойдеши и повеления Моя сохраниши, и ты разсудиши храм Мой: и аще сохраниши двор Мой, и дам ти сообращающыяся посреде стоящих сих.

Зах.3:7  с толкованием

8
Послушай убо, Иисусе, иерею великий, ты и искреннии твои седящии пред лицем твоим, зане мужие дивозрителие суть: зане, се, Аз ввожду раба Моего Востока:

Зах.3:8  с толкованием

9
зане камень, егоже дах пред лицем Иисусовым, на камени единем седмь очес суть: се, Аз изрыю ров, глаголет Господь Вседержитель, и осяжу всю обиду земли оныя в день един.

Зах.3:9  с толкованием

10
В день оный, глаголет Господь Вседержитель, созовете кийждо искренняго своего под виноград и под смоковницу.

Зах.3:10  с толкованием

Глава 
4

Зах.4  с толкованием

1
И обратися Ангел глаголяй во мне и возведе мя, якоже егда востанет человек от сна своего,

Зах.4:1  с толкованием

2
и рече ко мне: что ты видиши? И рех: видех, и се, свещник злат весь, и светилце верху его, и седмь светилник верху его, и седмь чашиц светилником верхним его,

Зах.4:2  с толкованием

3
и две маслины верху его, едина одесную светилца его и едина ошуюю.

Зах.4:3  с толкованием

4
И вопросих и рех ко Ангелу глаголющему во мне глаголя: что суть сия, господи?

Зах.4:4  с толкованием

5
И отвеща Ангел глаголяй во мне и рече ко мне глаголя: не разумееши ли, что суть сия? И рех: ни, господи.

Зах.4:5  с толкованием

6
И отвеща и рече ко мне глаголя: сие слово Господне к Зоровавелю глаголя: не в силе велицей, ни в крепости, но в Дусе Моем, глаголет Господь Вседержитель.

Зах.4:6  с толкованием

7
Что ты еси, горо великая, пред лицем Зоровавеля, еже исправити? И изнесу камень наследия, равенство благодати, благодать его.

Зах.4:7  с толкованием

8
И бысть слово Господне ко мне глаголя:

Зах.4:8  с толкованием

9
руце Зоровавелевы основаша храм сей и руце его совершат его: и уразумееши, яко Господь Вседержитель посла Мя к вам:

Зах.4:9  с толкованием

10
зане кто укорил тя есть во дни малы? И возрадуются, и увидят камень, иже от чистаго олова, в руку Зоровавеля: седмь сия очеса Господня суть, призирающая на всю землю.

Зах.4:10  с толкованием

11
И отвещах и рех к нему: что суть две маслины сия, яже одесную свещника и ошуюю?

Зах.4:11  с толкованием

12
И вопросих вторицею и рех к нему: что суть две ветви масличны, яже в руку двух усекалниц златых возливающих и возношающих чашицы златыя?

Зах.4:12  с толкованием

13
И рече ко мне глаголя: не веси ли, что суть сия? И рех: ни, господи.

Зах.4:13  с толкованием

14
И рече: сии два сынове тучности, яже предстоят Господеви всея земли.

Зах.4:14  с толкованием

Глава 
5

Зах.5  с толкованием

1
И обратихся и возведох очи мои и видех, и се, серп летящь.

Зах.5:1  с толкованием

2
И рече ко мне: что ты видиши? И рех: аз вижду серп летящь, в долготу лактей двадесять и в широту десяти лактей.

Зах.5:2  с толкованием

3
И рече ко мне: сия клятва исходящая на лице всея земли: зане всяк тать от сего даже до смерти отмщен будет, и всяк кленыйся во лжу от сего до смерти отмстится.

Зах.5:3  с толкованием

4
И изнесу его, глаголет Господь Вседержитель, и внидет в дом татя и в дом кленущагося именем Моим во лжу, и вселится посреде дому его, и скончает его и древа его и камение его.

Зах.5:4  с толкованием

5
И изыде Ангел глаголяй во мне и рече ко мне: воззри очима твоима и виждь исходящее сие. И рех:

Зах.5:5  с толкованием

6
что есть? И рече: сия мера исходящая. И рече: сия неправда их по всей земли.

Зах.5:6  с толкованием

7
И се, талант оловян вземляйся, и се, жена едина седяше посреде меры.

Зах.5:7  с толкованием

8
И рече: сия есть беззаконие. И верже ю в средину меры и вверже камень оловяный во уста ея.

Зах.5:8  с толкованием

9
И возведох очи мои и видех, и се, две жены исходящыя, и дух в крилех их, и те имяху крила, яко криле вдодовы: и взяша меру между землею и между небом.

Зах.5:9  с толкованием

10
И рех ко Ангелу глаголющему во мне: камо сия относят меру?

Зах.5:10  с толкованием

11
И рече ко мне: создати ей храмину в земли Вавилонстей и уготовати, и положат ю тамо на уготование свое.

Зах.5:11  с толкованием

Глава 
6

Зах.6  с толкованием

1
И обратихся и возведох очи мои и видех, и се, четыри колесницы исходящыя из средины двоих гор, горы же те беша горы медяны:

Зах.6:1  с толкованием

2
в колеснице первей кони рыжы, и в колеснице вторей кони врани,

Зах.6:2  с толкованием

3
и в колеснице третией кони бели, и в колеснице четвертей кони пестри скори.

Зах.6:3  с толкованием

4
И отвещах и рех ко Ангелу глаголющему во мне: что суть сия, господи?

Зах.6:4  с толкованием

5
И отвеща Ангел глаголяй во мне и рече: сия суть четыри ветри небеснии, иже исходят предстати Господу всея земли.

Зах.6:5  с толкованием

6
В нейже беху кони врани, исхождаху на землю северскую, и белии исхождаху вслед их, и пестрии исхождаху на землю южную,

Зах.6:6  с толкованием

7
и скории исхождаху и озираху еже оыти землю. И рече: идите, обыдите землю. И обыдоша землю.

Зах.6:7  с толкованием

8
И возопи и рече ко мне глаголя: се, исходящии на землю северскую упокоиша ярость Мою на земли северстей.

Зах.6:8  с толкованием

9
И бысть слово Господне ко мне глаголя:

Зах.6:9  с толкованием

10
приими, яже от плена от князей и от ключимых его и от разумевших его, и внидеши ты в день он в дом Иосии Софониина, грядущаго от Вавилона,

Зах.6:10  с толкованием

11
и приимеши сребро и злато, и сотвориши венцы, и возложиши на главу Иисусу Иоседекову, иерею великому,

Зах.6:11  с толкованием

12
и речеши к нему: сице глаголет Господь Вседержитель: се, Муж, Восток имя Ему, и под Ним возсияет, и созиждет храм Господень:

Зах.6:12  с толкованием

13
и той приимет добродетель, и сядет и возобладает на престоле Своем, и будет иерей одесную Его, и совет мирен будет между обема,

Зах.6:13  с толкованием

14
а венец будет терпящым и ключимым Ему и разумевшым Его, и в благодать сыну Софониину, и в псалом во храме Господни:

Зах.6:14  с толкованием

15
и издалеча от сих приидут и созиждут во храме Господни, и уразумеете, яко Господь Вседержитель посла мя к вам: и будет, аще слушающе послушаете гласа Господа Бога вашего.

Зах.6:15  с толкованием

Глава 
7

Зах.7  с толкованием

1
И бысть в четвертое лето, при Дарии цари, бысть слово Господне ко Захарии в четвертый месяца девятаго, иже есть Хаселев.

Зах.7:1  с толкованием

2
И посла в Вефиль Сарасар и Арвесеер царь и мужие его молити Господа,

Зах.7:2  с толкованием

3
глаголя ко священником, иже во храме Господа (Бога) Вседержителя, и пророком, глаголя: аще вниде зде в пятый месяц святыня, (плачя или постяся,) якоже сотворих уже многа лета.

Зах.7:3  с толкованием

4
И бысть слово Господа Вседержителя ко мне глаголя:

Зах.7:4  с толкованием

5
рцы ко всем людем земли и ко священником глаголя: аще постистеся или плачевопльствисте в пятинах или седминах (месяца), и се, седмьдесят лет, постом ли постистеся Ми?

Зах.7:5  с толкованием

6
И аще ясте или пиете, не вы ли ясте и пиете?

Зах.7:6  с толкованием

7
Не сия ли суть словеса, яже глагола Господь руками пророков прежних, егда бе Иерусалим населен и гобзующь, и гради его окрест, и нагорная и подольная населена бяху?

Зах.7:7  с толкованием

8
И бысть слово Господне ко Захарии глаголя:

Зах.7:8  с толкованием

9
сице глаголет Господь Вседержитель: суд праведен судите и милость и щедроты творите кийждо ко брату своему,

Зах.7:9  с толкованием

10
а вдовицы и сира, и пришелца и убога не насильствуйте, и злобы кийждо брата своего да не помнит в сердцах своих.

Зах.7:10  с толкованием

11
И не покоришася, еже внимати, и даша плещы презирающыя, и ушеса своя отяготиша, еже не слышати,

Зах.7:11  с толкованием

12
и сердце свое учиниша непокориво, не послушати закона Моего и словес, яже посла Господь Вседержитель Духом Своим рукою пророков прежних: и бысть гнев великий от Господа Вседержителя.

Зах.7:12  с толкованием

13
И будет, якоже рече, и не услышаша Его: сице возопиют, и не имам услышати, глаголет Господь Вседержитель:

Зах.7:13  с толкованием

14
и отвергу я во вся языки, иже не разумеша, и земля запустеет последи их от проходящаго и от возвращающагося: и учиниша избранную землю в запустение.

Зах.7:14  с толкованием

Глава 
8

Зах.8  с толкованием

1
И бысть слово Господа Вседержителя (ко мне) глаголя:

Зах.8:1  с толкованием

2
сице глаголет Господь Вседержитель: ревновах по Иерусалиме и Сионе рвением великим и яростию велиею ревновах по нем.

Зах.8:2  с толкованием

3
Тако глаголет Господь: обращуся к Сиону и вселюся посреде Иерусалима, и наречется Иерусалим град истинный, и гора Господа Вседержителя гора святая.

Зах.8:3  с толкованием

4
Сице глаголет Господь Вседержитель: еще сядут старцы и старицы на путех Иерусалимских, кийждо жезл свой имый в руце своей от множества дний:

Зах.8:4  с толкованием

5
и путие града исполнятся отрочищ и отроковиц играющих на путех его.

Зах.8:5  с толкованием

6
Сице глаголет Господь Вседержитель: аще изнеможет пред останком людий сих во онех днех, еда и предо Мною изнеможет? Глаголет Господь Вседержитель.

Зах.8:6  с толкованием

7
Сице глаголет Господь Вседержитель: се, Аз спасу люди Моя от земли восточныя и от земли западныя

Зах.8:7  с толкованием

8
и введу их (в землю их), и вселюся посреде Иерусалима, и будут Ми в люди, и Аз буду им в Бога во истине и в правде.

Зах.8:8  с толкованием

9
Сице глаголет Господь Вседержитель: да укрепятся руце вас слышащих во днех сих словеса сия от уст пророческих, от негоже дне основася храм Господа Вседержителя, и церковь отнележе создася.

Зах.8:9  с толкованием

10
Зане прежде дний онех мзда человеком не бе во успех, и мзда скотом не бяше, и исходящему и входящему не бе мира от печали, и послю вся человеки коегождо на искренняго своего.

Зах.8:10  с толкованием

11
И ныне не по днем онем прежним Аз сотворю останку людий сих, глаголет Господь Вседержитель,

Зах.8:11  с толкованием

12
но покажу мир: виноград даст плод свой, и земля даст жита своя, и небо даст росу свою, и наследити сотворю останком людий Моих сих вся сия.

Зах.8:12  с толкованием

13
И будет, яко бесте в клятве во языцех, доме Иудов и доме Израилев, тако спасу вы, и будете в благословении: дерзайте и укрепляйтеся руками вашими.

Зах.8:13  с толкованием

14
Зане сице глаголет Господь Вседержитель: якоже помыслих озлобити вы, внегда прогневаша Мя отцы ваши, глаголет Господь Вседержитель, и не раскаяхся:

Зах.8:14  с толкованием

15
тако уставих и умыслих во дни сия добро сотворити Иерусалиму и дому Иудову: дерзайте.

Зах.8:15  с толкованием

16
Сия словеса, яже сотворите: глаголите истину кийждо искреннему своему, истину и суд мирен судите во вратех ваших,

Зах.8:16  с толкованием

17
и кийждо злобы искренняго своего не помышляйте в сердцах ваших, и клятвы лживыя не любите, зане вся сия возненавидех, глаголет Господь Вседержитель.

Зах.8:17  с толкованием

18
И бысть слово Господа Вседержителя ко мне глаголя:

Зах.8:18  с толкованием

19
сице глаголет Господь Вседержитель: пост четвертый и пост пятый, и пост седмый и пост десятый будут дому Иудову в радость и в веселие и в праздники благи: и возвеселитеся и истину и мир возлюбите.

Зах.8:19  с толкованием

20
Сице глаголет Господь Вседержитель: еще людие мнози приидут и живущии во градех многих:

Зах.8:20  с толкованием

21
и снидутся живущии во пяти градех во един град, глаголюще: грядим помолитися лицу Господню и взыскати лице Господа Вседержителя: иду и аз.

Зах.8:21  с толкованием

22
И приидут людие мнози и языцы мнози взыскати лица Господа Вседержителя во Иерусалиме и умолити лице Господне.

Зах.8:22  с толкованием

23
Сице глаголет Господь Вседержитель: во оны дни имется десять мужей от всех племен языческих, и имутся за ризу мужа Иудеанина, глаголюще: пойдем с тобою, зане слышахом, яко Бог с вами есть.

Зах.8:23  с толкованием

Глава 
9

Зах.9  с толкованием

1
Пророчество словесе Господня в земли Седраха и Дамаска жертвы его: зане Господь призирает на человеки и на вся колена Израилева,

Зах.9:1  с толкованием

2
и во Имафе в пределех его Тир и Сидон, яко умудреша зело.

Зах.9:2  с толкованием

3
И созда Тир твердыни себе и собра сребро яко персть и злато яко брение путий.

Зах.9:3  с толкованием

4
Сего ради Господь наследит я и поразит в море силу его, и той огнем поястся.

Зах.9:4  с толкованием

5
Увидит Аскалон и убоится, и Газа и поболит зело, и Аккарон, яко постыдеся о уповании своем: и погибнет царь от Газы, и Аскалон не имать населитися.

Зах.9:5  с толкованием

6
И вселятся иноплеменницы во Азоте, и разрушу досаждение иноплеменников,

Зах.9:6  с толкованием

7
и изму кровь их из уст их и мерзости их из средины зубов их, и оставятся и сии Богу нашему и будут яко тысящник во Иуде, и Аккарон якоже Иевусей.

Зах.9:7  с толкованием

8
И подставлю храму Моему воздвижение, еже не сквозе ходити, ниже возвращатися, и ктому не имать приити на ня изгоняяй: яко ныне видех очима Моима.

Зах.9:8  с толкованием

9
Радуйся зело, дщи Сионя, проповедуй, дщи Иерусалимля: се, Царь твой грядет тебе праведен и спасаяй, той кроток и всед на подяремника и жребца юна.

Зах.9:9  с толкованием

10
И потребит колесницы от Ефрема и кони от Иерусалима, и потребит лук бранный, и множество, и мир от языков: и обладает водами от моря до моря и от рек до исходищ земли.

Зах.9:10  с толкованием

11
И ты в крови завета твоего испустил еси узники твоя от рова не имуща воды.

Зах.9:11  с толкованием

12
Сядите в тверделех, связани сонмища, и за един день пришелствия твоего сугубо воздам ти.

Зах.9:12  с толкованием

13
Занеже напрягох тя Себе, Иудо, яко лук, исполних Ефрема, и воздвигну чада твоя, Сионе, на чада Еллинска, и осяжу тя яко мечь ратника.

Зах.9:13  с толкованием

14
И Господь на них явится, и изыдет яко молния стрела Его: и Господь Бог Вседержитель в трубу вострубит и пойдет в шуме прещения своего.

Зах.9:14  с толкованием

15
Господь Вседержитель защитит их, и поядят я, и посыплют их камением пращным, и испиют кровь их яко вино, и исполнят окрины яко жертвенник.

Зах.9:15  с толкованием

16
И спасет я Господь Бог их в день он, яко овцы люди Своя: зане камение свято валяется на земли Его.

Зах.9:16  с толкованием

17
Аще что благо его, и аще что добро его, пшеница юношам и вино благоуханно девам.

Зах.9:17  с толкованием

Глава 
10

Зах.10  с толкованием

1
Просите от Господа дождя во время ранняго и поздняго: Господь сотвори привидения, и дождь зимен даст им, комуждо злак на селе.

Зах.10:1  с толкованием

2
Зане провещающии глаголаша труды, и вражбителие видения ложна и сония лжива глаголаху, суетными утешаху: сего ради изсхоша яко овцы, и озлоблени быша, понеже не бе изцеления.

Зах.10:2  с толкованием

3
На пастырей прогневася ярость Моя, и на агнцы посещу: и посетит Господь Бог Вседержитель стадо Свое, дом Иудин, и учинит я аки коня благолепна Своего во брани.

Зах.10:3  с толкованием

4
И от него призре, и от него учини, и от него лук в дусе ярости, и от него изыдет всяк изгоняяй в том.

Зах.10:4  с толкованием

5
И будут яко ратницы попирающе брение на путех во брани, и ополчатся, яко Господь с ними, и постыдятся всадницы коннии.

Зах.10:5  с толкованием

6
И укреплю дом Иудов и дом Иосифов спасу, и вселю я, понеже возлюбих я, и будут аки бы не отвратих их: зане Аз Господь Бог их и услышу я.

Зах.10:6  с толкованием

7
И будут яко ратницы Ефремовы, и возрадуется сердце их аки от вина: и чада их увидят и возвеселятся, и возрадуется сердце их о Господе.

Зах.10:7  с толкованием

8
Возвещу им и прииму я, зане искуплю их, и умножатся, якоже бяху мнози:

Зах.10:8  с толкованием

9
и всею я в людех, и дальнии помянут Мя, и воспитают чада своя, и обратятся:

Зах.10:9  с толкованием

10
и возвращу я от земли Египетския и от Ассириан прииму я, и в Галаадит и в Ливан введу я, и не имать остати от них ни един.

Зах.10:10  с толкованием

11
И пройдут морем узким и поразят в мори волны, и изсякнут вся глубины речныя, и отимется всяко досаждение Ассирийско, и скиптр Египетск отимется.

Зах.10:11  с толкованием

12
И укреплю я о Где Бозе их, и о имени Его восхвалятся, глаголет Господь.

Зах.10:12  с толкованием

Глава 
11

Зах.11  с толкованием

1
Разверзи, Ливане, двери твоя, и да пояст огнь кедры твоя:

Зах.11:1  с толкованием

2
да плачевопльствит питис, зане паде кедр, яко вельможи вельми обеднеша. Восплачевопльствите, дуби Васанитидстии, яко посечеся дубрава насажденная.

Зах.11:2  с толкованием

3
Глас плачущих пастырей, яко возбедствова величие их: глас рыкающих львов, яко озлоблено бысть шатание Иорданово.

Зах.11:3  с толкованием

4
Сице глаголет Господь Вседержитель: пасите овцы заколения,

Зах.11:4  с толкованием

5
яже стяжавшии закалаху и не раскаявахуся, и продающии я глаголаху: благословен Господь, и обогатихомся: и пастырие их не печахуся ни чимже о них.

Зах.11:5  с толкованием

6
Сего ради не пощажду ктому на живущих на земли, глаголет Господь: и се, Аз предам человеки, коегождо в руце искреннему его и в руце царю своему: и изсекут землю, и не имам изъяти от руки их.

Зах.11:6  с толкованием

7
И упасу овцы заколения в земли Ханаани: и прииму Себе два жезла, единаго нарекох доброту, а другаго нарекох уже, и упасу овцы.

Зах.11:7  с толкованием

8
И погублю три пастыри в месяц един, и отягчает душа Моя на ня: ибо души их рыкаху на Мя.

Зах.11:8  с толкованием

9
И рех: не имам пасти вас: умирающее да умрет, и изчезающее да изчезнет, и прочая да пояст кийждо плоть ближняго своего.

Зах.11:9  с толкованием

10
И прииму жезл Мой добрый и отвергу его еже разорити завет Мой, егоже завещах ко всем людем:

Зах.11:10  с толкованием

11
и разорится в день оный, и уразумеют Хананее овцы хранимыя Мне, зане слово Господне есть.

Зах.11:11  с толкованием

12
И реку к ним: аще добро пред вами есть, дадите мзду Мою, или отрецытеся. И поставиша мзду Мою тридесять сребреник.

Зах.11:12  с толкованием

13
И рече Господь ко мне: вложи я в горнило и смотри, аще искушено есть, имже образом искушен бых о них. И приях тридесять сребреник и вложих их в храм Господень в горнило.

Зах.11:13  с толкованием

14
И отвергох жезл вторый уже, еже разорити завет иже посреде Иуды и посреде Израиля.

Зах.11:14  с толкованием

15
И рече Господь ко мне: еще приими себе сосуды пастырски, пастыря неискусна:

Зах.11:15  с толкованием

16
зане, се, Аз воздвигну пастыря на землю: погибающаго не посетит и расточеннаго не имать взыскати, и сокрушеннаго не имать изцелити и здраваго не имать направити, и мяса избранных пояст и глезны их извиет.

Зах.11:16  с толкованием

17
О, пасущии суетная и оставльшии овец! Мечь на мышцу его и на око ему десное: мышца его изсыхающи изсхнет, и око ему десное ослепая ослепнет.

Зах.11:17  с толкованием

Глава 
12

Зах.12  с толкованием

1
Пророчество словесе Господня на Израиля, глаголет Господь, прострый небо и основаяй землю и созидаяй дух человека в нем:

Зах.12:1  с толкованием

2
се, Аз полагаю Иерусалима яко преддверия движимая всем людем окрест, и во Иудеи будет обседение на Иерусалима:

Зах.12:2  с толкованием

3
и будет в день оный, положу Иерусалима камень попираемый всеми языки: всяк попираяй его ругаяся поругается, и соберутся нань вси языцы земли.

Зах.12:3  с толкованием

4
В день он, глаголет Господь Вседержитель, поражу всякаго коня во ужас и всадника его в безумие: и на дом Иудов отверзу очи Мои и вся кони людий поражу во ослепление.

Зах.12:4  с толкованием

5
И рекут тысящницы Иудины вси в сердцах своих: обрящем себе живущыя во Иерусалиме о Господе Вседержители Бозе их.

Зах.12:5  с толкованием

6
В день он положу тысящники Иудины яко главню огненну в дровах и яко свещу огненну в стеблии, и поядят одесную и ошуюю вся люди окрест: и населится Иерусалим еще по себе во Иерусалиме:

Зах.12:6  с толкованием

7
и спасет Господь селения Иудова якоже исперва, яко да не величается похвала дому Давидова и величания живущих во Иерусалиме на Иуду.

Зах.12:7  с толкованием

8
И будет в день он, защитит Господь живущих во Иерусалиме: и будет немощный в них в той день яко Давид, а дом Давидов яко дом Божий, якоже Ангел Господень пред ними.

Зах.12:8  с толкованием

9
И будет в день он, взыщу изъяти вся языки грядущыя на Иерусалим,

Зах.12:9  с толкованием

10
и излию на дом Давидов и на живущыя во Иерусалиме дух благодати и щедрот, и воззрят Нань, Егоже прободоша, и восплачутся о Нем плаканием яко о возлюбленнем, и поболят о Нем болезнию яко о первенце.

Зах.12:10  с толкованием

11
В день он возвеличится плачевопльствие во Иерусалиме, яко плачевопльствие Ададримона на поли Магедоне.

Зах.12:11  с толкованием

12
И восплачется земля по племеном племеном: колено о себе, и жены их о себе: колено дому Давидова о себе и жены их о себе:

Зах.12:12  с толкованием

13
колено дому Нафанова о себе, и жены их о себе: колено дому Левиина о себе, и жены их и себе: колено Симеоне о себе, и жены их о себе:

Зах.12:13  с толкованием

14
вся прочая колена, колено и колено о себе, и жены их о себе.

Зах.12:14  с толкованием

Глава 
13

Зах.13  с толкованием

1
В день он будет всяко место отверзаемо дому Давидову и живущым во Иерусалиме в предвижение и разделение.

Зах.13:1  с толкованием

2
И будет в день он, глаголет Господь Саваоф, потреблю имена идолов от земли, и ктому не будет их памяти: и лживыя пророки и духа нечистаго изму от земли.

Зах.13:2  с толкованием

3
И будет, аще проречет человек еще, и речет к нему отец его и мати его, рождшии его, внегда пророчествовати ему: не жив будеши, яко лжу глаголал еси во имя Господне: и запнут ему отец его и мати его, родившии его, егда пророчествовати начнет.

Зах.13:3  с толкованием

4
И будет в день он, постыдятся пророцы, кийждо от видения своего, внегда пророчествовати ему, и облекутся в кожу власяную, зане солгаша.

Зах.13:4  с толкованием

5
И речет: несмь пророк аз, яко человек делаяй землю аз есмь, зане человек роди мя от юности моея.

Зах.13:5  с толкованием

6
И реку к нему: что язвы сия посреде руку твоею? И речет: имиже уязвлен бых в дому возлюбленнаго моего.

Зах.13:6  с толкованием

7
Мечу, востани на пастыря Моего и на мужа гражданина Моего, глаголет Господь Вседержитель: порази пастыря, и расточатся овцы стада: и наведу руку Мою на (малыя) пастыри.

Зах.13:7  с толкованием

8
И будет в день он на всей земли, глаголет Господь, две части ея потребятся и изчезнут, а третия останется на ней:

Зах.13:8  с толкованием

9
и проведу третию часть сквозе огнь, и разжгу я, якоже разжизается сребро, и искушу я, якоже искушается злато: той призовет имя Мое, и Аз услышу его и реку: людие Мои сии суть. И тии рекут: Господь Бог мой.

Зах.13:9  с толкованием

Глава 
14

Зах.14  с толкованием

1
Се, дние Господни грядут, и разделятся корысти твоя в тебе:

Зах.14:1  с толкованием

2
и соберу вся языки на Иерусалим в брань, и пленится град, и расхитятся домове, и жены осквернятся: и изыдет пол града в пленение, а останок людий Моих не потребятся от града.

Зах.14:2  с толкованием

3
И изыдет Господь и ополчится на языки оны, якоже день ополчения его в день брани.

Зах.14:3  с толкованием

4
И станут нозе Его в день он на горе Елеонстей, яже есть прямо Иерусалиму на восток: и разделится гора Елеонская, пол ея к востоком и пол ея к морю, пропасть велия зело: и уклонится пол горы на север и пол ея на юг:

Зах.14:4  с толкованием

5
и засыплется дебрь гор Моих, и прильпнет дебрь горняя даже до Асаила и наполнится, якоже наполнися от лица труса во днех Озии царя Иудова: и приидет Господь Бог мой, и вси святии с Ним.

Зах.14:5  с толкованием

6
И будет в день он, не будет свет, но зима и мраз:

Зах.14:6  с толкованием

7
и будет день един, и день той знаемь будет Господеви, и не день и не нощь, и при вечере будет свет.

Зах.14:7  с толкованием

8
И в день он изыдет вода жива из Иерусалима, пол ея в море первое и пол ея в море последнее: и в жатву и в весну будет тако.

Зах.14:8  с толкованием

9
И будет Господь в Царя по всей земли: в день он будет Господь един, и имя Его едино,

Зах.14:9  с толкованием

10
обходя всю землю и пустыню, от Гаваи и до Реммона, на юг Иерусалиму: и вознесется на месте и пребудет от врат Вениаминих до места врат первых, даже до врат уголных и до столпа Анамеиля и до подточилия царева.

Зах.14:10  с толкованием

11
И вселятся в нем, и анафема не будет ктому, и вселится Иерусалим надеяйся.

Зах.14:11  с толкованием

12
И сие будет падение, имже изсечет Господь вся люди, елицы воеваша на Иерусалим: истают плоти их стоящих на ногах своих, и очеса им истекут из обочий их, и язык их истает во устех их.

Зах.14:12  с толкованием

13
И будет в день он ужас Господень велий на них: и имутся кийждо за руку ближняго своего, и соплетется рука его к руце ближняго своего.

Зах.14:13  с толкованием

14
И Иуда ополчится во Иерусалиме и соберет крепость всех людий окрест, злато и сребро и ризы во множество зело.

Зах.14:14  с толкованием

15
И сие будет падение конем и мском, и велблюдом и ослом, и всем скотом сущым в полцех онех, по падению сему.

Зах.14:15  с толкованием

16
И будет, елицы аще останутся от всех язык пришедших на Иерусалим, и взыдут на всякое лето покланятися Царю Господу Вседержителю и праздновати праздник скинопигии.

Зах.14:16  с толкованием

17
И будет, елицы аще не взыдут от всех племен земли во Иерусалим поклонитися Царю Господу Вседержителю, и сии онем приложатся, не будет на них дождя.

Зах.14:17  с толкованием

18
Аще же колено Египетское не взыдет, ни приидет, и на сих будет язва, еюже поразит Господь вся языки, елицы аще не взыдут, еже праздновати праздник скинопигии.

Зах.14:18  с толкованием

19
Сей будет грех Египту и грех всем языком, елицы аще не взыдут, еже праздновати праздник скинопигии.

Зах.14:19  с толкованием

20
В день он будет еже во узде коня, свято Господу Вседержителю: и будут коноби в дому Господни яко чашы пред лицем олтаря,

Зах.14:20  с толкованием

21
и будет всяк коноб во Иерусалиме и во Иуде свят Господеви Вседержителю: и приидут вси жрущии и приимут от них и сварят в них, и не будет Хананей ктому во храме Господа Вседержителя в день он.

Зах.14:21  с толкованием